Йыллар барадылар алдыга. Кайзаманда да эл арасында айтылады: «Кая, ясларды коьремиз, бизим заманымызда ша сондай тувыл эди ». Бу соьзлер коьплеген мынъ йыллардан бери айтылып келеятыр. Болса да, несилден несилге коьширилип турады тувган ерге суьйим, ясуьйкенлерге сый этуьв, кишкейлерди коршалав. Сол асабалыкты ясларымыз оьзлерине аладылар эм оьлериннен сонъгы несилге коьширедилер.

Аьлиги заман, ол кайдай? Яс несил кайдай ойлар ман яшайды? Биз, совет заманында оьскен балалар, сол заман ман тенълестиргенде, кайсысы ийги болады балалар тербиялавына, оьрленуьвине? Бу соравга явап ата-аналар да, балалар да излейдилер.

Заманлар куьн сайын туьрленедилер, сога коьре мен аьлиги эм алдынгы заманды тенълестирмеге суьемен. Бизим заманымызда октябренок, пионер болмага ымтылатаган эди балалар. Аьлиги балалар согысты тек хабарлардан биледилер, ама бизим ясуьйкенлер сол кара кавгадынъ отыннан оьттилер, Енъуьв куьнине куванып, янъы яшав туьздилер. Биз коьрмедик кавгады, болса да сол заманнынъ соьнмес сеслери бизим юреклерде, янларда дайымларга калдылар. Мен эски альбомларды актарып карайман. Кара-ак суьвретлеримизди колыма аламан, мага коьре балалыгым артка кайткандай. Аьли Интернетке кирсенъ, туьрли туьсли суьвретлер коьзди шагаластырадылар, яслар, ушын айтканда, тек яслар тувыл, эртенъликте турып, бир стакан шай ишсе де, Инстаграммга «селфи» этип саладылар. Бизим заманымызда ондай зат кайда, бизим авылга бир фотограф келетаган эди, онынъ бир телефоны бар эди, соны алып, савлай авыл балалары суьвретке туьсетаган эди, сондай суьвретлеримиз аьли де сакланып туры.

Аьлиги балалар билеме экен, олардынъ ата-аналары суьвретлерди оьзлери шыгаратаган болганы? Бизим заманымызда суьвретлерди эс калсын деп шыгаратаган эдилер, аьлиги заманда олар буьгуьн бар, танъла йок деп ойлайман мен.

Меним бу макалам озган заман акында оькиниш тувыл, бу бизим эм балаларымыздынъ яшавы арасында кайдай туьрленислер бар экени акында хабар. Мен хабарласувга шакыраман окувшыларды. Меним йиенлеримнинъ

балалары туьрли кувыршаклар ман, ойыншыклар ман ойнайдылар, янъыларда кызлардынъ биреви мага кутыктынъ ишинде йылыскавык, ябыскавык бир зат аькелип, колыма соны тийдиргенде, шаркым бир туьрли болып кетти, бу не зат? деген соравыма ол «лизун» деп яваплады. Аьлиги заманда «лизунлар» эм сондай баска ойыншыклар коьп болды. Биз болса куьлтоьбелерден бузылган аяк сиселер тавып ойнайтаган эдик, кувыршакларымыз да бирдей эди, аьли кувыршаклар да кайдай туьрли болады. Мен сол затка карсы тувыл, ама ойыншыклар да балаларды уьйретсе экен, маьнели болса экен. Биз кырда ойнайтаган эдик, каранъа болсын, исси болсын, йыйналып, туьрли ойынлар ойнайтаган эдик. Кыста коьллер бузлаганда, барып тайысамыз, сувга ойыламыз, уьйге келип кийим авыстырып, тагы да кетемиз, ким биле, авырганда авырган болгандырмыз, ама сол балалыгымыз кайдай ийги эм йылы эди бизге. Аьлиги балалар уьйден шыкпайдылар, олардынъ ойынлары ноутбукта, мобильли телефонларда, планшетлерде.

Аьеллер курыладылар савлай яшавга тувыл, бир неше айларга, сол зат бизди тынышсызландырмай болмайды. Кайдай тойлар этемиз, борышланып-карыжланып, тек яслар экинши ай шашырайдылар. Сол да маьселе болып турады аьлиги заманда. Аьли яслар аьел курмай, карьера курадылар, акша, власть коьплеген ясларга ие болды. Кайгылы зат деп ойлайман мен соны. Мен анълайман, аьлиги заман тез оьтеди, сол заманнынъ атыннан кувмага шалысып, яслар оларга не керек экенин, яшавдынъ маьнесин анъламайдылар.

