Янъыларда Махачкалада Туризм эм краевед балалар-яслар республикалык орталыгында (РЦДЮТК) «Меним авылымнынъ яшавшыларынынъ тарихи, курылысы, маданияты эм яшав аьли» деген темага 18-нши республикалык олимпиада оьтти. Мунда республикамыздынъ 37 районыннан эм 9 каласыннан балалар катнастылар.Олардынъ сырасында Ногай районынынъ Карагас эм Ленинаул  школаларынынъ окувшылары Карина Зарманбетова эм Калимат Лукманова да бар. Белгиленген шарада муниципаллык кезеклеринде енъуьвши болган 114 баладынъ ислери каралды. Сырагылар бойынша 8 енъуьвши белгиленди. Уьйкен суьйинишке, олардынъ сырасында Карагас авыл школасынынъ 8-нши класс окувшысы Карина Зарманбетовады да белгилемеге боламыз. Ол ДР илми эм билимлендируьв министри Шахабас Шаховтынъ атыннан 3-нши дережели дипломга эм акшалай баргыга тийисли болды. Енъуьвшиди аьзирлеген уьшин онынъ етекшиси – Карагас авылынынъ школасынынъ «Булак» краевед кружогынынъ етекшиси Нурсият Зарманбетова да РЦДЮТК директоры Арсен Хайбуллаевтен Сый грамота алды.

Карина Зарманбетовадынъ бу биринши енъуьви тувыл. Кызалак туьрли конкурсларда, олимпиадаларда катнаскан. «Келеекке абыт», «Биз халклардынъ тыпаклыгы ман уллы» конкурсларынынъ муниципаллык кезегинде баргылы орынларга тийисли болган, республикалык кезегинде белсенли катнасканы уьшин диплом ман савгаланган. Тагы да «Озган ман, аьлиги мен, келеек пен байланыс» деген конкурстынъ район кезегинде катнаскан.

Карина ясамага бек суьеди, спорт пан да каьр шегеди. Карагас авылынынъ волейбол командасынынъ кызлар куьбине киреди. Олардынъ командасы бир неше кайта баргылы орынды бийлеген. Каринага туьрли шараларда катнасувы, суьврет ясав ман, спорт пан кызыксынувы тек йогары белгилерге окымага буршав бермейди. Окытувшылары да оны тек окув яктан тувыл, тербия, аьдемшилик яктан да бек ийги кызалак деп мактап айтадылар.

Бек сенемен Каринадынъ аьли де енъуьвлери коьп болар деп, оьзи оьскен сайын уьстинликлери де уллы болсын деп йорайман.

Н.Кожаева.

Суьвретте: Олимпиададан коьринис.

Оьрметли авылдасларым, медициналык страховой полислердинъ иелери!

Сизге врачты сайлав ыхтыярынъызды кулланып билинъиз деген тема бойынша ясуьйкен маслагатымды бермеге суьемен. Сога сиз маьне берерсиз деп уьмит этемен.

Медициналык страховой полистинъ иелерине эмленуьв уьшин врачты эм эмлев уьйин сайламага ыхтыяр берилген. Ол бек маьнели эм яваплы ыхтыяр. Тек соны дурыс кулланып билуьв керек. Онда-мунда шавып врачтан-врач сайлайман деп юргеннен де пайда йок.

Аявлы авылдасларым! Авырыманъыз, сизге ден савлык сагынаман. Авырысанъыз, сонда ок та врачларга барынъыз. Бириншилей, энъ де баслап, бизим ерли врачларга коьрининъиз. Ерли врачларымыз республикамызда билимли, оьнерли, етимисли врачлар сырасыннан саналадылар. Бизим район больницамыз республикада янъы диагностика эм эмлев аппаратлары ман толы кепте канагатланган больницалар арасында. Эгер баска ерлерге барып эмленмеге суьйсенъиз, ерли врачларымыз бан маслагат этинъиз.

