15 апреля в Русском театре им. М. Горького состоялась премьера спектакля «Выбирай» режиссёра-постановщика Марины Карпачёвой.

История, произошедшая на сцене, начинается с казуса: главная героиня из-за неполадок автомобиля попадает в придорожное кафе под названием «Рай». Официантка, работающая в нём, девушка приветливая, но странная. Она и другие герои помогают главной героине сделать выбор, который воскресит в ней хорошего человека.

Премьеру посетила автор пьесы – самарский драматург Алла Коровкина. «Пьеса о самом простом – о нас с вами, о том, как жить, чтобы оставаться человеком. Кто знает? Может быть, кто-то знает? Может быть, тот, кто знает, совсем с нами рядом, но мы его не слышим или не хотим слышать? Может быть, стоит оглянуться вокруг и посмотреть н эту жизнь, на себя, что-то понять, кого-то услышать. Эту пьесу я посвящаю своей маме, потому что никого важнее в жизни, наверное, нет. Самая главная наука – это жизнь, которую преподаёт мама с самого рождения», - поделилась Алла Коровкина.

Она также отметила, что с радостью приняла приглашение приехать в Дагестан. «Пьесы - они как дети. Их также рожаешь, они также тебе дороги. И очень хочется видеть первые шаги своих детей. Мне очень интересно было приехать в Дагестан, увидеть своими глазами эту землю, народ. Для меня большой праздник, что я сюда приехала», - сказала она.

Марина Карпачёва, известная как режиссёр уже полюбившихся дагестанскому зрителю спектаклей («Дядюшкин сон», «Одолжите тенора», «Домик на окраине», «Смешные деньги», «Отель двух миров»), рассказывает, что пьеса «Выбирай» обращается к внутренней жизни человека: «Для меня это очень важно – человек и его терзания, мысли, чувства, борьба за жизнь, за любовь, за счастье».

Спектакль вышел атмосферный, реалистичный, но при этом с мистическим и философским оттенком. Поступок, который совершила главная героиня, банальный. Как и все её остальные поступки и решения, связанные с работой, друзьями, семьей. Но до ночи в кафе она просто не задумывалась о том, насколько несправедливо поступает с людьми, и не понимала, как сильно может ранить окружающих и навредить таким образом самой себе.

Попавшие на премьеру получили возможность вместе с этой успешной женщиной со сцены переосмыслить жизнь и просто задуматься о том «какой чай выбирать и с кем его пить…».

Напомним, что премьерный показ спектакля «Выбирай» состоится в Русском театре и на следующей неделе – 22 апреля в 17:00.

14 апреля, в Зале союза художников открылась выставка работ преподавателей и студентов Дагестанского художественного училища им. М. Джемала, посвященная году экологии. В экспозицию вошло более 120 работ разных стилистических направлений: живопись, декоративные изделия и многое другое.

С приветственной речью к присутствующим обратились преподаватели и руководство художественного училища им. Джемала.

«Я хочу всех поздравить с открытием нашей выставки! Очень приятно видеть на открытии так много гостей. Мы очень надеемся, что подобные выставки станут частым явлением в культурной жизни города и республики, помогут сохранить славные традиции нашего училища» - сказал в своей приветственной речи ректор Дагестанского художественного училища Мухтар Камбулатов.

Помимо представленных экспонатов на выставке можно было понаблюдать и за процессом работы художников, которые под пристальными взглядами посетителей выставки рисовали портреты случайных гостей. Свое ремесло продемонстрировали и мастера по дереву, которые, вооружившись зубилом и молотком, создавали деревянные экспонаты прямо посреди выставочного пространства. Выставку может посетить любой желающий еще в течение двух недель.

Шамиль Махмудов

Язлыктынъ келуьви мен тоьгерек як буьрленди, яйнады, ярасыкланды. Сосы табиаттынъ яйнавы бизим коьнъилди коьтерди. Куьнлердинъ яркыравы ман тоьгеректеги кокыс та куьшли коьринеди.

Янъыларда А.Джанибеков эм Кадрия атындагы орта школаларынынъ 8-9-ншы классларынынъ окувшылары окытувшылары ман бирге Терекли-Мектеб авылынынъ орталыгын, паркын кокыстан тазаладылар : былтыргы япыракларды йыйдылар, сыпырдылар, каздылар. Олар дерислерден босатылып, тазалыктынъ каьрин шектилер. Солай ок, балалар оьзлерининъ эткен кыйынынынъ баасын туьсирмей эм баскалар да сога эс этип йыйналган ерлерге кокыс тасламаслар деп сенемиз.