Мен яслардынъ акында яман деп айтпайман, болса да олар коьплеген яшав баалыкларын баалап болмайды деп белгилемеге суьемен, сол да олардынъ куьнасиннен тувыл, биз оьзимиз де куьнали. Биз де кувамыз яшавдынъ артыннан, сол заманда саьбийлерге маьне бермеге заман таппаймыз. Арада бир олар ман хабарласып, эски альбомларды актарып, ойларын, мыратларын сорав керекпиз. Аьши, баскалай болмага керек тувыл, олар ша – бизим келеектегимиз.

Г.Бекмуратова.

«Ногайский район» МО-сындагы халкты социаллык яктан коршалав управлениеси турак уьй эм коммуналлык буйымлар уьшин аьр ай сайын акша алатаган гражданлардынъ эсин каратады. Дагестан Республикасынынъ Халк Йыйыны ман «О внесении изменений в статью 5 закона Республики Дагестан «О социальной поддержке жертв политических репрессий» деген 31-нши номерли законы 2017-нши йылдынъ курал айынынъ 5-нен алып кабыл этилген. Сол законга коьре, социаллык колтыклав шаралары политикалык репрессияларда курманлыкка йолыккан гражданлар ман бирге яшайтаган баьри аьдемлер де тийисли болмайтаганы акында билдириледи.

Йогарыда келтирилген законга коьре, сол аьр ай сайынлык акша тек тийисли аьдемнинъ оьзине, онынъ аьелинде яшайтаган аьдемлерге тувыл, берилеек. Бу Закон баспаланганнан сонъ, он куьннен сонъ, куьшине киреди.

А.Шамарова,

УСЗН специалисти.

Кавга… кайсы уьйдинъ капысын ашпады бу баьле… неше бактылар бузылдылар сол йыллар… Кавга – энъ де коркынышлы, аясыз, каты соьз савлай дуныя юзинде. Инсанларга кайгы, коьзяс, ашлык аькелетаган оьзгерис. Согыс енъуьвшиге де наьсип аькелмеген бир заман да.

Коьплеген хабарлар, йырлар, ятлавлар язылган аьскершилер акында, олардынъ баьтирлиги акында. Мен де язганман Уллы Енъуьвди аькелген йигитлеримиз акында, ама меним буьгуьнги хабарым мунълы. Сога коьре болар, мага тыныш тувыл эди бу макалады аьзирлемеге, мага бу хабарды айткан ясуьйкенимиз Майлав Суембаевна Уразаева ман бирге коьзясымды да суьрттим, оны ман бирге бу хабардынъ баьтирлерининъ яшавын тагы да бир кере оьттим.

…Ирсбике Коканова аьелинде ортаншы бала болган, уьйкен аданасы Курпай, синълиси Тоюш болып оьстилер, аш заманда аш болдылар, ток заманда кайгысыз яшадылар. Сонъында Ирсбике аьел курып, оьзи де балалы-шагалы болды, кызы да, кедеси де бар эди – Марипат эм Даут. Эрте калды ялгыз, эри кешип кетти дуныядан, балаларды оьзине асырамага туьсти. Нагаш юрты коьмек этетаган эди кыскаяклыга, кишкей Даут нагашакасы Курпай ман мышыгызлардынъ малын багатаган эди Эски-юрт авылында. 1944-нши йыл мышыгызларды Казахстанга айдадылар, сол заманга Курпай йиени Даут пан туьсип калды, сен мышыгыз ба, ногай ма, бирев де сорамаган, баьриси де кетип калган тувган ерлерден йыракка. Поездке тиелген Курпай авырыйды, Казахстан ерине келгенде, ол больницага туьседи. Тоьгеректе савлай казахлар, таныслар йок, сога коьре Даут каравсыз калады. Бир- эки куьн бала (ол заманда ол 8 ясында болган) больницадынъ терезесине келип, нагашакасы ман соьйледи, сонъында кырда юрген балады казахлар коьрип, бир баласы йок аьелге аькелип бередилер. Олар суьйинип сакламага аладылар саьбийди, болса да ол танысларын тавып коймасын деп, баска ерге коьшип кетедилер. Соьйтип, Даут нагашакасын йойытады…

Майлав-абайдынъ коьнъили тоьменленеди, мен ойлайман, анасынынъ, энесининъ келпетлери коьринетаган болса ярайды ога, болса да хабарын бардырады.