Экиншилей, республика орталыгымыз Махачкаладагы эмлев уьйлеринде элимизге атлары яйылган сулыплы, билимли, абырайлы врачлар эм белгили аьлимлер ислейдилер. Олардынъ алдыннан оьтпей, баска яктагы врачларга бармага алгасаманъыз. Керек болса, республикалык врачларымыз, аьлимлеримиз оьзлери маслагат берерлер не ерге, кайдай специалист-врачка бармага тарыгы акында.

Уьшиншилей, эмлев уьстинлиги тек врачтынъ билими мен тувыл да, сизинъ оьзинъиздинъ аьрекетлеп сав болмага талап этуьвинъиз бен де байланыслы.

Доьртиншилей, эгер сиз баска ерлердеги врачлардынъ ярдамы ман эмленсенъиз, сол эмленуьв йосыклары ман бизим ерли врачларымызды таныстырмага тарыксыз.

Бесиншилей, врачлар язган савлык саклав тапшырмаларын эмленуьв уьйден шыккан сонъ да толтырмага борышлысыз. Савлыкка зарар келтирген осал ислерден (ишки, таьмеки тартув, ашувланув яде биревлерге яманлык сагынув эм с.б.) эрек турмага керексиз.

А.Арсланов,

Дагестаннынъ ат казанган врачы,

медицина илмилер кандидаты,

врач-эксперт.

Муннан 73 йыл артта, 1944-нши йылдынъ 27-нши январь кешесинде Ленинград уьстинде 324 топлардан атылган салютлар яркырадылар. Сол куьн Ленинград, Волхов эм 2-нши Прибалтика фронтларынынъ армиялары немец-фашист аьскерлерин каладан эркекке тасладылар эм савлайы Ленинград областин босаттылар демеге болады. Соны ман 900 куьн эм кеше Ленинградты топлар ман, ашлык, сувыклык пан туншыктырган блокадага токтав белгиси салынды. Сол куьн юз мынълаган ленинградшылар уьшин яшавында энъ наьсипли эм сол ок заманда энъ кайгылы куьн эди. Бу куьнге кайтип болса да бир амал тавып еткен аьр бир аьдем оьз кардаш-тувганларын, тенъ-досларын, авылдасларын йойган эди.

Ленинград уьшин согыс Уллы Аталык кавгасынынъ тарихинде энъ де узын согыс болады. Ол 1941-нши йылдынъ 10-ншы июлиннен 1944-нши йылдынъ 9-ншы августына дейим бардырылган. Совет аьскершилери Лениградты 900 куьн узагында коршалавы ман герман аьскершилерининъ уьйкен куьшлерин эм савлайы финнлер армиясын тысавладылар.

Ленинградшылар сав дуныяга эрликтинъ, шыдамлыктынъ эм патриотизмнинъ энъ де бийик уьлгилерин коьрсеттилер. Блокада йылларында калада 1 миллионнан артык яшавшылар кырылганлар, сонынъ санында 600 мынъ – ашлыктан. Сол коркынышлы куьнлер акында мунда болган балалардынъ эм уьйкенлердинъ сакланып калган куьнделиклери аян шайытлайды. Гитлер бир неше кере калады ер мен тенъ этип бузбага, яшавшыларын толысынша йок этпеге буйырып турган. Болса да душпан аьскерлери кала коршалавшыларынынъ йигерин япырып болмаганлар.

1944-нши йылдынъ 14-нши январиннен 1-нши мартына дейим Ленинград-Новгород алдыга барув согыс операциясынынъ сырагысында фашистлердинъ «Сырт» аьскер куьбине авыр йойымлар келтирилген. Сонынъ тамамында 27-нши январьде Ленинград каладынъ блокадасы тайдырылган.

