Россия Президенти Владимир Путин Петербургтагы халклар ара экономикалык форумында оьз шыгып соьйлевин «Исленъиз, кардашлар!» деген соьзлер мен тамамлады. Бу, душпаннынъ коьзине йигерли караган, Каспийск каласынынъ полиция куллыкшысы Магомед Нурбагандовтынъ энъ ызгы соьзлери баьтирликтинъ белгиси болдылар. Ол оьлимнен коркпады, караклардынъ буйырыгын да толтырмады эм берген антына алал болды.
Дагестаннынъ увылы данък излемеди, ама онынъ эткен иси, куьшлилиги эм оьз тувган ерине алаллыгы атын дайымларга тарихке киргизди.
Он йылдан сонъ Россия Баьтири Магомед Нурбагандовтынъ соьзлери йогары патшалык оьлшеминде айтыладылар. Олар шынты баьтирлик данък излевде тувыл, борышты толтырувда эм, оьлимнинъ алдында болса да, оьз ой-ниетлерге алал болып калувда экенин эске саладылар.
Президенттинъ шыгып соьйлевин тамамлаган соьзлер аьр бир гражданинди еримизди коршалаганлардынъ эстелигине тийисли болмага эм Россиядынъ кавыфсызлыгы эм шешекейленуьвине оьз уьлисин коспага шакырадылар.
Нурият Кожаева.