… Курпай эмленип больницадан шыгады, Даут йок, коьп юреди ол казахлардан сорап йиенин. Бирев де коьрмеген, бирев де билмеген. Яшав барады алдыга. Курпай уьйленеди, олар ман бирге Вышеталовкадан айдалып келген ногай хатынды алып яшайды, кыскаяклыдынъ оьзининъ бир кедеси бар эди. Сонъында бу аьелде баска балалар да тувады.

Ногай шоьлге де тынышлык келеди, Ирсбике-абайдынъ коьзи ястан курымайды, баласын да, нагашакасын да йойытып, кеше-куьндиз бес намазын кылып, юзин сыйпап, Кудайдан оларга ден савлык тилейди.

- Бир кере баламды коьзим мен коьрсем, оьлсем де кайгырмас эдим, - дейтаган эди юреги дертке толган ана. Кызы Марипат пан турады, балаларды асырамага коьмек этеди. Соьйтип, йырма йыл оьтеди.

Шешен Республикасы конъысы болганга болартагы, ногайлар туратаган авыллар ман катнас тутадылар бизим шоьлдинъ аьдемлери. Соьйтип, Кумлы авыл яшавшысы Йолманбетов Иса Червленная станицасына келеди, мунда ол Казахстаннан келген бир хатын ман хабар курады. Хабарласув барысында ол ердеси Курпай да сол якларга айдалганы акында хабарлайды, эм хатын Курпай сав, Талды-курган областининъ Талды-курган авылында яшайды деп айтады. Сол суьйинишли хабарды эр киси авылга аькеледи, Майлав-абайдынъ атасы ога суьйинишке бузавлы сыйыр берген.

Кайтип токтасын энди Марипат-абай, ол эри мен, анасынынъ синълиси Тоюш эри мен Казахстанга йол аладылар.

Баьри зат та Кудайдынъ колында, йырма йылдан сонъ да табылады аьдемлер, эгер оларга соьйтип язылган болса. Курпайдынъ уьйине аман-эсен келедилер, Тоюш аданасын коьрип, суьйинеди, Марипат болса оьзининъ ялгыз аданасын коьргиси келеди. Болса да, Курпай-нагашакай ога баьри хабарды да туьзип айтады. Йылайды, сыктайды Марипат – абай, уьйге кирип болмайды, нагашакасына оьпкелейди, кайтип сен оны йойыткасынъ деп.

Марипаттынъ соьзи каты эди, ол мен аданасымды таппай кайтпайман деп токтасады. Соьйтип, олар тоьгеректеги баьри авылларды да айланадылар, Ярикбаев Даут деген аьдемди сельсоветлер бойынша излейдилер, таппайдылар. Ызгы кере олар Каратальский район Уьш-тоьбе авылына барадылар, сонда сельсоветте олар бу авылда Коппаев Даут деген аьдем яшайды деген язувды окыйдылар, сол адрес бойынша барадылар. Азбарда карт пан куртка олтыры, эки бала ойнап туры, уьйдинъ артыннан келген яс: «Марипат-абай» деп кышкырганда, аьптеси тизине шоьгип калады. Ювырып барып кушаклап, онъ колын карайды ыслап, кишкей заманда ол шетеннен йыгылып, колын авыртады, колы ишине карап битеди . Сол нышаны болмаса да, таныр эди ол ялгыз Даутын. Марипат Курпайды да, Даутты да алып уьйге кайтады. Ирсбике-абай увылын да, аданасын да коьрип, юреги куванышка

толады. Булар 20 куьн турып, кайтадылар Казахстанга, экевининъ де аьеллери бар ша. Даут коьшип келмеге токтасады, аьлейин, саьбийлерин алып келеди, болса да келиншек туралмайды Ногай шоьлде. Даут анасына мен калайым сени мен деп айтады.

- Кой, балам, сени аьлейинънен, аьвлетлеринънен айырып, мен бу дуныяда кайтип яшайым. Сени коьрдим, энди оьлсем де кайгырмайман, - дейди анадынъ юмарт юреги.

- Болса да энем коьп яшамады увылы кеткен сонъ, коя болып дуныядан кешти, нагашакамнынъ 14 баласы бар эди, ол да кешти бу дуныядан. Катнаймыз аьли де олар ман, мен ше коьп бармайман, синълилерим тез-тез барадылар, - деп хабарлайды Майлав Суюнбаевна. – Сондай болган олардынъ бактысы, оьлеектен бираз алдын нагашакам бизде 5 ай турып кетти, баьрисине де барды, кыдырды, аманласты Ногай шоьли мен, коьп узамай топырак болды.

