Ногай халкы бурынгыдан алып малшылык пан каьр шеккен. Бу куьнлерде коьп затлар туьрленсе де, ата-бабаларымыздынъ бас исин бардырганлар аз тувыл. Соьйтип Терекли-Мектеб авылынынъ яшавшысы Коьшбике Аджимухтарова мал саклайды, оны оьстиреди. Мал карав тыныш зат тувыл, оькинишке олардынъ йойытылган куьнлери де болады. Коьшбике Аджимухтаровадынъ эки сыйыры йок болады. Кыскаяклы коьмек тилеп, полиция куллыкшыларына барады. Сосы йок болган малды таппага борыш полиция лейтенанты Рафаэль Алыпкашевке бериледи. Рафаэль Мурза-Кишиевич коьмек тилеген кыскаяклыдынъ йойытылган эки сыйырын излеп табады.

–Бек разы ман полиция куллыкшысы Рафаэль Мурза-Кишиевич Алыпкашевке , меним сыйырларымды излеп тапканы уьшин, мен ога оьз савболымды токтавсыз айтаман. Мал караганга оны йок этуьв енъил зат тувыл. Ол сенинъ кыйынынъ, баска яктан да кишкейлей оьстирген мал исси тиеди. Сосындай авылдаслары уьшин куьшин аямай ислеген йигитлер коьп болсын, колыннан келген коьмегин эткен. Рафаэль йигит коьлик пен неше куьн узагына меним сыйырларымды ялкпай изледи, кайда да барган болар. Соны ман излеп, бизди де сонда элтеди, –деди Коьшбике Аджимухтарова полиция куллыкшысына юрегинде уьйкен разылык саклап.

Н.Кожаева.

Муниципальный этап всероссийского конкурса юных чтецов «Живая классика» состоялся на базе Терекли-Мектебской школы им.А.Ш.Джанибекова Ногайского района.

В конкурсе приняли участие 33 учащихся из 15 образовательных учреждений района. Конкурс прошел в 2-х номинациях: в номинации 6-7 классы участвовали 17 учащихся; в номинации - 8-10 классы - 16 учащихся. Жюри оценивало выступления учащихся, учитывая глубину проникновения в образную систему, грамотную речь. Дети артистично исполняли свои роли. 

Методист отдела образования района Секерхан Оразбаева отметила, что  участники мероприятия читали вслух отрывки из любимых прозаических произведений, демонстрировали понимание текста и осознанность его выбора, показали актерское мастерство. «Конкурс проходил с целью пропаганды и популяризации чтения среди школьников, расширения читательского кругозора детей, привития любви к русскому языку и поддержки талантливых детей», - пояснила она.

По итогам мероприятия победителями конкурса стали ученица 8 класса Терекли-Мектебской СОШ им.А.Ш.Джанибекова Камилла Курганова  и ученица 7 класса Терекли-Мектебской СОШ им.Кадрии Рукият-Ханум Акимова. Руководителями победительниц выступили учителя русского языка и литературы Асият Баетова и Эльмира Аубекерова.

Камилла Курганова и Рукият-Ханум Акимова представят Ногайский район на республиканском этапе конкурсе «Живая классика».

,
Ася Мусакаева

19 марта 2017 года, в Неделю 3-ю Великого поста (крестопоклонную) в духовно-просветительском центре при Свято-Успенском кафедральном соборе г. Махачкалы по благословению епископа Махачкалинского и Грозненского Варлаама отпраздновали День православной книги.

В рамках торжества состоялся I епархиальный конкурс чтецов среди воспитанников воскресных школ «Живое слово мудрости духовной».

Организатором творческого состязания выступил епархиальный Отдел религиозного образования и катехизации.

Задачами конкурса стало приобщение детей и подростков к духовному наследию христианской веры, традициям православной культуры, а также утверждение в современном обществе духовно-нравственных ценностей. 

Принять участие в первом епархиальном конкурсе чтецов вызвались воспитанники воскресных школ из гг. Махачкалы, Каспийска, Дербента, Кизляра, Избербаша, Кизлярского района Республики Дагестан, а также из г. Магаса Республики Ингушетия. Всего праздник русской словесности собрал более 50 ребят из разных уголков епархии.

