Уьстимиздеги йылдынъ тамбыз айынынъ 6-7-нши куьнлеринде савлай элимизде Ногай футбол лигасынынъ сайлав кезегининъ ойынлары оздылар. Каты куьресуьвлер бойынша турнирдинъ финал кезегине путевка уьшин Россиядынъ сегиз регионларыннан 38 командалары ортакшылык эттилер. Ойын уьшин яны  авырыйтаганларга, ярык эм коьнъилли ойынын савкатлавы ман, бу йылдынъ регионаллык сайлавлары етимисли базласув оьлшеми мен баскаланды. Эки куьн бойы футбол командаларынынъ ойынлары тамамында Савлайроссиялык ногай футбол лигасынынъ финал кезегинде оьз регионлары атыннан ойнаяк куьшли командалары белгилендилер.
Финал кезегининъ наьсипли билетлерине Астраханьнен «Растопуловка» командасы, Ямал-Ненец автономлы округы бойынша «Бирлик», «Юг1» зонасыннан «Шаьбден», «Тохтамыш», Москвадан «ТереклиМектеб», ХМАО-дан «Кунбатар», «Геметюбе», «Огузер», «Тамазатюбе», «ЮГ 2» зонасыннан «Сулак», «Терекли», «Геметюбе Даг»
командалары тийисли этилдилер.
Ногай футбол лигадынъ бас мырады эм шакырувы – дослык байланысларын беркитуьв эм ясларды бириктируьв болады. Ерли баслав яшавга шыгарылып, буьгуьнлерде НФЛ, сырт округларыннан алып кубыла республикаларына дейим алал ян авырыйтаганларды эм юзлеген ойнавшыларын бирге йыйнап келип, куватлы спорт козгалысына айланды.
Ногай футбол лигасынынъ уйгынлав комитети авыр шелтевли элевин оьтип болган командаларын ак юректен кутлайды, негизли ойын шагына ийги кепте аьзирлик коьргенин
йорайды. Тезден финалистлер ясыл оьлен уьстинде, 2026-ншы йыл Ногай футбол лигадынъ чемпионын айырув ниетте, бирге йолыгысаяклар.
Социаллык тармакларында лигадынъ официальлик сайтында турнир бойынша таблицалар эм билдируьвлер, солай болып, финал кезегининъ расписаниеси артыннан тергенъиз.
Бу йыл турнирдинъ финалы Черкесск каласында 2026-ншы йылдынъ шилле айынынъ 11-12-нши куьнлеринде оьтеек. Онда 12 куьшли командалары лига енъуьвшилери деп белгиленееклер.
Суьвретте: шарадан коьринис.