Бакты. Кудай манълайынъа язса, сол заттан не этсе де кашып болмайсынъ. Анадынъ юрегин авырткан, янларга дерт салган кавга, аьли де сенинъ сесинъ бизим юреклерге ок болып тиеди. Эм мен айтаман, мутпайык сол огырсыз кавгады, биз оны мутсак, тынышлыктынъ яркын ярыгы соьнер. Сол заттан бизди Кудай сакласын.

Г.Бекмуратова.

Активисты проекта Регионального отделения ОНФ в Республике Дагестан «Дорожная инспекция ОНФ /Карта убитых дорог» подвели итоги деятельности за первое полугодие 2017 года. Важная составляющая проекта - выстраивание конструктивного диалога между гражданами и муниципалитетами при определении народного рейтинга дорог.

В настоящее время на интерактивную карту ОНФ по Республике Дагестан нанесено 127 дорог. Наибольшее количество дорог нанесли на карту жители города Каспийска - 72. За ними следует Махачкала - 29 дорог. Далее, города Хасавюрт, Дербент, Избербаш и Дагестанские Огни. Важно, что на призыв ОНФ реагируют сами граждане республики, которые хотят передвигаться по удобным и современным дорогам. Региональное отделение обращается к жителям всех городов и сельских поселений республики активнее выявлять проблемные дороги и участки дорог, пополнять интерактивную карту проекта, голосовать за наиболее нужные и важные дороги.

Благодаря инициативе граждан Региональное отделение ОНФ уже сумело добиться положительных результатов. В городе Каспийске ведется ямочный ремонт на 12 улицах, еще 33 дороги поставлены в план ремонтных работ на 2018 г. В Махачкале ямочный ремонт на четырех улицах города уже произведен, еще восемь дорог включены в планы дорожных работ на 2017-2018г.г. В Махачкале на улицах Г.Цадаса и Юсупова, нанесенных на интерактивную карту ОНФ, проводится капитальный ремонт, а улицы Даниялова и Крылова включены в план реконструкции на 2018год.

Всего по Дагестану, из отмеченных на интерактивной карте ОНФ дорог, по ответам из городских администраций, поступившим в Региональное отделение, отремонтировано 16 дорог и в планах работ на 2017 -2018гг. еще 49 дорог. «Однако сведения эти не всегда согласуются с реальной картиной выполненных работ. В некоторых городах республики активисты Народного фронта вынуждены перепроверять получаемую от муниципалитетов информацию», - говорит активист региональной рабочей группы проекта «Дорожная инспекция ОНФ/Карта убитых дорог» Ислам Гасанов.

«В настоящее время перечень «убитых» дорог Дагестана, нанесенных на интерактивную карту проекта ОНФ, направлен в правительство Дагестана и главам наиболее крупных муниципалитетов. По всем проблемным участкам автодорог были направлены обращения в органы власти с просьбой решить вопросы с ремонтом дорожного покрытия. Активисты ОНФ будут отслеживать исполнение данных планов и качество производимого ремонта», - отметил И.Гасанов.

Проект «Дорожная инспекция ОНФ/Карта убитых дорог» направлен на формирование дорожной политики в регионах и улучшение качества дорог с учетом мнения граждан. На сайте проекта dorogi-onf.ru каждый гражданин может принять участие в определении приоритетных дорог для проведения ремонта, добавив на интерактивную карту сигнал о плохой дороге или проголосовав за уже отмеченные проблемные дороги и участки дорог.

13 июня в Ногайском районе сдали предпоследние Единые государственные экзамены по биологии и иностранным языкам.

Муниципальный координатор экзаменов по району Улбике Кокурова отметила, что заявления на участие в ЕГЭ по биологии основного периода подали  34  выпускника, явились на экзамен 26 человек, сдавать иностранный (английский язык)  подали заявление 4 выпускника, сдавал только 1 участник.

«Экзаменационная работа по биологии состояла из двух частей, включающих в себя 28 заданий, на ее выполнение отводится 3,5 часа. Чтобы сдать ЕГЭ по биологии, нужно заработать минимум 36 баллов. Экзаменационная работа по иностранным языкам состоит из четырех разделов и включает в себя 40 заданий. На выполнение экзаменационной работы отводится три часа. Установленный минимальный балл на ЕГЭ по иностранным языкам составляет 22 балла. Свои результаты участники ЕГЭ по биологии узнают не позднее 27 июня, участники ЕГЭ по иностранным языкам - не позднее 30 июня. Устный экзамен по иностранным языкам выпускникам предстоит сдавать 15 и 16 июня», - прокомментировала особенности сдачи ЕГЭ Улбике Кокурова.

