Туьнегуьн «Ногайский район» МО администрациясында район яшавшыларынынъ район Депутатлар йыйыны, район администрация етекшилери мен йолыгысы болып оьтти.

Йолыгыста бас соьз быйылдынъ 11-нши майында Дагестан Республикасынынъ Оькиметинде болып озган кенъесуьв акында юритилди. Сол кенъестинъ протоколын йыйылганлар алдында Дагестан Республикасында «ФПК Росреестр» районлар ара территориаллык филиалынынъ 14-нши филиалынынъ етекшиси Толубаев окыды. Онынъ билдируьви мен, протоколда быйыл 29-ншы мартта ДР Аькимбасы Р.Абдулатиповтынъ Дагестан ер иелерининъ кезекли форумынынъ сырагылары бойынша берген тапшырмасын толтырув акында айтылган. Сол тапшырмага коьре республика Оькимети Кизляр, Тарумов эм Ногай районларындагы коьшимли малшылык отлакларында курылган авылларды Дагестан Республикасынынъ байырлыгыннан соларды курган районлардынъ муниципаллык байырлыгына шыгармага, соларга статус бермеге эм ер япсарларын токтастырмага керек болады.

Протоколда коьтерилген сорав ман байланыста йолыгыста «Ногайский район» МО аькимбасы К,Янбулатов, район Ямагат советининъ председатели Э.Саитов, Терек казак аьскерининъ Ногай ямагатынынъ атаманы А.Бекмурзаев, Батыр-Мурза авылдан пенсионер А.Сариева, Карагастан А.Коймурзаев, «Ногайский район» МО Ветеранлар советининъ председатели А.Сангишиев, район Депутатлар йыйынынынъ председатели Р.Насыров, Куьнбатар авыл яшавшысы Р.Адильгереев, «село Терекли-Мектеб» СП МО аькимбасы З.Аджибайрамов эм баскалар шыгып соьйледилер. Йолыгыс катнасувшылары ер районымыздынъ байлыгы, бактысы эм яшавы эм соларды баска районлардынъ байырлыгына беруьв – ол Ногай район яшавшыларынынъ ыхтыярларын кемситуьв болатаганы акында айттылар. Аьр бир шыгып соьйлеген аьдем де район ерлерин яклав керегин, ерлер мен байланыслы баьри соравларды да халк пайдасына шешпеге керегин айтып белгиледи.

Йолыгыстынъ тамамында район активи аьр бир авылда гражданлар сходларын оьткерип, халктынъ ойын билмеге керек деген ниетке келдилер. Ювык арада Россия ногайларынынъ съездин оьткеруьв уьшин уйгынлав комитети туьзилди. Съездте ногай халкы ман байланыслы ер соравы эм баска маьнели маьселелер ойласылаяк.

М.Ханов.

(Йолыгыс газета номери баспага йиберилетаган куьн оьткерилгени мен байланыста сонынъ акында репортаж кезекли номерде баспаланаяк).

С 09:00 до 11:00 часов в Махачкале на аллее по проспекту им. Р. Гамзатова (от улицы С. Леваневского до улицы М. Ярагского) состоится конкурс рисунков на асфальте, который проводится столичным Управлением культуры.

На площадке перед Русским театром в 11.00 часов стартует фестиваль детского творчества «Маленькие горцы» - это традиционная площадка, на которой проводится Международный день защиты детей. Первый день долгих летних каникул начинается веселым и ярким праздником детских улыбок, песен и танцев.

В программе фестиваля: - гала-концерт юных исполнителей и чтецов, детских творческих коллективов. - на аллее им. Р.Гамзатова - Республиканская выставка детского рисунка «Природа глазами детей». Будет представлено около 100 работ учащихся Школ искусств, детских художественных школ, воспитанников Домов детского творчества из городов и районов республики.

В 11:00 Дагестанский государственный театр кукол приглашает на празднование Международного дня защиты детей «Давайте полетим в волшебную страну!», которое состоится на площадке Театра кукол, по проспекту Р.Гамзатова, 40.

В рамках мероприятия пройдут:  11:00 – Выступление артистов Театра кукол, праздничная викторина, спектакль «Маленький храбрец» детской студии «Мастерская кукольника» при Театре кукол. 11:30 – Церемония награждения победителей Республиканского конкурса детского рисунка «О Каспий, милый сердцу берег!».

12:00 – Благотворительный спектакль «Тайна персиковой косточки» по пьесе Ш.Маллаевой.

В Театре поэзии с 13:00 до 14:00 пройдет выставка детского творчества «Традиции в будущее», а в 15.00 на площадке театра пройдет поэтическая композиция.

С 14:00 до 17:00 в большом зале Русского театра им. М. Горького – фестиваль детского творчества «Юные звезды Махачкалы».