Н.Кожаева.

Суьвретте : субботник мезгили.

Дагестан Республикасынынъ Миллет политика бойынша министерствосында Беларусь эм Россия халкларынынъ бирлесуьв куьнине багысланган шатлыклы шара озгарылды.

Шарада Россия Федерациясынынъ Шет эллер министерствосынынъ Махачкаладагы ваькили, ДР физический культура эм спорт министерствосынынъ, ДР яслар ман куллык этуьв министерствосынынъ, Россия халкларынынъ ассамблеясынынъ регионаллык боьлигининъ, Р.Гамзатовтынъ халклар ара ямагат фондынынъ , «Гуниб» ямагатынынъ эм баскалардынъ ваькиллери ортакшылык эттилер.

1996 йыл 2 апрельде «Россия эм Белоруссия арасында бирлесуьв акында» келисуьв туьзилген. Союзлык келисуьвдинъ тамамында Таможенный союз эм Россия, Белоруссия эм Казахстан ара Евразиялык экономикалык союз туьзилди. 2002 йыл 23 августта Дагестан Республикасынынъ Оькиметининъ эм Беларусь Республикасынынъ Оькиметининъ арасында савда-экономикалык, илми-техникалык, маданият бойынша бирлесип ислев акында келисуьв туьзилген.

Беларусь Республикасында 5 мынънан артык дагестаншылар яшайдылар, олар промышленность, савлык саклав, илми эм баска тармакларда кулык этедилер.

Янъыларда Россия Язувшылар эм Журналистлер союзларынынъ агзасы, П.Ершов атындагы баргыдынъ иеси, язувшы эм шаир Анварбек Култаев Ногай районында конакта болды эм школа окувшылары ман йолыгысты.

Ногай районнынъ билимлендируьв управлениесининъ етекшиси Кайтархан Отегеновадынъ белгилевине коьре, язувшы, шаир, коьшируьвши, коьплеген асарлардынъ, йыйынтыклардынъ авторы Анварбек Култаев оьзиннинъ 76 ясына бек кайратлы, куватлы болады. Онынъ асарларынынъ бас келбети – ногай шоьл. Сонынъ акында ол уьйкен суьйим мен эм оьктемсуьв мен айтады.

Карасув авылынынъ орта школасында окувшылар ман йолыгыста Анварбек Култаев оьзининъ яратувшылык йолы, биринши шыгармалары эм яшавдынъ кайдай аьллери ога асар язувда дем беретаганы акында хабарлап кетти. Ол балаларды оьзининъ яратувшылык йолы ман таныстырып, оларга оьзининъ яшавы акында да хабарлады.

Тынълавшыларга шаирдинъ тувган ерлери, Дагестан халкларынынъ дослыгы акында янъы ятлавлары бек ярадылар. Балалар оны бек кызыксынып тынъладылар. Солай ок йолыгыста язувшы Алибек Капланов та ортакшылык этти. Ол да оьзининъ шоьл, ногай хатын, бесик акында ятлавларын окып эситтирди.

Кайтархан Отегенова белгилегенлей, А.Култаевтинъ яратувшылыгында аьр бир окувшы миллет касиетин коьреди, ийги мен яманды тенълестиреди, дайымлык баалыкты табады.

-Анварбек Култаевтинъ поэзиясы оьлимге тек суьйим карсы шыгып болатаганын ыспатлайды, сол бизге оьктемсимеге де амал береди,- дейди ол.

Йолыгыстынъ барысында окувшылар А.Култаевтинъ Дагестан халкларынынъ туьрли тиллерине коьширилген ятлавларын окыдылар.

Шара катнасувшылары язувшыдынъ хабарларын уьйкен кызыксынув ман тынъладылар эм онынъ бар талабына сукландылар.

А.Мусакаева.

Янъыларда дуныядынъ 71 элинде орыс тилин баа эм суьйикли деп санаган аьр бир аьдем «Тотальный диктант» язганлар. Дагестанда белгиленген диктантты 500-ден артык аьдем язган.

