Аьлиги заман – бек уьйкен информационлык кенълик. Буьгуьнлерде СМИ орыны бек уьйкен. Соны ман байланыслы болып, биз бек аьруьв де анълаймыз, редакция куллыкшылары кайдай яваплы куллыкты бардыратаганын.

      Редакция куллыкшылары тек окувшыларга билдируьвлер этип калмайдылар, олар власть органлары ман яшавшылар араларында коьпир саладылар, район, республикага бек маьнели борышларды шешпеге шалысадылар. Сиз ямагат баалыкларын кеплейсиз, аьдемлерге заман ман бирге абытламага ярдамынъызды этесиз, тарихти язасыз.

     Сизинъ исинъизге яваплылык пан каравынъыз, кеспи усталыгынъыз окувшыларга заманы ман республика, район яшавында болган туьрленислер, оьрленуьви акында билдируьвлерди заманы ман еткермеге амал береди. Буьгуьнлерде биз суьйикли газетамызды этетаганларды: соны баспага аьзирлейтаганларды, макалаларды аьзирлейтаганларды, газетадынъ болувына куьш салатаганлардынъ баьрисин де кеспи байрамынъыз бан кутлаймыз, сизинъ куьш салувынъыз бан Ногай районымыздынъ йылязбасы туьзиледи, ана тилимиздинъ сакланувына коьп куьш салынады. Коьп йыллар озганнан сонъ сизинъ язганларынъызга кайтаяклар, неге десе соларда аьр заманнынъ яшавы.

     Ак юректен сизге кеспи байрамынъыз алдында таьвесилмес яратувшылык куьшти, янъы ойларды, калеминъиз астыннан коьп кызыклы макалалардынъ шыкканын йорайман. Окувшыларынъыз эм газетага кол басканлар коьп болсынлар. Аьр биринъизге ден савлык, аьел йылувлыгы эм уьстинликлер!

М.Аджеков, «Ногайский район» МР администрациясынынъ аькимбасы.