В Национальной библиотеке в 13.00 откроется выставка «Я ребенок – я личность».

Завершить вечер можно на Летней площадке Даггосфилармонии, где в 18.00 пройдет концертная программа.

#minkultrd #минкультрд #дагестан #dagestan #махачкала #город #культура #кавказ #россия #online #онлайн #репост #repost #афиша  #афишамахачкала  

-- 

Ногай орманшылары акция озгарганлар

Ногай районынынъ лесничествосынынъ колективи «Бизим йылгалар эм коьллерге – таза ягалар» деп аталган экологиялык акциясын озгарганлар

Лесничество етекшиси Феруза Дикиновадынъ соьзлери мен, белгиленген шара Россия Федерациясында Табиат йылы эсабында Дагестан Республикасында Каспий йылын оьткеруьв бойынша шаралар планын яшавга шыгарув ниетте оьткерилген. «Шаралар эсабында сувлар эм коьллер ягалары кокыстан эм санкция берилмеген кокыс уьйимшиклериннен тазаланган. Бу акцияда лесничество коллективи, район бюджет организациялар куллыкшылары, Терекли-Мектеб авылдынъ А.Ш.Джанибеков атындагы орта школасынынъ окувшылары, район авыл яшавшылары катнастылар. Соьйтип, Ногай районы да оьткерилетаган савлайроссиялык акциясыннан шетте калмады. Акция сырагысында аьдетке коьре авыл яшавшылары тыншаятаган сувлар эм коьллер, артезианлар тоьгереклериндеги кокыслар йыйналган. Район орталыгынынъ ТБО полигонына 400-ден артык кокыс тиелген каплар элтенген. Шарадынъ тамамы бойынша сувлар эм коьллер ягаларын кокыслардан тазалавды эндигиден армаган заман-заманы ман оьткермеге деген карар алынган», – деп белгилеген Ф.Дикинова.

Ася Мусакаева.

Школага дейимги билимлендируьв учреждениелеринде буьгуьнлерде байрамлар озып турады. Балалар бавынынъ уьйкен куьплерининъ тербияланувшылары оьз тербилавшылары ман аманласадылар.

Балалар бавында балалар коьп затларга уьйренедилер. Соьйтип, «Юлдыз» балалар бавынынъ тербиялавшысы Айгуль Крымхановна Максутова саьбийлерге билим мен бирге оьз юрегининъ кишкенекей кесеклерин савгалайды.

Малика Аджиева быйыл школага бараяк. Ол акасы Багаутдин, абасы Айзадай болып ийги этип окыякпан деп ниетленеди. Малика йырламага, бийимеге суьеди. Ол кыймаслары ман бийийди, тербиялавшылары ыспайы биювлер туьзеди эм саьбийлерди бийип уьйретеди.

Янъыларда Малика Махачкала каласында дагестан Республикасы бойынша иш ислер органларынынъ куллыкшылар куьнининъ 97 йыллыгына багысланып , полиция куллыкшылары, олардынъ аьел агзалары арасында художестволык самодеятельность смотр-конкурсында катнасып, «Биюв» номинация бойынша биринши орынга тийисли болган. Талаплы кызалакка ДР иш ислер министри М.Магомедовтынъ атыннан I дережели диплом эм смотр-конкурсында белсен катнасувы эм йогары етимиске еткени уьшин сый грамота тапшырылган.

Малика школада бийикликлерге етисип, аьр заманда алдыда болганын йораймыз.

Г.Бекмуратова.

Суьвретте: А.Аджиева анасы ман.

Ногай район маданият уьйинде район 9-11-нши класс окувшыларынынъ Дагестан Республикасынынъ намыс эркинлиги эм дин организациялары ман биргелес куллык юритуьв комитетининъ куллыкшылары ман йолыгысы болып оьтти.

Бу йолыгыс ДР Муфтиятынынъ баславы ман Дагестан дин комитети эм Дагестан гуманитар институты ман биргелесип «2017-2019-ншы йылларга дин организациялары ман биргелес аьрекет этуьв эм соларды патшалык яктан колтыклав» деген ДР патшалык программасы ман келисли кепте оьткерилген.

Конаклар оьз хабарласувын Дагестан Республикасында экстремизм эм терроризм идеологиясынынъ алдын шалув эм ян-эдаплык тербиялав соравлары бойынша юриткенлер. Йолыгыска «Ногайский район» МО администрациясынынъ, билимлендируьв боьлигининъ, Ногай район ОВД куллыкшылары, окытувшылар эм дин аьрекетшилери йыйылдылар. Йогарыда белгиленген тема бойынша яслар алдында район администрация аькимбасынынъ орынбасары Амирхан Межитов лекция окыды.