Начальник отдела образования Ногайского района Кайтархан Отегенова пояснила, что для проведения ЕГЭ по  предметам  был задействован пункт приема экзаменов № 221 на базе Терекли-Мектебской школы им. Джанибекова.

«Он прошел в штатном режиме и в полном соответствии с порядком проведения ЕГЭ. Ход экзаменов проходил под строгим контролем со стороны общественных наблюдателей и сотрудников Рособрнадзора», - заявила Отегенова.

Ася Мусакаева

6 июля 2017 выходит в прокат полнометражный анимационный фильм «Сказ о Петре и Февронии». Сюжет фильма, не похож на современные анимационные фантастические фильмы, основан на исторических фактах жития благоверных Муромских святых князей Петра и Февронии - «XIII век. Злодей захватил власть в Муромском княжестве. Только отважный воин Пётр выходит на бой со злодеем и побеждает его. Но ядовитая кровь колдуна отравляет спасителя княжества. Целительница Феврония применяет свой дар и спасает Петра. Между молодыми людьми вспыхивает настоящее чистое чувство, которое им предстоит сохранить, несмотря на множество препятствий».

Фильм, создавался семь лет, по технологии классической рисованной мультипликации, когда каждый кадр фильма прорисовывался художниками отдельно.

Несмотря на свою продолжительность, в 85 минут, фильм полностью захватывает внимание зрителей своим сюжетом, смотрится легко, затягивая и погружая зрителя в далекое прошлое, повествуя о жизни и приключениях Муромского князя Петра и его супруги Февронии.

Выход в прокат фильма «Сказ о Петре и Февронии», является заметным Российским и международным культурным событием, положительно влияющим на развитие Российской культуры, сохранению в обществе культурно-нравственных традиций и исторического наследия, укреплению семейных ценностей.

По согласованию с Федеральным фондом социальной и экономической поддержки отечественной кинематографии выход фильма в прокат в кинотеатрах России запланирован на 6 июля 2017 года и приурочен к десятилетию Всероссийского праздника «День семьи, любви и верности», который также является «Днем памяти православных Святых Петра и Февронии Муромских».

Дата выхода в прокат в Россия: 6 июля 2017 года

Жанр: Анимационный фильм

Режиссёр: Юрий Рязанов, Юрий Кулаков

Актёры: Иван Охлобыстин, Константин Карасик, Виктор Вержбицкий, Юлия Горохова, Влад Юдин, Диомид Виноградов, Вадим Медведев и другие

Сценарий: Юрий Рязанов, Юрий Кулаков

Музыка: Виктор Чайка

Исполнитель песен: Валерия, Родион Газманов

Продюсер: Юрий Рязанов, Фонд поддержки развития общества «НАШИ ДЕТИ», Кинокомпания «ВВЕРХ».

http://www.vverhfest.ru http://kinovverh.ru https://www.youtube.com/channel/UC7OROuEuaWNBpEe-xZIeTJQ (трейлер)

#skazopetreifevronii @skazopetreifevronii

Активисты Регионального отделения Общероссийского народного фронта провели встречи с жителями многоквартирных домов и созданными ими советами домов в городах Хасавюрт, Дербент, Дагестанские Огни и Буйнакск, чтобы обсудить дизайн-проекты благоустройства дворовых территорий. Работа в этом направлении должна быть завершена муниципалитетами во взаимодействии с гражданами до 1 июля 2017года.

По результатам выездных мероприятий выявилось, что жители некоторых домов в гг.Дагестанские Огни и Буйнакск до сих пор имеют слабое представление в вопросах будущего благоустройства их дворов. В Дагестанских Огнях было принято решение в короткие сроки представить жителям варианты дизайн-проектов дворов и утвердить их мнением большинства жителей МКД. В Буйнакске на 14 июня запланировано расширенное заседание муниципальной общественной комиссии, где представители советов домов должны будут ознакомиться с дизайн-проектами дворовых территорий.

