Дагестан Республикасынынъ яшавшыларынынъ коьбиси каьр шеккен халк хозяйствосынынъ бас тармагы авыл хозяйствосы болады, сога коьре республикамыздынъ йоллары ман коьп тракторлар эм авылхозяйстволык техника юреди. Сосындай коьлик амаллар йолларда кавыфлы аьллер туьзедилер. Солай ок тракторларды, баска авылхозяйстволык техникады кулланган аьдемлердинъ куьнаьси мен йолларда йол-коьлик кателер болады.
Куьнбатар авылдынъ оьз аьлеметлиги бар. Мунда тувган аьдемлер бурынъгы ногай аьдетлерди куьшли тутадылар, аьвелгиден ата-бабаларымыздан калган кийгиз ясав усталыгын йоймаганлар, такпакларды эм айтувларды аьруьв биледилер.
15-нши сентябрь - Дагестан халкларынынъ бирлик куьни белгиленди
Аьр бир аьдем оьз балалыгына заман-заманы ман кайтады. Мен де оьз эсимде сол шагымнынъ ийги деген куьнлерин саклайман, оьзим аьллескен, юрегиме ювык аьдемлерди де эсиме аламан.
Куьздинъ бир ярык, йылы куьнинде Каспийск оьзининъ 70 йыллык мерекесин белгиледи.
«Экономикады акка кайтарув»
Быйылдынъ оьткен 8 айы ишинде «Ногайский район» МР еринде налоглар эм налог тувыл тоьлевлердинъ айырым кеплери бойынша бюджет тапшырмаларды толтырув ягыннан заьлимдей колайсыз аьллер туьзилген. Сонынъ сырагысында байыр келимлери бойынша план толтырылмай калган.
Янъыларда Ногай шоьлге сыйлы конаклар кардаш казах халкынынъ ваькиллери – С. Баишев атындагы Актюбе каласындагы университетининъ президенти, философия илмилерининъ докторы, профессор Ахан Бекежан, экономика илмилерининъ кандидаты, доцент Роза Курманкулова, педагогика факультетининъ деканы , филология илмилерининъ кандидаты доцент Меруерт Амангазиева эм Казах Республикасында яшаган ногай йигит Тимур Амангазиев келдилер.
Бизге язадылар
Уьйкен элимиздинъ авыл-калаларындай болып, бизим Батыр-Мурза авылында да янъы окув йылы шатлыклы аьлде басланды. Мундагы школада аьли 100-ден артык балалар окыйдылар. Коллективте коьп йыллардан бери билимли, оьз исин суьйген окытувшылар Асият Тангатаровна Шандиева, Зафира Абдулганиевна Дильманбетова, Райхан Абибуллаевна Шамбилова, Уьлимет Сейдалиевна Оразбаева, Тайрат Зиявдиновна Бодениязова, Сайлав Зиявдиновна Бийболатова эм баскалар куллык этедилер.
Халклар ара ногайлардынъ футбол ярысынынъ кезеги Норвегия элининъ бас каласы Ослода бу йылдынъ 15-18 сентябрь айында уйгынланып оьтти.
Район администрациясында
Янъыларда «Ногайский район» МО администрациясынынъ аькимбасы Мухтарбий Аджековтынъ «Район конференциясын оьткеруьв бойынша уйгынлав комитетин туьзуьв акында» деп аталган распоряжениеси кабыл этилинген. Сол распоряжениеге коьре, халктынъ аьдетли ян-коьнъил, маданият эм тарих аьдетлери, ямагат яшав нормалары, аьелдинъ социаллык институтын саклав, демографиялык кризисти енъуьв, ямагатта гражданлар макулласувын беркитуьв негизинде яшавшыларды ян-эдаплык ягыннан тербиялавда тармаклы эм комплексли янасувларды кеплендируьв ниет пен быйылдынъ октябрь айында район конференциясын оьткеруьв каралган.
Айтылган шарады аьзирлев эм оьткеруьв уьшин тоьмендеги сырасы ман уйгынлав комитети туьзилген:
«Ногайский район» МР администрациясында аьр юмалык кезекли аппарат йыйыны бу йол ийги хабардан басланды. Район администрациясында таймастан 40 йыл узагында намыслы кепте ислеп келеяткан Зульфира Зармухамедовна Колдасовадынъ мерекеси мен байланыста «Ногайский район» МР аькимбасы Мухтарбий Аджеков оны шатлыклы аьлде кутлады эм ога кутлав адреси мен шешекей байламын тапшырды.