Шыгып соьйлегенлер ал деп билимлер сапатын арттырув, миллет эм дин карасларына карамастан, тынышлык негизинде, акыйкатлык, бири-бирисин сыйлав негизинде тербияланув соравларына бас маьне бердилер. Йолыгыста солай ок балалардынъ акыл-анъламына интернеттинъ эм социаллык тармакларынынъ зарар келтируьви, ялган идеаллардынъ капкынына туьспеге ярамайтаганы, Дагестаннынъ сыйын эм намысын саклав кереги акында соьз юритилди.

Ася Мусакаева.

«Ногайский район» МО-сында КЦСОН тармагы бир неше йыл узагында белсен куллыгын юритип келеди. Сол йыллар ишинде коьплеген керексинген аьдемлерге оьзлерининъ тийисли ярдамын эткенлер.

Аьлиги заманларда керексинетаган эсли эм сакат аьдемлердинъ социаллык аьллерин ийгилендирер ниет пен социаллык куллыкшылар куьби ис аьрекетин бардырадылар. Бу инновационлык проект болады. Олардынъ бас мырадлары – заманы ман тийисли кепте аьр бир керексингенге ярдам этуьв.

Буьгуьнлерде куллыклар белсенли юритиледилер эм сол истинъ сырагыларын келтиргенде эсли аьдемлер социаллык куллыкшысынынъ ярдамында керексинетаганы коьринеди. Социаллык куьптинъ куллыкшылары эсли аьдемлердинъ уьйлерин йыйнайдылар, керекли ерлерде енъил ярастырув ислерди де этедилер. Бу социаллык куьптинъ куллыкшылары ялгыз яшайтаган эсли эм сакат аьдемлерге ярдам этпеге борышлылар. Олар оьз ислерин тегин аьлде эм бир кере керексинетаган гражданиннинъ аьризесине коьре этиледи. Бу йыл айтылган куьптинъ куллыкшылары Ногай районымыз бойынша 45 аьдемге ярдамын эткенлер. Сол санда Терекли- Мектеб авылыннан -сегиз, Нариманнан- бес, Червленные Буруныдан -алты, Орта- Тоьбеден -сегиз, Карагастан- он, Куьнбатардан- доьрт, Кумлыдан -уьш, Батыр- Мурзадан бир аьдемлер бар.

Социаллык куллыкшылар куьби деген инновационлык проекти яшавга шыгарылув уьстинде ОСО етекшиси Менглихан Картакаева аьрекет этеди.

Бу ерде белгилеп озбага керек болады, исимиз йылдан –йылга белсенленеди. Бизим исимизде тийисли куллыкларды кайдай аьдемлер этетаганы бек маьнели болады. Сол аьдемлер юмсак касиетли, туьз ниетли болмага кереклер. Олардынъ ярдамы аркалы, яшавдынъ кыйынлы аьллерине туьскен аьдемлер, тынышлыкты, йылувлыкты сезбеге кереклер.

Эгер сиз социаллык куллыкшыларынынъ ярдамында керексинетаган болсанъыз, сизди КЦСОН-нынъ боьлик етекшилери тынъламага эм ярдамга келмеге аьзирлер яде 89280536834 номерли телефонга тел сокпага боласыз.

Биз ярдамга аьзирмиз.

М.Ярикова,

социаллык канагатлав боьлигининъ етекшиси.

Власти Ногайского района жителю села Кумли Шарифат Ваисовой 24 мая с выездом на место вручили сертификат на улучшение жилищных условий.

В состав делегации вошли начальник Управления социальной защиты населения района Аскер Авезов, специалист УСЗН Халимат Кулунчакова, работник сельской администрации Джалиль Насыров.

«С большим удовольствием вручаю этот сертификат. Понимаю, какое это радостное и долгожданное событие в вашей семье. Спасибо вам за терпение», - сказал Аскер Авезов и пожелал семье Ваисовых здоровья и удачи.

Шарифат Ваисова - инвалид 2 группы, относящаяся к категории «хроников», то есть к определенной группе, которой жилищные сертификаты выдаются без очереди. В ответной речи Шарифат Ваисова поблагодарила министра труда и социального развития РД Расула Ибрагимова, главу Ногайского района Казмагомеда Янбулатова, начальника УСЗН Аскера Авезова за ту заботу и внимание, которую они оказывают всем.

Ася Мусакаева

В здании Дворца культуры села Терекли-Мектеб Ногайского района состоялась встреча старшеклассников района с сотрудниками Комитета по свободе совести и взаимодействия с религиозными организациями РД.

Встреча состоялась по инициативе Муфтията  Республики Дагестан совместно с Дагкомрелигией и Дагестанским гуманитарным институтом в рамках реализации государственной программы РД «Взаимодействие с религиозными организациями и их государственная поддержка на 2017-2019 годы».

