Дагинформ етекшиси Арсен Юсупов: «Дагестан Аькимбасынынъ Тувра линиясы тагы да энъ оьткир соравларды эм маьселелерди козгады».
Дагестан Аькимбасы Сергей Меликовтынъ Тувра линиясы кезекли кере бу аьллесуьв кебининъ статусы яшавшылар ман тувра диалог юритуьвдинъ пайдалы алаты экенин шайытлады.
Сондай ойы ман боьлисти ДР информация эм баспа Агентствосынынъ етекшиси Арсен Юсупов.
Онынъ белгилеви мен, республика яшавшыларыннан туьскен соравлар энъ туьрли яшав тармаклары ман байланыслы эди. Регион етекшиси тураккоммуналлык хозяйствосы, ярастырув, солай ок СВО катнасувшыларын эм олардынъ аьеллерин колтыклав ман байланыста орын тапкан маьселели темаларга толысынша яваплады.
«Айырым маьнелиги сол: яшавшылар ман аьллесуьв барысында Сергей Меликов тез ок карысып, маьне беруьвди талаплайтаган аьллер бойынша аян тапшырмалар берди. Айтпага, СВО барысы акында билдиретаган согыс корреспондентлерин колтыклав ман байланыста соравды шешпеге тапшырды. Ондай карар алынганы олардынъ кавыфлы эм маьнели кыйын салувы йогары бааланатаганын белгилейди эм кенъ ямагатка дурыс информацияды еткеруьвге каратылган», – деди Дагинформ етекшиси Арсен Юсупов.