Мероприятие открылось совместным исполнением молитвы «Царю Небесный…»

Затем к участникам обратился руководитель Отдела религиозного образования и катехизации Махачкалинской епархии иерей Виталий Тарасов.

В своем слове священнослужитель передал благословение и благопожелания от епископа Варлаама всем участникам и гостям конкурса.

«Главной целью конкурса является не выявление лучших чтецов, а попытка приобщить детей и подростков к духовному наследию и традициям православной веры. Чтение только тогда будет приносить искомую пользу, когда оно будет по мере сил и возможностей входить в нашу жизнь, становиться правилом жизни, а не простым и бездушным знанием. Поэтому нужно читать со вниманием и стараться жить по духу того, что читаешь», - подчеркнул, в частности, отец Виталий.

Далее гостям праздника продемонстрировали видеоролик о русском первопечатнике Иване Федорове, выпустившим в свет в 1564 году первую печатную книгу «Апостол».

Участникам конкурса представили членов жюри. В судейскую комиссию вошли руководитель отдела религиозного образования и катехизации Махачкалинской епархии священник Виталий Тарасов, директор Республиканского центра русского языка и культуры Лариса Куканова, сотрудник Комитета по свободе совести, взаимодействию с религиозными организациями РД Оксана Галиева, редактор ГТРК «Дагестан» Игорь Кантемиров.

Затем воспитанники воскресных школ с артистизмом продекламировали стихи. Юные чтецы выступали в трех возрастных категориях, начиная от самых маленьких (до 7 лет) и заканчивая старшей возрастной группой (13-17 лет). В перерывах между выступлениями чтецов воспитанники воскресной школы «Преображение» радовали зрителей музыкальными и акробатическими номерами.

По окончании выступлений члены жюри удалились для совещания.

В это же время юных участников конкурса в трапезной ждало угощение. Затем преподаватель воскресной школы «Преображение» Наталья Лысова провела экскурсию по Свято-Успенскому собору для гостей из удаленных приходов епархии.

Затем состоялось оглашение результатов и церемония награждения победителей. Имена награжденных можно прочитать здесь.

На память гости и участники сделали совместное фото.

 ФОТО/ФОТО(продолжение)

Бу йылдынъ февраль айынынъ сонъында Кадрия атындагы мектебте 10 «а» класс окувшылары ман Ногай тил куьнине багысланган «Калай байсынъ, тувган тилим!» деген китапхана бойынша дериси уйгынланып озгарылды. Шарады Район орталык китапханадынъ бас методисти Т.Алиева эм бас библиограф С.Курпаева юриттилер. «Тилимнинъ барлыгы- халкымнынъ байлыгы» деген китаплер выставкасы да кепленген эди. 10-ншы «а» класс окувшысы Мадина Баймухамбетова, 6 «б» класс окувшысы Аьзиз Аджимуллаев ногай язувшылардынъ яратувшылыгы бойынша «Шоьлимнинъ яркын юлдызлары» деген презентация аьзирлеп коьрсеттилер. Шарага халк фольклористи Тахир Акманбетов, С.Батыров атындагы саният мектебининъ тербиялавшысы, суьвретши Мухминат Отевалиева, Кадрия атындагы мектебининъ ана тил эм адабиатыннан окытувшысы Мархаба Нурманбетова шакырылган эдилер. Шарада окувшылар мерекеши шаирлердинъ ана тилинде ятлавларын окыдылар эм йырларын йырлап эситтирдилер. Айтпага, Мадина Баймухамбетова шаир К.Бариевтинъ «Привет», 10-ншы «а» класс окувшылары Залина Кильжанова К.Темирбулатовадынъ «Ата юртым» эм Хаджи-Мурат Кильжанов шаир Г.Бекмуратовадынъ «Соьнди наьсип», Янмурза Кожаев шаир М.Кожаевтинъ «Кайгы», Софият Баймурзаева Ф.Сидахметовадынъ «Оьмир оьтеди» деген ятлавларын йыйылганларга окып эситтирдилер. Китапханадынъ бас библиографы С.Курпаева шаир С.Майлыбаевадынъ «Суьйинемен танъ атканда яркырап» деген ятлавын да окувшыларга окып тынълатты.