Муннан 73 йыл артта, 1944-нши йылдынъ 27-нши январь кешесинде Ленинград уьстинде 324 топлардан атылган салютлар яркырадылар. Сол куьн Ленинград, Волхов эм 2-нши Прибалтика фронтларынынъ армиялары немец-фашист аьскерлерин каладан эркекке тасладылар эм савлайы Ленинград областин босаттылар демеге болады. Соны ман 900 куьн эм кеше Ленинградты топлар ман, ашлык, сувыклык пан туншыктырган блокадага токтав белгиси салынды. Сол куьн юз мынълаган ленинградшылар уьшин яшавында энъ наьсипли эм сол ок заманда энъ кайгылы куьн эди. Бу куьнге кайтип болса да бир амал тавып еткен аьр бир аьдем оьз кардаш-тувганларын, тенъ-досларын, авылдасларын йойган эди.

Ленинград уьшин согыс Уллы Аталык кавгасынынъ тарихинде энъ де узын согыс болады. Ол 1941-нши йылдынъ 10-ншы июлиннен 1944-нши йылдынъ 9-ншы августына дейим бардырылган. Совет аьскершилери Лениградты 900 куьн узагында коршалавы ман герман аьскершилерининъ уьйкен куьшлерин эм савлайы финнлер армиясын тысавладылар.

Ленинградшылар сав дуныяга эрликтинъ, шыдамлыктынъ эм патриотизмнинъ энъ де бийик уьлгилерин коьрсеттилер. Блокада йылларында калада 1 миллионнан артык яшавшылар кырылганлар, сонынъ санында 600 мынъ – ашлыктан. Сол коркынышлы куьнлер акында мунда болган балалардынъ эм уьйкенлердинъ сакланып калган куьнделиклери аян шайытлайды. Гитлер бир неше кере калады ер мен тенъ этип бузбага, яшавшыларын толысынша йок этпеге буйырып турган. Болса да душпан аьскерлери кала коршалавшыларынынъ йигерин япырып болмаганлар.

1944-нши йылдынъ 14-нши январиннен 1-нши мартына дейим Ленинград-Новгород алдыга барув согыс операциясынынъ сырагысында фашистлердинъ «Сырт» аьскер куьбине авыр йойымлар келтирилген. Сонынъ тамамында 27-нши январьде Ленинград каладынъ блокадасы тайдырылган.

Аьдем оьмиринде эстеликли болып калган куьнлер аз болмайды. Соьйтип, Ногай районынынъ Кара-Сув эм Кумлы авыл яшавшылары уьшин 2007-нши йылдынъ 7-нши февраль куьни мутылмас куьн болды. Сол куьн Терекли-Мектебтен алып Кумлы авылына дейим онъланган газопровод тартылып биткен эм эки де авылда коьгилдим оттынъ оьртенлери халк коьнъилине куваныш тоьсеп янган. Быйыл бу эстеликли оьзгериске туп-тувра 10 йыл толады.

Белгиленген авылларга табиат газын аькелуьв оьз-оьзиннен болмаган. 2001-нши йыл сентябрьде Ногай районына келуьвинде Дагестаннынъ ол замандагы Госсоветининъ председатели Магомед-Али Магомедов куллык этип Кумлы авылына да етти. Ол авыл яшавшылары ман йолыгысып: «Кайдай маьселелеринъиз бар?» – деп сораган. Сонда йыйылганлар: «Авылымызга газ еткерсинъиз не бек аьруьв болар эди», – деген тилегин айтканлар. М.Магомедов оларга газ болар деп соьз берген.

Соьйтип, 2002-нши йылдан алып полиэтилен трубалары ман Кара-Сув авыл уьстиннен Кумлыга карап газопровод тартылып басланады. Болса да сол ок йыл уьш йыл узагына дейим бу куллык токтатылады. Сонынъ ызына шыгар уьшин 2005-нши йыл март айында Кумлы авыл яшавшылары сход этедилер. Сонда газификация бойынша айырым туьрким туьзедилер эм онынъ председатели этип Эсманбет Абдуллаевти айырадылар. Соьйтип авыл яшавшылары атыннан М.Магомедовка газификация ислери иркилуьви акында хат язылып, сол йыл 1-нши апрельде Терекли-Мектебтен согыс ветераны Абу Бекмурзаев, Кумлы имамы Нурманбет Елманбетов болып Махачкалага Госсоветке элтенеди.

