Инфекция ава-тамшы амалы ман, солай ок уьйшиликте кулланылатаган затлар ман, балалар ойыншыклары, савыт пан коьшириледи. Авада вирус 2 саьаттен алып 9 саьатке дейим сакланады. Эттинъ кызувы 39 -40 градуска дейим коьтериледи авырувдынъ басында, бас, коьз авырыйды, авырувлы кусады, юреги былганады, кан оьлшеми туьседи. Эгер эт кызувы уьш куьнге дейим туьспесе, тыныс кыйын алынса, эринлер коьгерсе, аьдем ашамаса, врачты шакырув керек. Грипп эм ОРВИ авырувынынъ алдын шалув ниет пен керекли амаллар тутылмага тийисли. Байыр тазалык тутув йорыкларын тутпага керек, балаларды айлак сувыктан эм айлак иссиден саклав керекли, аьр дайым колларды сабын ман ювмага, бир кере кулланатаган тастамал ман пайдаланмага , шуьшкиргенде, йоьткиргенде тастамал ман авызды яппага тийисли. Авырув басланганда, балады баска аьдемлерден айырмага, врачты шакырмага керек. Грипп вирусы кавыфлы! Авырувлы биринши куьннен алып 7 куьнге дейим маразын баскаларга юктырмага болады. Грипптинъ алдын шалув керек, мараз болмасын деп вакцинация оьтпеге керек.

А.Нургушиева, врач-эпидемиолог