В состав делегации руководитель отдела просвещения Муфтията РД по городу Кизляру и Кизлярскому району Абусупьян Кадиев, и.о. начальника отдела Дагкомрелигии РД Муса Магомедов, преподаватель ДГИ Саид Меджидов. Гости построили разговор по вопросам духовно-нравственного воспитания и профилактики идеологии экстремизма и терроризма в Республике Дагестан.

Работу данного форума обеспечивали сотрудники администрации МО «Ногайский район», отдела образования, РОВД Ногайского района, педагоги и духовенство района.Состоялся оживленный разговор со старшеклассниками. Работники РДК Ногайского района создали необходимые условия для обмена мнениями. С лекциями по тематике духовно-нравственного воспитания и профилактике идеологии экстремизма и терроризма в Республике Дагестан перед молодежью выступил заместитель главы администрации района Амирхан Межитов.

Основное внимание выступающие обратили на вопросы повышения качества знаний, самовоспитания в духе мира, справедливости, взаимного уважения независимо от национальных и религиозных взглядов. Говорили также о вредном влиянии интернета и социальных сетей на сознание детей, о недопустимости попадания под влияние всевозможных ложных идеалов, о необходимости сохранения чести и достоинства Дагестана.

Ася Мусакаева

Янынъ ман суьйген кеспи кайзаман да аьдемге эм онынъ касындагыларына уьйкен суьйиниш, пайда аькеледи. Енбийке Янгазы кызы Арсланбекова (Деникаева) Тарумов районынынъ Выше-Таловка (аьли Сраждин авылы) авылында 1963-нши йылдынъ канътар айынынъ 18-нде уьйкен татым аьелинде тувган. Атасы Уллы Аталык согысынынъ ветераны Янгазы Шомат увылы аьвлетлерин куллыксуьерликке, эткен исинде яваплыкка кишкейден тербиялап келди. Бала шагыннан кызалак окытувшы болмага мырат этти. Тувган мектебинде 8-нши классты тамамлап, кыз Гудермес каласындагы педучилищеге туьсип, оны етимисли тамамлайды. Оннан сонъ алган билимин оьстируьв мыратта пединститутта заочно окыйды. Кыскаяклы Тарумовка авылында баслангыш классларда билим берип баслайды.

Енбийке Янгазы кызы ян косагы Муса ман аьел курады. Соннан себеп кыскаяклыга Ново-Дмитриевка авыл орта мектебинде баслангыш классларда окытувшылык аьрекетин юритпеге бакты буйырады. Ол яшавынынъ коьп йылларын билимлендируьв тармагына багыслап келди. Ама Енбийкеди 2013-нши йыл окытувшылык ис аьрекетиннен авыл маданият уьйин етекшилемеге шакырадылар. Авылда маданият уьйининъ меканы бузылганнан себеп, маданият уьйи буьгуьнерде ерли администрациясында аьрекетлейди. Маданият уьйинде аьрекет эткен куллыкшылар оьз иси аркалы авыл яшавшыларынынъ яшавын кызыклы, маьнели этпеге шалысадылар. Маданият уьйининъ етекшиси Енбийке Янгазы кызында йыр йырлав, биюв оьнери кишкейден бар эди. Ол авылда туьрли байрамларга, оьзгерислерге багыслап, кызыклы шаралар, ярыслар озгарып келеди. Маданият уьйининъ куллыкшыларына туьрли шараларды озгарувда авыл яшавшылары, мектеб окувшылары да оьз демевликлерин этип келедилер. Оьз исинде

кыскаяклы халк маданиятын оьрлендируьвине де сав куьшин салып келеди. Енбийке Арсланбекова билимлендируьв тармагында коьрсеткен етимислери, ямагатлык яшавында белсенли катнасып келгени уьшин коьп кере Сый грамоталарына тийисли этилген. Кыскаяклыдынъ окыткан окувшылары онынъ йолын алып окытувшы, баскалары юрист болып, уьшиншилери медициналык тармагында бийик етимислер мен куьезлендирип келедилер.

Кайсы ерде ислесе де, Енбийке тек яваплы куллыкшы болып калмай, аьвлетлерининъ уьстинликлери мен куьезленген наьсипли ана да болады. Ян косагы Муса ман олар эки сылув кызын эм увылын тербиялап оьстирдилер. Буьгуьнлерде олардынъ яшавына уныклары да оьз куьезин косып келедилер. Буьгуьнлерде де кыскаяклы оьз яваплы иси мен халкына, касындагыларга оьз пайдасын тийдирип келеди. Авыл яшавшыларына, аьвлетлерине, уныкларына иси мен коьрим болады.

Г.Нурдинова.

Суьвретте: Е.Арсланбекова.