Хаттан сонъ газификация ислерине тийисли акша карыжы шыгарылган эм куллык токтамастан юритилген. Мен сол йылларда арымай-талмай, халк сенимин аклар уьшин юргенмен. Иншалла, юргеним пушына кетпеди. Аллага шуькир, сол талабым яшавга шыгарылды. Дайым да Магомедали Магомедовичке Алладан ден савлык, узак оьмир йорайман. Солай ок «Дагспецгазстройсервистинъ» алдынгы директоры Умар Магомаевке ак юректен разылыгымды билдиремен. Ол йылларда республика парламентининъ депутаты, аьли «Шоьл тавысы» республикалык газетасынынъ бас редакторы Эльмира Юнус кызы Кожаевага коьмек тилеп барганда, ол оьз куллыкларын таслап, меним тилегиме уьйкен маьне бергенине, соны шешип, мени онълап йолга салганына коьп муьсиревлимен. Янъы басланган йылда бу аьдемлердинъ аьр бирисине берк ден савлыкты, куллыкларында уьйкен уьстинликлерди йорайман.

Сол заманнан бери 10 йыл да оьтип калды. Соны ман байланыста айткым келеди: кайдай куллык болса да, юрмесе бир ис те бажарылмайды. Яткан туьеге карап дайым да кавмак тыгырмайды. Соннан тура аьлиге дейим газификацияланмаган авыллар оьзлери де ятып турмай, бу маьселеди ызына дейим шешпеге талап этсе оннан зарар болмас.

Э.Абдуллаев,

Кумлы авылы.

За прошлый год в Дагестане открыто 89 удаленных офисов Республиканского многофункционального центра. Удаленные офисы МФЦ открылись в таких высокогорных районах как Цумадинский, Тляратинский, Шамильский, Гумбетовский, Акушинский и еще ряде муниципалитетов. Также в прошлом году открыто 32 окна в уже действующих допофисах. 

На сегодняшний день в городах и районах Дагестана действует  57 многофункциональных центров и 435 удаленных офисов в самых отдаленных селах республики. Это позволило увеличить охват населения услугами МФЦ с 92 % до 98 %.

Также за минувший год повысилось число оказываемых услуг населению. Так, на начало 2016 года в филиалах МФЦ дагестанцы могли воспользоваться 287 видами государственных и муниципальных услуг, а в декабре количество видов предоставляемых услуг возросло до 400.

В Дагестане наблюдается положительная динамика востребованности получения государственных, муниципальных и иных услуг посредством МФЦ. За 2016 год жителям республики в центрах “Мои документы” было оказано около 2 млн услуг. Это в 4 четыре раза больше чем в прошлом году. Ежедневно в многофункциональные центры республики обращается свыше 10 тыс. человек. При этом, среднее время ожидания в очереди при обращении заявителя в 2016 году составило 13 минут, а средняя оценка удовлетворенности граждан качеством оказания госслуг составляет 4,88 балла из 5. 

Заседание Межведомственной рабочей группы по топливно-энергетическому комплексу республики состоялось сегодня, 18 января, в Доме Правительства РД. Открыл и вел мероприятие глава кабинета министров республики Абдусамад Гамидов.

Предваряя обсуждение, он напомнил, что рабочая группа создана в целях подготовки и проведения совместных мероприятий по повышению эффективности и безопасности функционирования топливно-энергетическому комплекса Дагестана.

Кроме того, Абдусамад Гамидов призвал собравшихся отнестись к вопросу платежей предприятий бюджетной сферы и жилищно-коммунального хозяйства с большой ответственностью, напомнив о персональной ответственности за образование просроченной задолженности. Вместе с тем Абдусамад Гамидов подчеркнул положительные сдвиги по итогам прошлого года в данном направлении.