«Жители, принявшие участие во встречах, вносили изменения в дизайн-проекты дворов, высказывали свои пожелания. В тоже время, мы видим, что работа над дизайн-проектами в городах республики запаздывает. К тому же, не все жители домов, как выяснилось, знакомы с проектами благоустройства их дворовой территории. Особенно это касается жителей домов по улицам Чкалова и Урицкого в г. Буйнакске, жителями г. Дагестанские Огни, проживающими по улицам Калинина,1, переулок Ильича,1, Пушкина,1»,- отметил Д.Шигабудинов. Активисты Регионального отделения ОНФ еще раз акцентировали внимание представителей городских администраций на том, что в вопросах благоустройства необходимо учитывать мнение самих жителей. «Учет мнения граждан – самое важное в реализации приоритетного проекта. Этим он принципиально отличается от всех остальных проектов по благоустройству городов и общественных зон. Важно, чтобы население осталось довольным проделанной муниципалитетом работой, и в итоге к нам не поступали жалобы от жителей, что их пожелания, так и остались не услышанными», - отметил координатор Центра ОНФ по вопросам благоустройства городской среды в Республике Дагестан Джамалудин Шигабудинов. Региональное отделение ОНФ обратило внимание представителей муниципальных властей на необходимость проведения разъяснительной работы с жителями МКД, дворы которых не попали в муниципальную программу благоустройства на 2017год через муниципальные СМИ.

«Жители должны знать, почему их дворы не были включены в 2017 году и, какие у них имеются возможности попасть в программу 2018 года»,- отметил Шигабудинов.

Янъыларда Москвада РФ ногай халкынынъ кезекли съезди алдында «ДР Ногай районындагы ер кризисы: себеплер, сырагылар эм шешуьв йоллары» деп аталган тоьгерек стол болып оьткен.

Сонынъ куллыгында белгили поэт эм ямагат аьрекетши М.Авезов, РФ ногай халкынынъ съездин оьткеруьв бойынша уйгынлав комитетининъ председатели Р.Адильгереев, Карашай-Шеркеш Республикасынынъ туризм, курорт эм яслар политикасы бойфнша министрининъ орынбасары А.Туркменов, юрист илмилер докторы, Экономика йогары школасынынъ профессоры А.Ялбулганов, тарих илмилер кандидаты, МГИМО регионаллык кавыфсызлык эм Кавказ маьселелер орталыгынынъ тамада илми куллыкшысы А.Ярлыкапов, Москва муфтийининъ орынбасары Р.Акказиев, «Кумуклар» ямагат организациясынынъ председатели А.Хасанов эм баскалар катнастылар.

Тоьгерек стол катнасувшылары Дагестан Республикасында ер реформасын ойластылар.

Йолыгыста буьгуьнлерде оьзининъ тувган еринде яшайтаган ногай халкынынъ этнос кебинде сакланувы акында соравы туратаганы белгиленген. Аьлиги заманда Ногай район яшавшылары оьзлерининъ ыхтыярларын, оьз ерлерин, яшав турмысын коршалап шыгувы, Ногай шоьллигининъ бактысы акында навасызланатаганы акында аян мысаллар келтирилген.

Тоьгерек стол катнасувшылары, мысалы, Россия Президенти В.Путин реновация соравы ман байланыста властьтинъ гражданлардынъ ойларына кайтип каьмбил кепте янасувын оьз ис аьрекети мен шайытлап коьрсететаганын белгилеп айтканлар.

Йолыгыс ортакшылары Дагестанда эм Россия Федерациясында миллетлер ара тынышлыкты эм макулласувлыкты саклавдынъ маьнелигине эс эткенлер.

Поэт, ямагат аьрекетши М.Авезов Ногай шоьллиги такыр-кумга, табиат баьле-казасы ерине айланаятканы акында соьзин бардырган. Соны ман байланыста Ногай шоьллигининъ яшавшылары оьзлерининъ миллет баскалыкларына карамастан, соннан кыйынлык коьретаганын белгилеген.

М.Авезов оьз соьзинде «Бу ерлердинъ баьлеси аьли совет заманларында басланган. Эгер алдынгы заманларда ерлердинъ тек 7 проценти заяланган деп саналатаган болса, буьгуьнлерде сол сан 70 проценттен де арткан! Эм биринши такыр-кум ери деп Ногай районнынъ ери саналады, неге десе мунда коьшимли малшылык хозяйстволарынынъ сансыз коьп маллары багылады. Соларда мал багылув нормасы тутылмаганнан себеп, отлаклар сондай юкти коьтереалмайдылар», – деп билдирген.

А.Ялбулганов оьз ягыннан РФ законлары гражданлардынъ эм халклардынъ ыхтыярларын якламага уьйкен амал беруьвин белгилеген.

Р.Акказиев «Тоьгерек столдынъ бас сеними – бизди эситсинлер деген сеним. Биз оьзимиз яшайтаган элде оьзимизди толы ыхтыярлы гражданлар этип сезбеге керекпиз», – деген ойын айтты.

