Дагестан Республикасынынъ Аькимбасы Сергей Меликов Мамедкалада оьлген волонтердынъ аьелине тийисли коьмек этилинмеге керек деген тапшырув этти. 19 ясындагы Артем Михрабов Дербент районынынъ Геджух авылыннан эди. Болып турган баьле-каза акында эситкенде ок, яс биринши куьннен алып керексинетаган аьдемлерди белсен коьтергишлеп турган. Ислеп турган мезгилде басына авыр яра алып, вертолет пан Махачкала каласынынъ больницасына еткерилген. Оькинишке, врачлар онынъ яшавын куткарып болмадылар.
ДР яслар ислери бойынша министри Камил Саидов волонтердынъ аьелине Сергей Меликовтан бассавлык айтпага бармага ниетленеди. Республикамыздынъ басшысынынъ тапшырувы ман, Михрабовлардынъ аьелине керекли коьмек этилинеек.