10-ншы «а» класс окувшысы Алтана Кокоева шаир М.Авезовтынъ соьзлерине язылган «Домбыра», 6-ншы «а» класс окувшысы Милана Абубекерова шаир Ф.Сидахметовадынъ «Анамнынъ тувган куьнине» деген йырларын конъырав сеслери мен йырлап эситтирдилер.

Ногай шаирлери Г.Аджигельдиевтинъ эм М.Кожаевтинъ яшав йолы акында 10 «а» класс окувшылары Дамир Алиев, Янмурза Кожаев хабарладылар. Библиограф С.Курпаерва окувшылар ман такпаклар эм айтувлар бойынша хабарласув –обзорын дда озгарды. 10-ншы класс окувшылары Камилла Мансурова, Хаджи-Мурат Кильжанов, Аида Апазова ногай атларын, айтувларын, такпакларын айтувда белсенли катнастылар.

Соьйтип Ногай тил куьнине багысланган дерис йогары коьнъилде оьтти.

Т.Алиева,

Район орталык китапханадынъ бас методисти.

Суьвретте:шарадан коьринис.

Коьптен бери билдирилгенлей, оьткен юма сонъгы куьн Ногай районынынъ маданият уьйинде «Оьнерине бай халкым» деп аталган ногай тилинде 1-нши халклар ара КВН фестивали озгарылды.

Халкымыздынъ яс-явка шарасында Карашай-Шеркеш Республикасынынъ окувшыларынынъ «Кишкей кобанлар» деген командасы, Ставрополь крайынынъ Тукуй-Мектеб, А.-Х.Джанибеков эм К.Темирбулатова атындагы Терекли-Мектеб, Нариман, Карагас, Орта-Тоьбе авыл школаларынынъ, баьриси 7 командалар катнастылар. Фестивальге солай ок Казахстан элиннен конак болып келген окувшылардан туьзилген КВН командасы ярыста ортакшылык этпей, каравшыларга айырым оьз программасын коьрсетти.

КВН (кувнак эм тапкырлар клубы) козгалысы бизде кенъ тамырласпаганнан эм таралмаганнан себеп, бу йолгы фестиваль тек районымызда тувыл, туьрли регионларда бирге яшайтаган халкымыз арасында энъ бириншиси болады. Соны ман биз ана тилиндеги бу йылгы фестивальден ногай КВН тарихин баслаймыз.

Фестивальди «Ногай эл» федераллык миллет-маданият автономиясынынъ етекшилери, «Ногайский район» МО «Яслык» яслар орталыгы токтастырган эм уйгынлаган эди. Айтылган шарадынъ бас ниети – Ногай районында КВН козгалысын оьрлентуьв эм таралтув, талаплы, оьнерли эм тапкыр ясларды колтыклав, ногай тилин саклав эм оьрлентуьв.

Фестивальди ашаятып, «Ногай эл» ФНКА Оьр Советининъ председатели Казмагомед Янбулатов онынъ катнасувшыларын кутлады.

– Бу фестиваль бизди баьримизди де бирлестиреди. Буьгуьнги шарага узак йолды кыскартып, Казахстан элиннен кардаш халкымыздынъ командасы да конакка келген. Оларга уьйкен тилек, бизим абырайлы оьрметли Нурсултан Назарбаевке салам айтарсыз! Биз оны ман оьктемсиймиз.

Терекли-Мектеб авылы – Россиядынъ баьри ногайларынынъ политикалык эм маданият орталыгы. Ногай халкы кайда яшаса да, тилди, динди мутпайды. А мине буьгуьн баьримиз де бирлесип мунавдай абырайлы фестивальди озгарамыз, – деп белгиледи К.Янбулатов.

Муннан сонъ сценада бири-бирин авыстырып баьри ети командалар да оьз оьнерлерин коьрсеттилер. Командалар коьп болганга эм олар мунавдай шарада биринши кере катнасувын эске алып, аьр бириси ярыстынъ тек бир кезеги – саламлав бойынша ярыстылар.

