Куьшли ямгырлар явып, сырагысында республика яшавшыларынынъ турак уьйлерине эм муьлкине зыян келтирилгени мен байланыста, ДР информация эм баспа агентствосы ман эм онынъ басшылыгы астындагы учреждениелер мен маьнели карар кабыл этилинип алынды: сув алган ерлерде кыйынлык
коьргенлерге бир куьнлик кыйын акты коьширмеге.
Оннан баска болып, баьри информациялык блок кешеси-куьндизи мен бир неше яклы куллык этуьвди бардырады:
Яшавшылар ман байланыс. 28-нши март куьниннен алып, электроярыксыз да, Баспа уьйининъ меканы аьрекетин токтатпады. Сонынъ уьшин керидеги бар затлар кулланылып, мекан тоьбесинде орынластырылган связь операторлардынъ негизли станциялары ислейди. Ювыкта орынласкан уьйлер яшавшыларында олар ман дайым эм уьзилгисиз байланыс тутувга эп бар.
Ерли-ерлерде ярдамласув. Газеталар редакциялары, ерли власть органлары ман белсенлик пен биргелесип, токтавсыз явган ямгырлардан зыян коьрген
яшавшыларга колыннан келген коьмегин этедилер. «Нийсо-Дагестан» газетасынынъ бас редакторы Умар Якиев Хасавюрт районынынъ Кадыротар, Адильотар эм Тутлар авылларынынъ энъ куьшли зыян коьрген яшавшыларына айырым коьмек этуьв исинде ортакшылык этеди.
Оперштаб. Информационлык Управлениеси эм Дагестан Республикасынынъ Аькимбасынынъ пресс-службасы ман биргелесте яшавшыларга дурыс
билдируьвлер еткеруьв бойынша куллык этуьвди уйгынлаган. Коьлем информациялар амалларынынъ редакция куллыкшылары яшавшыларга туьзилген аьл акында актуальли эм шынтылай аян билдируьвлер, солай ок кыйынлыкка туьскенлерге патшалык яклав бойынша коьрилетаган баьри шаралар
акында еткеруьв уьшин кешеси-куьндизи мен куллык этедилер.