Оьткен саьрсемби куьн, 8-нши февральде, «Молодежь Дагестана» баспасынынъ конференц-залында журналистлер сообществосына ДР баспа эм информациясынынъ янъы министри Рашид Акавов болганы билдирилди. Соны ман байланыслы шарада Дагестан Оькиметининъ биринши орынбасары Анатолий Карибов, ДР Аькимбасынынъ эм Оькиметининъ Администрациясынынъ информационлык политикасы бойынша Управлениесининъ етекшиси Зубайру Зубайруев эмс республика Аькимбасынынъ советниги Азнаур Аджиев ортакшлылык эттилер.
Анатолий Карибов баспа эм информациядынъ алдынгы министри Бурлият Токболатовадынъ куллыгын йогары балады.
Ведомстводынъ янъы етекшиси акында биринши зампред булай деди: «Рашид Забитович буи с тармакта ят аьдем тувыл, ведомстводынъ коьп куллыкшылары оны биледилер. Ол – ДГУ-дынъ филология факультетининъ выпускниги, тарих илмилер докторы. ДГПУ-дынъ анъ факультетининъ деканы болган. Рашид Акавов – маданиятты оьрлендируьвге караслы аьдем экенин хош коьремен…»
Рашид Акавов республика етекшилигин ога этилинген сеним уьшин разылыгын билдирди эм соны аклар уьшин баьри куьшин салаягын билдирди.
Оьз соьйлевинде министерстводынъ алдынгы етекшиси Бурлият Токболатова ис йолдасларына разылыгын билдирди эм журналистлерди биргелесип, алдыга бармага шакырды. Исте мундай авыстырувлар эки як разылыгы ман этилингенин белгиледи.