КВН-ды Орта-Тоьбе авыл орта школасынынъ «Суьйимбийке» деген командасы ашты. Команда оьз атын акламага шалысты демеге керек, халкымыздынъ тарихининъ данъклы бетлерин, ана тилимиздинъ байлыгын,

онынъ оьткир юморын, миллет кийимин эм тапкырлыгын онынъ яс катнасувшылары оьзлерининъ оьнери мен каравшыларга ювык коьрсеттилер.

Командалардынъ коьрсетуьвлерине 8 аьдемнен туьзилген жюри белгилерин бердилер. Жюри агзалары: «Ногайский район» МО администрациясынынъ «Яслык» яслар орталыгынынъ председатели Сафар Сарсеев, «Ногай Эл» ФНКА Оьр Советининъ агзасы, язувшы Валерий Казаков, Д.Шихмурзаев атындагы Кумлы авыл орта школасынынъ ана тилден окытувшысы Софият Аджигельдиева, Ногай район маданият уьйининъ концертмейстери Гульфия Кокоева, «Шоьл тавысы» республикалык газетасынынъ оьз хабаршысы Гульфира Бекмуратова, бу сыдыралардынъ авторы, Патшалык ногай драма театрынынъ актеры Фазиль Оразбаев, Патшалык ногай халк саз алатлар оркестрининъ бас дирижеры Бекмурза Кудайбердиев конкурстынъ барысын тешкеруьвли тергемеге шалыстылар. Олар аьр бир командадынъ шыгувына юмор, оьнер усталыгы, командадынъ келпетин яклавы, сцена материалынынъ маьнелиги, коьрсетуьв коьрнеклиги, ногай тилди таралтувы бойынша белгилерин бердилер.

Оьзлери акында каравшыларда аьруьв эсти Нариман авыл орта школасынынъ «Куда-кудагайлар», Черкессктен келген «Кишкей кобанлар», А.-Х. Джанибеков атындагы орта школасынынъ «Тереклидинъ яслары» командалары калдырдылар. Карагас авыл орта школасынынъ «Кыпшаклар» эм Тукуй-Мектеб авыл орта школасынынъ «Авылдынъ коьрки» деген командалары да ийги катнаспага шалыстылар.

Жюри карары ман КВН-да 3-нши орын Карашай-Шеркеш Республикасынынъ «Кишкей кобанлар», 2-нши орын Орта-Тоьбе авыл орта школасынынъ «Суьйимбийке» командаларына берилди. Ярыстынъ енъуьвшиси деп жюри агзаларынынъ ортак карары бойынша Терекли-Мектеб авылдынъ Кадрия атындагы орта школасынынъ «Кувнак юлдызлар» деген командасы белгиленди. Онынъ катнасувшылары ярыска ийги кепте аьзирленгени кайсы ягыннан да коьринди: оьнер усталыгы, коьрсетуьв коьрнеклиги, командадынъ келпетин яклавы, сцена материалынынъ маьнелиги бойынша бу команда оьзининъ йогары аьзирлигин коьрсетти. «Кувнак юлдызлардынъ» боьтен де мага ана тилимиздинъ йойылув маьселесин, окув китаплердинъ етиспевлигин, ногай балаларга ногай атларын тагувымыздынъ койылып барувын аянлап коьрсетуьви ярады. Окувшылар сол темага багысланган кишкей юмор сценкасын да аьруьв коьрсеттилер. «Кувнак юлдызлар» оьз баннерин де аьзирлегенлер (баскалардынъ биревинде де ол зат йок эди).

Бу ерде тагы бир зат акында айтпага туьседи. Мысалы, бирер командалар коьрсетуьв коьрнеклиги, оьнер усталыгы яклардан баскалардан артык болса да, командаларынынъ келпетин яклавы, сцена материалынынъ маьнелиги, юмор, ногай тилди таралтув якларыннан мактагандай тувыл эдилер.