О ситуации с платежами предприятий бюджетной сферы и жилищно-коммунального хозяйства за поставленные энергоресурсы доложил зампред Правительства РД Шамиль Исаев.

«В результате принятых мер в ноябре-декабре 2016 года достигнута положительная динамика оплаты за потребленную электроэнергию. Минфином республики с опережением перечисляются средства предприятиям, финансируемым из республиканского и местных бюджетов, для оплаты за поставленные энергоресурсы. Текущая оплата за поставленные энергоресурсы предприятий, финансируемых из республиканского и местных бюджетов, за электроэнергию и газ на сегодня составляет порядка 100 %», – сообщил Исаев.

Вместе с тем, вице-премьер доложил об имеющихся задолженностях в этих сферах. По его словам, основной причиной сложившейся ситуации является существенная задолженность частных предприятий ЖКХ, осуществляющих непосредственный сбор средств с потребителей. Сегодня они являются монополистами и гарантийными поставщиками, оказывающими услуги значительной части населения. Усугубляет ситуацию то обстоятельство, что большинство из них находится в состоянии банкротства, их счета арестованы. Кроме того, Шамиль Исаев озвучил действенные предложения по решению проблем задолженности за газ предприятий сферы ЖКХ. По его словам, необходимо оздоровить отрасль путем внедрения эффективного менеджмента.

Отметим, что в ходе мероприятия состоялись выступления и других его участников. Так, заместитель министра транспорта, энергетики и связи РД Эльдар Гаджибабаев выступил с информацией о реализации Плана мероприятий по консолидации электрических сетей.

Подводя итоги обсуждения, Абдусамад Гамидов дал четкое указание ответственным руководителям принять исчерпывающие меры по недопущению роста задолженности, своевременной и полной оплате за поставленные энергоресурсы.

В заседании приняли участие представители министерств и ведомств, главы городских округов и муниципальных образований, а также руководители предприятий и компаний в сфере ЖКХ.

Информационно-аналитическая система «Медиология» подготовила медиарейтинги губернаторов за 2016 год. Глава Республики Дагестан Рамазан Абдулатипов в этом рейтинге занял 18 позицию, что на две ступени выше показателя за 2015 год.

Во главе рейтинга по-прежнему мэр Москвы Сергей Собянин. Следом за ним идет глава Чеченской республики Рамзан Кадыров, который сумел подняться в списке губернаторов на одну ступень.

Закрывает рейтинг руководитель республики Марий Эл Леонид Маркелов. 

Быйылдан алып республикамызда ерли асыллавшылардынъ шыгарган азык-туьлик, кийим эм сондай халк пайдасы уьшин этилинген затларына «Дагестан бренди» деген белги салынаяк. Оны кулланув йорыгы 2016-ншы йылдынъ декабрь айында ДР Оькиметининъ токтасы ман беркитилген. Брендти кулланувга ыхтыярды ерли етекшилев органларына, муниципаллык предприятиелерине эм азык-туьлик, кийим эм сондай халк пайдасы уьшин этилинген затларына беруьв ниет пен ведомстволар ара ис куьби туьзилеек. Белгиди кулланувга айырым ыхтыярды ДР Савда эм промышленность министерствосы береек. Айтылган министерствога эртеректен билдируьв аркасы ман толтырувшы власть органлары, олардынъ тергеви астындагы организациялар ман халк алдында коьрсетуьвлер, презентациялар озгарганда, савгалар аьзирлегенде, бу белгиди кулланмага болады.

Айтылган белги республикамызды Россиядынъ белсенли аьлде оьрленип турган регионларынынъ бириси эсабында сыйын коьтеруьв уьшин шыгарылган. Ол (белги) Дагестаннынъ инвестиционлык онъайлыгын арттырувга, регионлык эм россия рынокларына сапатлы эм куьндесликти даянып болатаган алатларды, муьлкти, эм сондай баска керекли затларды шыгарувга демевлик этер деп сенемиз.