Бизим республикада «Тотальный диктант» доьртинши кере озады, тек бу заманга дейим акцияда тек Махачкала яшавшылары катнасканлар. Уьстимиздеги 2017-нши йылда Дагестан Республикасынынъ Миллет политика бойынша министерствосынынъ баславы ман диктантты республикамыздынъ туьрли ерлеринде яшайтаганлар да яздылар. Шара уйгынлавшылары баьриси 7 майдан аьзирледилер: уьш –Махачкалада эм бирерден Дербентте, Каспийскте, Южно-Сухокумскта эм Избербашта.

Диктанттынъ авторы язувшы эм тарихши Леонид Юзефович болган. Диктанттынъ аьр бир кесеги – ол авторга ювык калалар акында кыска эсселер, айтпага : Пермь, Улан-Уде, Санкт-Петербург.

«Акцияда катнасканлардынъ саны йылдан йылга оьседи, эндиги йыл савлай Дагестан диктант язувда катнасар деп сенемиз»,- деди Орыс тилининъ эм адабиатынынъ республикалык орталыгынынъ директоры Лариса Куканова.

Ногай район иш ислер боьлигининъ аьрекетининъ бас онъланысларынынъ бириси терроризм мен эм дин экстремизм мен куьрес юритуьв болады.

Ногай районнынъ еринде экстремизм мен байланыслы аьл тыныш тувыл болады эм армаганда авырланмага амырак. Ызгы йылларда районда аьдетте тувыл исламга карайтаган аьдемлердинъ саны коьбейди. Биз билгенлей, солардынъ биревлери Россия Федерациясында тыйылган халклар ара террористлик организация ИГИЛ ягында согыспага деп Сирия Араб Республикасына кеткен.

Экстремизм идеологиясы ман куьресуьвде тек правосаклавшы органлардынъ куьши аз. Бу баьле мен ямагат та куьрес юритпеге тийисли.Яшав коьрсеткенлей, правосаклавшы органлар ямагаттынъ куши мен экстремизмге эм терроризмге карсы куьшли куьрес юритеди.

Ногай район яшавшыларын, боьтен де, баска регионларда окыйтаган студентлерди, Москвага,Ямал-Ненец автономный округка,Астрахань областьке, Ханты-Манси автономный округка ислемеге кеткенлерди экстремист организацияларга киргистпеге боладылар деп билдиреди Участковый Уполномоченныйлар боьлиги. Сол куллык аьли интернет аркасы ман куьшли юритиледи. Сонынъ уьшин де сизинъ ювыкларынъыздынъ эм балаларынъыздынъ диннен тура оьзлерин калай юритетаганына эс этпеге тилеймиз.Эгер олардынъ хасиети туьрленип басласа, дин аьрекетшилери мен маслагат этип каранъыз.

Айлакта бек шет эл документин алган балаларынъызга маьне беринъиз. Бирерлерде ата-аналары балаларынынъ шет эл паспортын алганын да билмейдилер. Соьйтип, ИГИЛ сырасына туьскенлердинъ биревлерининъ ата-аналары баласынынъ шет эл паспортын алганын да билмейтаган болганлар.

Ногай район иш ислер боьлиги яшавшылар ягыннан тийисли коьмек болар деп сенеди.

Экстремист идеологиядынъ яйылувы акында полициядынъ участковый уполномоченныйына билдирмеге болады. Сизинъ атынъыз ясыртын калар.

Иш ислер боьлигининъ етекшисининъ куллыгын юритуьвши, полиция майор

А.КОЙЛУБАЕВ.

Оьткен юмада «Ногайский район» МО администрациясында янъыларда туьзилген «Бизим партия – Дагестан» деген ямагат козгалысынынъ мобильли туьркими мен район активининъ эм район ис коллективлерининъ йолыгысы болып озды.

Йолыгыста Дагестан Республикасынынъ Аькимбасынынъ советниги Азнаур Аджиев, «Ногайский район» МО аькимбасы Казмагомед Янбулатов, «Бизим партия – Дагестан» ямагат козгалысынынъ председатели Садык Касимов, Дагестан Аькимбасынынъ аьел эм балалыкты коршалав бойынша уполномоченныйы Марина Ежова, ДР Авыл хозяйство эм тамак-азык министрининъ орынбасары Шамиль Бахарчиев, ДР Халк Йыйынынъ депутатлары Мурзадин Авезов эм Мурат Мамаев эм баскалар катнастылар.