Газетамыздынъ ызгы номеринде билдирилгенлей, оьткен юма «Ногайский район» МО администрациясында район яшавшылары район Йыйынынынъ депутатлары, район етекшилери эм ямагат организация басшылары ман йолыгыскан эдилер. Сонда шыгып соьйлеген бир неше аьдемлердинъ ойларын тоьменде кыскартып беремиз.

Эльмурза Саитов, «Ногайский район» МО Ямагат советининъ председатели.

– Ногай район яшавшылары айтылган протоколда белгиленген коьшимли малшылык тав хозяйстволарынынъ отлакларында курылган авылларга поселение статусларын беруьвге район яшавшылары карсы экени акында ДР Аькимбасы атына хат аьзирлемеге керек. Республика етекшилери Ногай район яшавшыларынынъ ойларын эсапка алмага тийисли. Инициативли туьрким туьзилсе, ол тек коьшимли малшылык отлакларындагы соравлар ман тувыл, райондагы ер соравлары ман да каьр шекпеге борышлы.

Арслан Бекмурзаев, Терек казак аьскеринининъ Ногай юрт ямагатынынъ атаманы.

– Ер соравы ман байланыста бизге конъысы Бабаюрт районында болган митингке 10 мынъ яшавшылар шыкканын коьргенмен. Былтыр бизде сход эткенде тек 500 (дурысында 300-350) аьдем тек йыйылды. Неге сондай яшав яктан маьнели сорав ойласылып турганда биз оьз ойымызды билдирмеймиз? Авыл аькимбаслары неге оьз яшавшыларын шыгарып болмайдылар? Ер тек Дагестандыкы тувыл, ер Россиядыкы, сол себептен бу соравды шешуьвде йогары власть органларына да билдирмеге керекпиз. Бизге белсенли, аьрекетли болув керек.

Шамиль Аджигайтаров, Бораншы авыл яшавшысы.

– Бизде ногайларда хатынлар бала таппайды дейдилер бирер бизим етекшилер. Ногай хатынлар да бала табадылар, ама олар оьссе, куллык йоклыктан тувган шоьлин таслап, ян-якка кетедилер. Биз буьгуьн район администрациясы ман йолыгысып, олардынъ да соьзин тынълап, бир маслагат этпеге деп келгенмиз. Биз, яслар, коьтерилген соравдан тура сонынъ ызына шыкпай токтамаякпыз. Дуныя юзинде яшайтаган ногайларымыздынъ баьрине де билдиреекпиз.

Аминат Сариева, Батыр-Мурза авыл яшавшысы.

– Мен авыл ясуьйкенлери атыннан биз оьз ерлеримизди оьзимиз карамага куьшимиз етеди деп билдиремен. Бизим балаларымыз биревден де кем тувыл, билимли, куллыкшы. Тек олар тувган ериннен эректе ислеп юредилер. Олар ман бирев де санаспайды. Ясларды тувган районымызга йыйнав керек бизге, эгер халкымыз акында ойлайтаган болсак. Ясуьйкенлеримиздинъ

эсинде болар, биз согыстан сонъ авыр йылларда ерлеримизде арпа, бийдай шашатаганымыз. Аьли карбыз шашамыз, куры карбыз бан ток болаякпыз ба?

Казмагомед Янбулатов, «Ногайский район» МО аькимбасы.

– Мен 17 йыл район етекшиси болып ислеп, аьли бу ерде айтаман, 1 гектар район ерин биревге де бермегенмен. Яслар, келинъиз, бирге ислейик, бу маьнели соравды да бирге шешейик. Керек пе инициативли туьрким туьзейик, мен де сонынъ ишине кирермен. Биз неше кере де район ерлериннен тура район Йыйынынынъ депутатлары, ямагат организациялары, партиялар ваькиллери атыннан Москвага, РФ Государстволык Думасына, РФ Оькиметине, ДР Аькимбасына карарларымызды йибергенмиз. Биз халк уьшин сондай неше куллыкты да эткенмиз.

Арслан Нуков, Карагас авыл яшавшысы.

– Бизим районнан ызгы йылларда 18 организацияларды эм учреждениелерди баска районларга аькеттилер. Мине бир мысал, районнан налог инпекциясын аькетеек заманда, соннан бир аьдем де шыкпады сол затка карсылыгын билдирип. Коьп-коьз коьре айырылдык сондай керекли организацияларымыздан. Биз сондай маьселелерди коьтермеге, айтпага ийменемиз. Ол дурыс политика тувыл.

