Янъыларда республикамыздынъ бас каласы Махачкаладагы Дослык уьйинде «Йыл спортсмени» деген баргыдынъ иелери белгиленип, сыйлавга тийисли болдылар. Сонынъ ишинде 14-35 ясларындагы, йыл ишинде енъуьвлерге тийисли болган спортсменлер белгилендилер. Бу баргыдынъ тапшырылувы яс спортсменлерининъ коьнъилин коьтереди. Сол, ДР Спорт эм туризм бойынша комитетининъ баславы ман уйгынланып, бу йыл экинши кере озгарылады.

Шарадынъ барысында, бу йыл СНГ тарихинде ялгыз спорттынъ тхэквондо кебинде Олимпиа чемпионы, ат казанган спорт устасы Р.Исаевтинъ эм кеспили куьресши Х. Нурмагомедовтынъ атлары оьктемлик пен айтылды.

Солай ок яс спотсменлер де белгили болып, савгага тийисли болдылар.

«Йыл спортсмени» деген сыйлы атка Рио-де-Жанейро еринде оьткен Олимпиадада катнаскан, эркин куьрес бойынша чемпион Абдулрашид Садулаев тийисли болды. Ога сол сыйлы баргыды Махачкала аькимбасы Муса Мусаев тапшырды эм кала атыннан ер участогы, бир миллион маьнет акшага сертификат берилеегин билдирди.

Йыл спортсмени болса, баьри конакларга да ден савлыкты йорады.

 «Ден савлыксыз бизим кеспи де йок»,- деди ол.

Г.Сагиндикова.

Суьвретте: шарадан коьринис.  

Оьтип бараяткан 2016-ншы йылдынъ ызында Дагестан Республикасынынъ Халк Йыйынынынъ кезекли сессиясында «2017-нши йылга эм 2018 эм 2019-ншы йыллардынъ план кезегининъ республикалык бюджети акында» деген ДР Законы кабыл этилинген.

Соны ман алдымыздагы йылдынъ карыжлары эм шыктажлары ашык кепте белгиленди. Оьткен йыллардынъ бюджетлери мен тенълестиргенде, янъы йылымыздынъ бюджети биринши кере 4,6 миллиард маьнетке профицит кебинде токтастырылган. Олай дегени, сол шаклы акша оьлшеми артык экономланаяк эм солар республикадынъ маьнели социаллык тармакларынынъ эм проектлерининъ яшавга шыгарылувын канагатламага йиберилеек.

Янъы алынган республика бюджети мен байланыста бизим ердесимиз, Дагестан Республикасынынъ Халк Йыйынынынъ депутаты, Курылыс, коьлик, ЖКХ эм байланыс бойынша республика парламентинининъ комитетининъ председатели Мурат Мамаевке Ногай районы бойынша 2017-нши йылга кайдай ислер карыжланаягы акында айтпага тиледик.

Келип турган янъы 2017-нши йылда Ногай районындагы Карагас – Уьйсалган авыл аралыгындагы 14 шакырым узынлыгы болган автомобиль йолы курылаяк. Ызгы йылларда салынып турган Бораншы – Куьнбатар авыл аралыгындагы автойолы толы кепте курылып битеек.

Орта-Тоьбе авылында салынып басланган эм сонъгы заманларда токтатылган орта школасынынъ янъы меканынынъ курылысы армаган бардырылаяк.

Район еринде газификация этилинмеген авыллардынъ маьселесине де янъы бюджетте маьне берилмей калмаган. Соьйтип, келеяткан йылда, аьли уьшин ашык беркитилмеген, мага коьре, Куьнбатар эм Бораншы авылларына табиат газы тартылаяк.

Алдымыздагы 2017-нши йылда республика бюджети бойынша район ерине бир артезиан казбага деп каралады. Ол Батыр-Мурза авылында казылаяк.

Язып алган М.Ханов.

Балалыгы авыр согыс йылларга рас келген, согыстан сонъ авыл хозяйствода кулык эткен, тийисли тыншаювда болса да, ис аьрекетин токтатпаган, районга хайыр келтирип турган ясуьйкенлеримиздинъ бириси Рамазан Нуков 80 ясына толаягы алдында ясларга насихат деп оьзининъ яшав йолы акында хабарлайды.

Сексен ясыма толаягымнынъ алдында ясларга насихат эм коьрим болмаспа экен деп, басымнан кеткен яшавымнынъ акында хабарламага ойладым. Мен 1937-нши йылдынъ 21-нши январинде тувганман. Патшалыкка 43 йыл иследим. Тийисли тыншаювга шыкканнан сонъ да бу куьнге дейим 13 йыл Карагас авылында бав оьстиремен.

Кавга басланганлай, 1941-нши йыл 34 ясындагы атам согыска кетти. Атамыз оьлди деген сувык хабар келген заманда анам 28 ясында эди, мен 4 ясымда болганман. Мени мен бирге эки карындасым да етим болып калдылар.Согыстынъ авыр йылларында атамыздынъ давда калганын билдирмей , анамыз Айпара бизди аман-эсен саклады.