Яслардынъ ана тилиндеги биринши шарасын яс юритуьвши Даниял Исакаев тийисли дережеде юритпеге шалысты. Элбетте, ога да келеекте мунавдай КВН-лердинъ дайымлык юритуьвшиси болув уьшин эндиги де оьз усталыгын, тил шеберлигин арттырув керегеди.

Экиншилей, командаларга мунавдай ярысларга аьзирленуьв уьшин 1-2 айдынъ берилуьвин аз деп ойлайман, коьбисинше конкурсларга аьзирлик коьрилмеге кеминнен 5-6 ай бериледи. Ол затты эсте тутув керек, неге десе бизим яслар уьйкен КВН-ге биринши абытын этип туры.

Уьшиншилей, КВН козгалысын бизим район еринде кенъ таралтпага керекпиз. Мунавдай конкурста бизге яшамага буршав беретаган маьселелер коьтерилмеге тийисли, сатира, юмор кайсы заманда да ямагатымыздынъ кемшиликлерин коьзге туьртип коьрсетип, соларды шешпеге йол ашкан. Бизим ясларымыз халкымыздынъ маьселелери мен танысып, соларды шешуьвге ымтыларлар. Олар яшавымызды янъыртувда, ийгилендируьвде белсенли катнаспага борышлы. КВН козгалысынынъ бас ниети солай болмага керек.

М.Ханов.

Суьвретлерде: яслардынъ кужырлы эм кызыклы ярысында.

Янъыларда П.Гамзатова атындагы Дагестан суьврет ясав музейинде А.Кадыровтынъ атындагы Данъклы Мемориаллы комплекси оьз фондыннан «Ярасыклык дуныяды куткарар» деп аталган выставкасын ашты.

Выставкады дагестан музейининъ илми куллык бойынша директордынъ орынбасары Айшат Магомедова ашты. Данъклы Мемориаллы комплексининъ директорынынъ биринши орынбасары В.Ахматов выставка озгарылганы уьшин разылыгын билдирди. Солай ок ашылувда ДР миллет политика бойынша министри Т.Гамалей, «Дагестан авылы» музей-заповедник-этнографиялык комплексининъ директоры З.Сулейманова, ДР Художниклер союзынынъ председатели К.Магомедов ортакшылык эттилер.

Выставкада Россия Кубыласынынъ, Москва эм Санкт-Петербург усталарынынъ ислери коьрсетилген. Олардынъ сырасында живопись эм графика шыгармалары да, скульптура да бар.

Мен оьзимнинъ анамды йыйы эскеремен эм ол дайым да меним туьслериме энеди. Бирерде эсли ясуьйкен болганыма да карамастан, коьзимдеги коьзясларым ман уянаман. Мага аьлиги заманда бир зат та, бир байлык та керек тувыл, тек янымда анам болса экен деп ойлайман. Кайтип мен бирерде кыйынлы шагымда оны бир сагынаман! Сол сезимим мага бу макалады язбага себеп болды.

Атамыз дуныядан эрте тайган сонъ, биз аьелимизде бес бала болып калдык. Сол себептен бизди оьстируьв эм аьдем этуьв кыйыны толы кепте анамыздынъ ийинлерине илинди. Каты согыс эм боьтен де согыстан сонъгы йыллардынъ авырлыгын ога коьширмеге туьсти. Бизим элимизде меним анама усаган коьп хатынлар соьйтип, белкиси, соннан да бек кыйналып яшаган болар деп эсиме келеди.

Сол йылларда коьп йигитликлер эткен кыскаяклылар соларды кайдай кыйынлыкларга да карамастан, Тувган Эли, халкы уьшин эткенлер. Согыс хатын-кызларга айлак та уьйкен сынавлар аькелди. Сол оьткен йылларга эндигиси бурылып карай берип, бизим элде кыскаяклылардынъ кайдан тек келетаган куьш-куваты болмаган болса, патшалыгымыз да, аьеллер де шыдап болмаяк эдилер деп эске келеди. Бизим ол замандагы кыскаяклылардынъ уьйкен эдаплылыгы, шыдамлыгы оларга эрлери йок болса да, бизим еримизди аман калдырмага эп берди. Бизим элимиз дайым да хатынлардынъ кыйыны ман куьшли болган, неге десе бизим кыскаяклылар аьр заман да кайсы бир кавыфлыкка да карсы барганлар.