Йолыгыстынъ басында онынъ катнасувшылары Санкт-Петербургта болып озган теракттынъ сырагысында ян бергенлерди эскердилер.

Шарады баслаятып, район етекшиси К.Янбулатов мунавдай амалламалар власть пен халк арасында етимисли хабарласув юритпеге онъайлык беретаганын белгиледи. «Дагестанда янъы ямагат козгалысы республика Аькимбасынынъ баславы ман туьзилген. «Бизим партия – Дагестаннынъ» бас ниети – республика Аькимбасына аьдемлердинъ маьселелерин еткеруьв», – деп билдирди К.Янбулатов.

Янъы туьзилген ямагат козгалысынынъ председатели С.Касимов онынъ акында айта келип, соны туьзуьв акында ой былтыргы сайлавлар алдында аьрекетин бардырган агитационлык десанттан басланганын билдирди. «Сайлавлардан сонъ биз Дагестан Аькимбасына сондай атлы ямагат биригуьвин туьзсек яман болмас эди деген ойымызды билдирдик. Рамазан Гаджимурадовичке ол зат бек ярады эм ол соны яклады», – деди С.Касимов. Соны ман бирге ол Дагестаннынъ узактагы муьйислеринде яшайтаган аьдемлер бирерде аьлиги заманнынъ информация агымыннан кери калувын айырып белгиледи. «Республикамыздынъ етекшилери буьгуьнлерде юритип турган туьрленислер, ислер, кыска заман ишинде бизим етискен тамамлар акында аьдемлер бек аз биледилер. Биз буьгуьн сизинъ районынъызга сонынъ акында айтпага, сизинъ кенъеслеринъизди тынъламага эм соравларынъызды эситпеге деген ниетимиз бен келгенмиз. Сизге, аьдемлерге, болаяткан ислерде белсенлик коьрсетпеге тарык болады», – деди С.Касимов.

А.Аджиев оьз соьзинде ал деп ызгы йыллардагы республика еринде болаяткан ийги туьрленислерди белгиледи. Онынъ айтувы ман, сога карамастан, сол зат та аз, эндиги де коьп куллыклар этилинмеге керегеди эм этилинеек. Республикада яшав кавыфсыз болып барса да, онынъ айтувы ман,

оькинишке, буьгуьнлерде Сирияда ИГИЛ сырасында согысатаганлар санында дагестаншылар да бар. «Олар сонда неге кеткенлер? Неге десе кардаш-тувганлары заманында токтатпаган», – деп белгиледи А.Аджиев. Онынъ ойы ман, болаяткан ислерден ямагат шет кагылмага керек тувыл. «Ямагат та бу ягыннан оьз абытларын этпеге тийисли. Биз бу затка янымыз авырымай турмайык, бизге бек белсенли болув керек», – деди ол.

А.Аджиев буьгуьнлерде республика власть органлары баьриси уьшин де ашык, олар халк пан биргелесип куллык этуьвди куьтедилер деп билдирди.

ДР Аькимбасынынъ аьел эм балалыкты коршалав бойынша уполномоченныйы М.Ежова аьлиги заманда кыскаяклылар ямагаттынъ локомотиви, соны оьрлендируьвши куьш экенин айырып белгиледи. Ол йыйылганларды оьз балаларын тийисли кепте тербиялавга, оларды коршалавга баьри куьшин салмага шакырды.

ДР Халк Йыйынынынъ депутаты М.Авезов республика парламентининъ куллыгы янъырганын, ийгиленгенин билдирди. Терроризмнинъ акында айта келип, депутат аьлиги заманда боьтен де яслар ман куллык юритуьвди яхшыртпага керегин белгиледи. «Яслар ман куллык юритуьвдинъ энъ маьнели ягы – оларга ис орынларын туьзуьв. Дурыс, тербиялав аьрекети де тийисли кепте бардырылмага керек. Болса да, эгер яслар куллыксыз болса, экономика армаган оьрленмесе, аьруьв сырагыларга етисуьв кыйынлы», – деди М.Авезов. Ол быйыл Уллы Октябрь социалист революциясынынъ 100 йыллыгын тийисли кепте белгилевге шакырды.