Атамыз согыска кеткен сонъ анамыз Карагас авылдынъ суьт фермасында савувшы болып иследи. Анам Айпара акылбалык, каьмбил, ашык коьнъилли кыскаяклы эди. Ол бир де бизди аш, яланъаш калдырмады, баьри тапканын бизден аямады. Боьтенде, мага артык эс беретаган эди. «Окы, балам, окысанъ аьдем боларсынъ, окып билгеннинъ куьни ай ярык, билмегеннинъ куьни коьн шарык»- деп айтатаган эди. Солай ок ол мага «Аракы ишпе, даьмеки тартпа, акшага каьрт ойнама»- деп акыл беретаган эди.

Сол йылларда танъкылык эди. Боьтенде оьтпек эм кийим етпейтаган эди. Ети куьнге бес килограмм аслык норма этилип берилетаган эди. Ама бизим уьйде столда суьт, май, пыслак дайым да болатаган эди. Авылдынъ балалары бизге ойнамага келип, иримшик, пыслак, май ашап кайтатаган эдилер. Биз балалар ман шоьлге барып, елкек, козгалак, суьтсагыз йыйнайтаган эдик.Оннан сонъ анам ман бирге кумга кумаршык йыйнамага баратаган эдик. Соннан анам бизге суьтке былгап, талкан этетаган эди. Кумаршыкты кувырып, тиерменге тартса, талкан боьтенде аьруьв болатаган эди.

Биз фермада ерказба уьйде эки аьел болып туратаган эдик. Биз бен бирге Каирбек Биарслановтынъ аьели туратаган эди. Кааирбек кешелерде туварларга куьзетши эди, онынъ аьлейи Амина савувшы болып ислейтаган эди. Амина да кешелерде кулыктан сонъ тиермен тартатаган эди. Куьндиз ислейтаган туваршылар Аджигельдиев Баю эм Йоллыбай малды сувгармага, куйылардан сувды кол ман тартып шыгаратаган эдилер. Бузавшылар Аким Биарсланов, Янибек Аджигельдиев кыйын салатаган эдилер. Ол заманларда механизация йок, баьри затты да аьдемлер коллары ман коьширетаган эдилер.Савувшылар Ока Мусакаева, Шабанова, Усанув Аджигельдиева, Куьмис Коймурзаева эм баскалар малдынъ коклыкларын оьзлери тазалайтаган эдилер. Бузавларды аналарыннан айырып, аьр бир бузавга суьтти де оьзлери беретаган эдилер.

Фермада кол ман айландыратаган уьйкен суьт машинке де бар эди. Соны Авархан Аджигельдиева деген бир тетем айландыратаган эди. Суьттен шыккан каймактан май этип, соны кайнатып, кайнаган майларды тындыратаган эдилер. Биз, балалар, шелеклердинъ туьбинде калган тортады ялайтаган эдик.Солай ок биз кешелерде туьрли ойынлар ойнайтаган эдик: ясырынмак, аксуьек эм баскаларын.

1946-ншы йылдан алып Нариман авылында 3 класс, сонъ Эски Ленин авылында окыдым. Мени мен сонда окыганлардан Сарытай эм Райбат Амангазиевлерди, Кыдырали Кусегеновты, Надир Саитовты, Савкат Арслановады, Аминат Юмартовады,Сайбат Карагуловады эсимде саклайман.Карагас авылында интернатта турып, баска авыллардан келип окыганлардан билемен Оьзбек Мурзаевти, Джалалдин Шихмурзаевти,Аминат Кожаевады, Магомед Коккозовты. Амин Ярлыкаповты, онынъ аьлейи Фатимады да бек аьруьв билемен, олар ман Карагас авылында бир орамда турганмыз, бирше катнасканмыз. Интернатта биз бен окыганлар Крымхан Ахметов, Исламали Амангазиев, Сулейман Кельдасов, Солтан Отегенов. Олардынъ коьбиси муьскин болганлар, оьзлери болмаса да балалары бар, меним де балаларым бар, белки бир-бириси мен катнарлар деп мырат этемен.

1955-57-нши йылларда мен Терекли-Мектебте окыдым. Биз оныншы классты кутарганда, 4 кеде, 4 кыз эдик. Зейнадин Шугаипов спорт пан аьвлигетаган эди, ол меннен бир аз уьйкен болса да, арамызда татымлык куьшли эди, биз аьскер сырасында да бирге болдык. Гамзат Аджигельдиев экевмиз бир партада олтырдык. Онынъ окувы аьруьв эди, мага юрегиндегин де айтатаган эди. Кызларымыз Авархан Бариева, Юля Янмурзаева,Аминат Аджигеримова, Сеперхан Шихмурзаева. Биз бен бирге 8-нши классты Нарбек Аджигайтканов кутарды. Сегизиншиден сонъ ол техникумга окымага кетти. Оны ман биз бос заманларда шатраш ойнайтаган эдик. Сол йылларда биз бен бир класста окыдылар Базо Умаров, Таисия Картакаева, Зулькапий Мамаев, Сраждин эм Салимет Маликовлар эм баскалар. Дурысын айтсам, сол заманларда яшавымыз тар болса да, заманга коьре бек аьруьв йыллар эди, биз бир атадан, бир анадан тувгандай болып, урсыспай-таласпай, татым яшайтаган эдик. Тыншаюв куьнге уьйге кайтканда, аькелген азыгымызды боьлисетаган эдик.