Тек аьлиги заманларда бизим политикалык майданымызда йырма йыллардан бери оьз закон кызыксынувларын яклайтаган шынты йигит хатынлар бек аз калган. Сонынъ орынына яшавшылардынъ хыйлысынынъ ярлылыкта яшаганы, келеектегимиздинъ белгисизлиги буьгуьнлерде ямагатта берк стресс тувдырган.

Соьйтип бизден эндиги йигитлик, эдаплык, таза намыс деген ян белгилери уьйкен аьрип пен язылган алтын йыллар кеттилер. Аьлиги заманларда йигитликтинъ баасы баска оьлшемлерде турады.

Бизди оьстирген аналар. Поэт Анварбек Култаев анасына багысланган бир йырында булай дейди:

Сол йолактынъ бир нешевин,

Мен салганман эш бир соьзсиз билемен.

Яшавымнынъ мен баьрисин

Савкатлайман, тек алмайсынъ коьремен.

Сен алмайсынъ койшы дейсинъ,

Оьсши, балам, алал бол деп коьзинъ мен.

Оьтирикти эш суьймейсинъ,

Таза бол деп сен айтасынъ соьзинъ мен…

Буьгуьнлерде оьзининъ анасын, аьптесин яде карындасын оьпкелеткен увыллар коьбейгенлер. Ондайлардынъ намыссызлыгы аналардынъ юреклерине битпес яра саладылар.

Аявлы кыскаяклылар, танъ юрекли болынъыз, суьйимликти, аьелинъизди, балаларынъызды сакланъыз, оьз эрлеринъизди сыйланъыз. Бизим ийги яшавымыздынъ, Тувган Элимизге суьйимлигимиздинъ маьнеси сол. Тоьгерегинъиздеги болаяткан ислерге коьзинъизди юмып караманъыз, неге десе ян авырымаганлык – ол уьйкен кате.

Дуныяда, элимизде бизге аьруьв яшамага буршав беретаган яманлык эндиги де аз тувыл. Оьз увылларынъызды осал ислерден, хаьсиет-аьдетлерден эрек сакланъыз, олардынъ яшавына маьне беринъиз.

Бизим элимизде аьруьв аьлде яшамага болады, тек биз оьзимиз сонынъ уьшин тийисли аьллер туьзбеге борышлымыз. Аналар балаларын дурыслык эм патриотизм негизинде тербияламага тийисли. Яшавда кыскаяклыдынъ туткан орыны бек уьйкен, олар ман бизде коьп зат байланыслы. Ана болган яс хатынлар, оьсип келеяткан яс оьспирлерди тербиялавда коьп зат сизинъ колынъыздан келеди. Оьз аьвлетлеринъиздинъ канына олар оьзлерининъ ата юртына, миллетине, онынъ тарихине, маданиятына, аьдетлерине, боьтен де оьз ана тилине суьйимликти синъдиринъиз.

Аьдемлер, оьз аналарынъызды коршаланъыз! Ана аьр кимге де тек бир кере бериледи.

Зейнадин Шугаипов,

Аневский авылы,

Тарумов районы.

Ханбийке- абайдынъ кыйыны

Ханбийке -абай тийисли тыншаювга шыкканша эртеннен кара кешке дейим, керек болса, туьнлей де суьйикли кесписинде белсенли ислеп турган. Сувык аязлы кунлерде, исси туншык шакларда орамларда бир инсан коьринмейди десенъ, уьйкен туьрли дарманлар толы дорбасын алып бараятырган Ханбийке Хасавовады коьрсенъ, сейир тувыл эди. Ол тилек тилеген бир аьдемнинъ де йигерин йыкпаган аьдем, Ханбийке -абай сондай да ийги, юмсак касиетли хатын.

