Солай ок районнынъ финанслар боьлгининъ етекшисининъ орынбасары А.Кидирниязова «Ногайский район» МР бюджетине туьрленислер киргистуьв акында билдирди.

«Ногайский район» МР депутатларынынъ бесинши кере шакырылган Йыйынынынъ 37 сессиясынынъ «Ногайский район» МО муниципальный службасынынъ должностьлерининъ сырагысы акында» деген карарынынъ куьшин тайдырув акында билдируьвди «Ногайский район» МО аькимбасынынъ коррупцияга карсылык этуьв бойынша коьмекшиси Э.Нукаева билдируьв этти.

«Ногайский район» МР Администрациясында «Капиталлык курылыс боьлиги» деген муниципаллык казенный учреждение ашув акында,Дагестан Республикасынынъ Ногай район еринде индустриаллык(промышленный) паркын ашув акында, «Хозяйство-техникалык канагатлав учреждение» деген муниципаллык казенный учреждениединъ Уставына туьрлендируьвлер киргистуьв акында билдируьвди «Ногайский район» МР администрациясынынъ аькимбасынынъ орынбасары Х.Саитов этти.

Ерли референдум озгарув акында билдируьвди «Ногайский район» МР администрациясынынъ аькимбасы М.Аджеков этти.