«Хатын суьврети» программасынынъ катнасувшысы –«Ногай давысы» республикалык газетасынынъ бас редакторы, Карашай-Шеркеш Республикасынынъ ат казанган журналисти Алтынай Атуова. Ол Карашай-Шеркеш телевидениесининъ басланувында эм диктор школасын оьткен коьп болмаган телевизионщиклер сырасында болган. Онынъ насихатшысы Анна Шатилова эди.
2002-нши йылда Алтынай Атуова ногай тилинде баспаланатаган республикалык «Ногай давысы» газетасын етекшилейди. Белгиленген газетадынъ тарихине ол биринши кыскаяклы бас редактор болып кирген. Тезден «Ногай давысы» газетасы 80 йыллык мерекесин белгилеек.
Алтынай Атуова школада окыган йыллардан алып сосы газетага макалалар язган, онынъ атасы Юнус Атуов болса, газетадынъ штатта болмаган корреспонденти болган.
«Хатын суьврети» программадынъ катнасувшысы оьз исине яваплык пан караган кыскаяклы. Ол бир де кыйынлыклардан коркпаган эм арымай оьз мырадына етиспеге шалысады. «Баьри аьдемлерди де, яшавды да суьемен» деген шакырув астында соьздинъ устасы, яркын кыскаяклы Алтынай Атуова яшайды.