Ханбийке- абай кесписине бек алал хатын эди. Ол тийисли кепте доьрт балады да тербиялаган эм туьз йолга салып, аьр бирисине йогары кеспили билимди бермеге шалыскан.Онынъ балаларына дайым ийги коьрим аталары Янболган ман аналары Ханбийке болып турганлар эм турады. Буьгуьнлерде анасынынъ ызын ызлап кишкей кызы Кадрия медицина куллыкшысы болып, Сургут каласынынъ бир балалар бавында куллык этеди.

Буьгуьнлерде Ханбийке-абай тийисли тыншаювда болса да ол медициналык ярдам керексе, билгенин аямай, тилекти толтырады. Янъыларда да Ханбийке-абайдынъ ярдамы авыл яшавшысына керекти. Ол болды онынъ эмленуьвининъ бас себепшиси.

Ызгы уьш айдан бери бизим Карасув авылымызда фельдшер йок. Авыл аьдемлери авырыса, кимге бармага кереклер?

Хатын авырып, эт кызувы 40 градуска дейим коьтерилип, уьйинде даяна алмай ятканда, онынъ увылы ман эри авылымызда бар яс медицина куллыкшысына келмеге, ярдам этпеге тилек салган эдилер, ама, оькинишке, «оьзи келсин» деген явап эситкенлер. Сонынъ акында айтпага да уят, болса да сондай аьлге биз калганмыз. Гиппократ анты, аьши, кая?

Биз - Карасув авыл яшавшылары, фельдшерсиз бек кыйналамыз. Газета бетлеринде, район администрациясына, ЦРБ етекшиси З.Бальгишиевке уьйкен тилек саламыз –бизим авылга Ханбийке-абайдай медициналык куллыкшысын йибермеге. Биз энди Ханбийке Даудовна Хасавовадай медициналык куллыкшысын коьрерме экенмиз.

Карасув авыл яшавшылары.

.

Уьстимиздеги йылдынъ январь айында оьзининъ мерекели ясын РФ эм ДР халк артисти, Дагестан боьлигининъ театраллык аьрекетшилер Союзынынъ председатели, Кумык анъ-драмалык теарынынъ етекшиси Айгум Айгумов белгилеп озды.

Талаплы артист Дагестан Республикасынынъ Ленинский районынынъ Карабудахкент авылында тувып-оьскен. 1962-нши йылда Москвада, Щукина атындагы театраллык окув ошагын уьстинликли окып битирген.

Айгум Айгумов коьп ис орынларда оьз талабын, бар оьнерин коьрсетип келетаган аьдем, кайсы ис орынды да ол ярасыклап болатаган инсан.

Баслап ол ис аьрекетин Кумык драма театрында баслады. Сонъ талаплы артиске Дагестан патшалык филармониясын, республикалык орыс эм кумык театрларын етекшилемеге туьскен. 1994-нши йылдан алып, Кумык анъ-драма театрынынъ художестволык етекшисининъ исин бардырады. Коьп йыллар узагында ДР театраллык аьрекетшилер Союзынынъ етекшиси. Онынъ яратувшылык кешликлери Москвада, Санкт-Петербургта, Ростов-на- Донуда эм Нальчик каласында озгарыладылар.

Айгумов коьплеген халкла ара, савлайсоюзлык эм россиялык шаралардынъ эм фестивальлердинъ лауреаты. Россия Федерациясынынъ орденлери, медальлери мен савгаланган. Коьплеген спектакльлерде бас геройын ойнаган.

2016-ншы йылда артистке «Перед заходом солнца» драмасында бас геройын ойнаганы уьшин фестивальлердинъ бас савгаларынынъ бириси – «Мономахтынъ хрусталь боьрки» деген савгасын тапшырганлар. Солай ок, ол «Золотая маска-2017» театраллык премиясынынъ иеси болган. Сол савгады ол уьстимиздеги йылдынъ апрель айында Москвадагы Станиславского эм Немирович-Данченко атындагы анъ теартында алаяк.

Айгум Айгумов оьзининъ тувган куьнин ис йолдаслары ман, ювык аьдемлери мен, оьзининъ уьстинликлери мен йолыкты.

Г. Сагиндикова.

Суьвретте: А.Айгумов.