Янъыларда Нефтекум округындагы Коясыл авыл маданият уьйининъ хормейстери Мадина Мурзаевага Ставрополь крайдынъ губернаторынынъ стипендиясына тийисли этилинди. Онынъ етекшилиги астында «Степные колокольчики» балалар вокал куьби, «Росиночка» халк ансамбли, «Алтынай» халк фольклор ансамбли эм «Россиянка» халк хор ансамбли етимисли аьрекетлеп келеди. Етекшидинъ куллыксуьерлиги аркалы ис коллективлери край эм район бойынша озгарылатаган коьплеген шараларын ярасыклап келедилер.
Йогары кеспилиги эм яваплы иси уьшин Мадина Тахамбетдаировна Мурзаева «Ясларды патриотлык тербиялав уьшин», «Ставрополь крайынынъ сыйлы
маданият куллыкшысы», баска болып, Ставрополь крайынынъ губернаторы эм маданият министерствосынынъ Сый грамоталары ман белгиленген.
Йыл сайын губернатордынъ баславы ман кырк белгили маданият эм саният аьрекетшилерине стипендиялары шыгарыладылар.
Йыл ишинде специалистлер регион бойынша бюджетиннен регионнынъ маданияты оьрленуьвге эм сакланувына демевлик эткен акшалай коьтергишлевине тийисли болып келедилер.
Суьвретте: Мадина Мурзаева.