Йыл ишинде белгиленетаган кеспи байрамлар аз тувыллар. Ама йылдынъ басланувы ман Россия Баспа тармагында куллык этетаган аьдемлер оьзлерининъ кеспилик байрамын белгилейдилер.

1991-нши йылда РФ Оьр Советининъ кабыл этилинип алынган токтасы ман РФ Баспа куьни 13-нши январь куьнинде белгиленип басланды.

Баспа куьни – кагыт негизинде информация еткеруьвши органлардынъ, соны ман байланыслы баьри аьдемлердинъ кеспи байрамы. Аьлиги заманларда олардынъ арасында –электронлы газеталардынъ эм журналлардынъ куллыкшылары да бар.

Оьткен уллы юма куьн Россия Баспасынынъ сыйлы куллыкшылары Расул Гамзатов атындагы китапханага шакыртылып, йолыгыс озгарылды. Сол йолыгыстынъ барысында журналистлерге каратылган бек ийги соьзлер айтылдылар, Сый грамоталар эм патшалык баргылар берилдилер.

Солардынъ санларында бизим «Шоьл тавысы» газетамыздынъ да журналистлери бар эдилер.

Газета яшавына оьзининъ 30 йылдан артык заманын багыслап, яваплы секретарь ис орнында оьз борышларын белсенли толтырып келетаган Любовь Ибрагимовна Уразаева ДР ат казанган маданият куллыкшысы деген атка эм газетадынъ политика эм авыл хозяйство бойынша боьлик редакторы Магомед-Али Юнусович Ханов пан маданият эм социаллык политика бойынша боьлик редакторы Галима Арифуллаевна Курганова Сый грамоталарга тийисли болдылар.

Россия Баспа куьнининъ белгиленуьвине багысланган йолыгысты ДР Баспа эм информация министри Бурлият Мовсаровна Токболатова ашты эм юритти. Ол биринши соьзди ДР Журналистлер союзынынъ Председатели Али Камаловка берди. Ол болса, йыйылган, йолыгыска келген журналистлерди кутлап, журналисттинъ тыныш болмаган иси, буьгуьнги орыны акында айтып кетти. Оьз соьзинде ол алдынгы заманларда журналист кесписи болган аьдемлердинъ кыйын акы кайдай болганы акында да билдирип озды. Буьгуьн мен тенълестиргенде, алдынгы заманларда журналисттинъ кесписи де сыйлы, кыйын акы да йогары оьлшемде болган.

Али Камаловтынъ кутлав соьзиннен сонъ Б.Токболатова оьзи соьзин бардырды.

- Аьлиги заманда – буьгуьнги байрамды бек коьп аьдемлер байрамшылайдылар. Бу байрам кайтип баспа органлардынъ, соьйтип электронлы газеталардынъ эм журналлардынъ да куллыкшыларындыкы да болады.

Биз оьз яшавымызды газеталарсыз, журналларсыз коьрип те болмаймыз. Дагестан Республикасы СМИ тармагы ийги оьрленип баратаганлар санында. Бизде 332 СМИ – 168-и баспа эм 164 электронлы органлар, сол санда эки информация агентствосы. Баспа органлар ишинде 13 газета эм 2 журнал дагестан миллет тиллерде шыгадылар. Солай ок миллет тиллерде теле эм радиовещание куллык этеди.

Дагестан Республикасында СМИ – бизим патшалыктынъ политикалык куьшлерининъ маьнели кесеги болады. Журналистлердинъ аркаларында енъил болмаган юк – олар, халкка баьри болган, болатаган туьрленислер, янъылыклар акында, билдирип турмага кереклер…- деди Бурлият Мавсаровна.

Йолыгыстынъ барысында оннан баска болып, Дагестан Республикасынынъ дережели орынларында ислейтаган аьдемлер йыйылган журналистлерди кутладылар. Оннан сонъ, йолыгыс тийисли журналистлерди савгалав ман тамамланды.

Бизим хабаршы.

Суьвретте: савгага тийисли болган «Шоьл тавысы» газетасынынъ куллыкшылары.