Бизим районнан коьп яс аьеллер кетедилер кырга ислемеге. Тек онда бир зат болып кайтып районга келсе, оларга ислегендей ерлер калмаяк, эгер соьйтип уьндемей турсак. Районнынъ кырына кетип ислесенъиз исленъиз, тек мунда карыжынъызды йиберинъиз, бизнести мунда этинъиз, тувган еринъизде.

Коьшимли малшылык ерлеринде авыллар курылганына ким куьнали? Олар сол ерлерде законсыз уьйлер курып турганда, сиз, етекшилер, неге соны токтатпагансыз? Ер – бизим бас байлыгымыз, соны биз якламага эм сонда куллык этпеге керекпиз.

Руслан Насыров, «Ногайский район» МО Депутатлар йыйынынынъ председатели.

– Депутатлар биревден де коркпайды. Алдынгы йылларда район Депутатлар йыйыны ер соравы ман байланыста неше кере де йогары власть органларына шакырувлар йибергенлер. Биз халкымыздынъ маьселелериннен шетте турмаймыз, керек болса алдыда да болармыз.

Рустам Адильгереев, «Ногайский район» МО Депутатлар йыйынынынъ депутаты.

– Неге сол айтылган протоколда Кизляр, Тарумов эм Ногай районларынынъ отлаклары коьрсетилген, неге онда Бабаюрт районы йок? Бабаюрт район яшавшылары, неге десе оьз ерлерин яклап боладылар. Бизге де осал болмага ярамайды. Буьгуьнлерде 600 мынъ гектар бизим коьз алдымыздан кетеек болып туры баска районлардынъ эсабына. Съезд те этпеге керекпиз, баьри законлы йолларды да кулланып, ерлеримизди якламага борышлымыз. Биз бу соравды йыйылысып ойласпага эм дурыс шешпеге керекпиз.

М.Ханов.

Оьткен юма Ногай район маданият уьйинде коьшимли малшылык ерлери мен байланыста Терекли-Мектеб авылдынъ гражданлар сходы болып озган.

Сходта «село Терекли-Мектеб» СП МО аькимбасы Зейдулла Аджибайрамов, ерли администрациясынынъ Ясуьйкенлер советининъ председатели Шатемир Мунгишиев, авыл яшавшылары катнастылар.

Сходты Ш.Мунгишиев ашты эм юритти. Авыл аькимбасы йыйылганларды быйылдынъ 11-нши курал айында Дагестан Оькиметинде юритилген йыйыннынъ протоколы ман таныстырды. З.Аджибайрамов бу сход инициативли туьркимнинъ аьрекети мен сол протоколда белгиленген Ногай районынынъ коьшимли малшылык ерлери акында аьзирленип турган Россия ногайларынынъ кезекли съездине делегатларды айырув ман байланыста оьткерилуьвин билдирди. Соны ман бирге ол йогарыда белгиленген протокол аьрекети токтатылганын да эске салды.

Сходта Терекли-Мектеб авыл яшавшылары, инициативли туьркимнинъ ваькили Фазиль Черкесов, предприниматель Арсен Култаев, Шатемир Мунгишиев, район УСЗН фондынынъ етекшиси Мавли Бекбулатов, Терек казак аьскерининъ Ногай юрт ямагатынынъ атаманы Арслан Бекмурзаев, «Кыпшак айы» ООО етекшиси Балманбет Рахмедов, «Ногайский район» МО аькимбасынынъ маслагатшысы Кайнадин Суюндиков, район маданият боьлигининъ начальниги Яхья Кудайбердиев, авыл Депутатлар йыйынынынъ председатели Рустем Гапаров шыгып соьйлегенлер.

Баьри шыгып соьйлегенлер де ерли ногай халкынынъ ойы ман санаспай, коьшимли малшылык ерлери акында соьз юритилуьви дурыс тувыл экенлигине, сондай маьнели соравлар ойласылганда ерли яшавшыларга белсенли, аьрекетшил болмага, оьз кызыксынувларын яклап билмеге, оьткир ер соравларын шешуьв уьшин ортак миллет фондын туьзбеге керегин айттылар. Солай ок сходта Ногай шоьллигининъ табиат, туьрли социал-экономикалык маьселелери акында да соьз юритилди.

Сходтынъ тамамында Россия ногайларынынъ кезекли съездине авыл яшавшылары сырасыннан делегатлар сайланды.

М.Ханов.