«Шоьл тавысы» республикалык газетасынынъ бас редакторы Эльмира Кожаева буьгуьнлерде Дагестанда гражданлар ямагаты йок деп айтув дурыс тувыл деп билдирди. Онынъ соьзи мен, соны билуьв уьшин Интернетке кирип карав керегеди эм сонда неше аьдемнинъ ойын да коьрмеге болады. Сонда критика да, яхшылык йоравшы ойлар да бар.

Э.Кожаева быйылгы йыл Экология йылы болган саялы Ногай районынынъ табиат маьселелерине эс эттирди. «Бизге ДР Оькиметинде белгили дагестан аьлими Алибек Аджиевтинъ «Барханы» деген бек ийги илми проекти бар экени белгили. Сиз де соны биле боларсыз. Сизге тилегимиз, сол проектти тавып, яшавга киргистпеге. Бизим шоьллик – ол Дагестаннынъ ери, сол себептен сога маьне бергенинъиз аьр бир дагестаншы уьшин де маьнели», – деп белгиледи Э.Кожаева.

Йолыгыстынъ тамамында «Ногайский район» МО аькимбасы К.Янбулатов келген конакларга разылыгын билдирди. Ол ызгы йылларда район еринде этилинген куллыкларды, ис сырагыларды, курылысларды белгиледи. Соны ман бирге ол «Ногай Эл» ФНКА Оьр Советининъ председатели бола турып, район еринде миллетлер ара эрислесуьвлер йоклыгын, баьриси де ерли халк аьдетлерин тутувына эс этти. «Биз де бу янъы туьзилген «Бизим партия – Дагестанга» кирмеге суьемиз. Дагестан баьримизге де ортак бир республика. Ол солай болып турган шаклы республикада да, районда да баьри зат та аьруьв болар», – деди К.Янбулатов.

М.Юнусов.

Первый районный конкурс «Ученик года – 2017» состоялся 14 апреля на базе Терекли-Мектебской школы им. Джанибекова Ногайского района.

В мероприятии приняли участие 10 учащихся 9-11-х классов общеобразовательных учреждений района.

Со словами приветствия обратились к конкурсантам заместитель главы администрации района Амирхан Межитов и начальник  отдела  образования администрации Кайтархан Отегенова.

Методист отдела образования Кадрия Янполова отметила, что конкурс проводился в целях реализации главных задач современного образования: воспитание личности, ценностно ориентированной на знания, культуру, творчество, постоянно стремящейся к самосовершенствованию и самообразованию, возрождение лучших традиций образования, выявление талантливых, социально активных и интеллектуально развитых учащихся. «Оригинально и интересно каждый участник показал себя в презентации, а в выступлениях по заданной теме дети высказывали свое мнение по проблеме, отвечали на вопросы жюри и дополняли друг друга», – подчеркнула она.

Конкурс прошел в несколько этапов. Заочный этап включал в себя  конкурс «портфолио», где конкурсанты представили грамоты, дипломы, подтверждающие достижения участника в муниципальных, региональных, Всероссийских, Международных олимпиадах,  конкурсных мероприятиях и  соревнованиях за последние 3 года. Участники познакомили членов жюри с автобиографиями (с акцентом на общественную и социально полезную деятельность, участие в органах ученического самоуправления, детских и молодежных общественных объединениях) и представили справки об успеваемости. Очный этап состоял из 3 конкурсов: творческая презентация участника «Я гражданин страны великой», домашнее задание  «Имя России» и конкурс « Широка страна моя родная», состоящий из двух раундов «Я узнаю ее из тысячи» и «Где родился, там и пригодился».  Конкурс прошел в праздничной обстановке.

После всех конкурсных испытаний жюри определило лучшего ученика года. Первое место завоевала ученица 11-го класса школы  имени Кадрии села Терекли-Мектеб Юлия Абдулсаметова.

Второе место заняла ученица 11-го класса Терекли-Мектебской школы им. Джанибекова Алия Куруптурсунова, 3-е место досталось ученице 9-го  класса Ленинаульской школы Калимат Лукмановой.  Победитель и призеры получили денежные вознаграждения от администрации МО «Ногайский район», а также  кубок и медали.  Победитель конкурса будет представлять Ногайский район на республиканском этапе, который пройдет в мае текущего года.