1962-нши йыл Махачкалада профтехучилищеди кутарып, Карагаста шофер, тракторист болып иследим. 1972-нши йыл Махачкаладагы авыл хозяйство институтынынъ агроплодовощеводство факультетин совхозда боьлик агрономы болып ислей турып кутардым. Институтты кутарган сонъ совхозда бас агроном болып 5 йыл куллык эттим. Он бес йыллар Карагас авылында лесничий болдым. Лесничий болып ислеген йылларымда эгинлерди, топыракты саклав, кумларды токтатув уьшин джузгун, терескен шашатаган эдик. Институтта окыган йылларымызда бирше квартирада турган Виталий Ермолаев бизде ормнлык хозяйстводынъ директоры болды эм мен оны ман бирге иследим. Бораншы авылдан Уьйсалган авылына дейим эгинлерди саклав уьшин тереклер шаштык. Олар баьриси де аьруьв болып шыктылар. Поэт Тоьлекбай Абдулкадыровка коьп разыман, ол меним эткен кыйынымды билип, «Сав болсын Нук тукымлы Рамазанга,Ногай шоьлин терек шашып бийлеткен» деп ятлав язганына.

Йогарыда язган затларымды кыскаша айтканда, дуныяда аьдемге энъ де баалы зат, ол – татымлык,аьдемшилик, алаллык. Керек тувыл байлык та, ол аьдемнинъ кири, тез йок болады, оны аргы дуныяга аькетпеексинъ. Айтпага, меним анам 91 ясына дейим яшады. Аьруьв яшады, онынъ айткан насихатлары меним кулагымда калды. Мен де балаларыма колымнан келген коьмегимди эттим. Яшавымда оькиметтинъ кисесине колымды суккан аьдем тувылман, оьзимнинъ кыйыным ман яшап келеятырман, шуькир болсын Кудайга. Балалары ман, олардынъ балаларына суьйинип, куьезленип яшайман, оларга савлык тилеймен.

РАМАЗАН НУКОВ.

Карагас авылы.

Страшная трагедия произошла сегодня над Черным морем.
Через несколько минут после вылета из Сочи потерпел крушение самолет Ту-154 Минобороны России.
Среди пассажиров были артисты ансамбля имени Александрова, которые летели поздравить военных на сирийской авиабазе «Хмеймим», представители российских СМИ и военнослужащие.
На борту самолета также находился Валерий Халилов, главный военный дирижер России, директор и художественный руководитель Академического ансамбля песни и пляски Российской армии имени А.В. Александрова, сын Михаила Халилова, нашего земляка, военного дирижера, выходца из Лакского района.
В этом году начальнику военно-оркестровой службы Вооруженных сил РФ Валерию Халилову было присвоено почетное звание «Народный артист Республики Дагестан». Военный оркестр Минобороны РФ под его руководством недавно принимал участие в торжественном концерте в Махачкале, состоялось выступление коллектива и в дербентской крепости Нарын-Кала. Благодаря оркестру, возглавляемому В. Халиловым, обрел величественное звучание и новый гимн нашей республики. 
Совсем недавно Академический ансамбль песни и пляски им. Александрова был удостоен премии «Голос дружбы» фестиваля «Белые журавли России», учрежденного в память о нашем великом земляке Расуле Гамзатове и его бессмертной песне «Журавли».
Приношу от имени всех дагестанцев соболезнования родным и близким погибших. Это наша общая трагедия.

 23 декабря, в Национальной библиотеке РД им. Р. Гамзатова состоялся I Республиканский форум молодежных культурных инициатив «Вдохновение гор – 2016».

Открывая мероприятие, министр культуры РД Зарема Бутаева отметила, что сегодня культурный досуг молодежи «должен быть направлен на приобщение к истинным духовным ценностям, на повышение и утверждение в обществе нравственного и интеллектуального авторитета, высокой социальной ценности просвещения, необходимо налаживать диалог и сотрудничество между поколениями в масштабах общества. Мы, старшее поколение, ощутили, как важно для настоящего и будущего страны формирование целостной государственной молодежной культурной политики и осознаем, что культурная судьба Дагестана напрямую зависит от духовного состояния молодого поколения, от социальной и гражданской позиции каждого молодого дагестанца, от его отношения к историко-культурным традициям своего народа и, конечно, от освоения богатств отечественной и мировой культуры нашей молодежью. К такому полноценному участию молодых людей в жизнедеятельности дагестанского социума уже неоднократно призывает Глава Республики Дагестан Рамазан Гаджимурадович Абдулатипов».

Бутаева напомнила о недавней встрече Главы Дагестана с молодежным активом республики: «Там четко были поставлены вопросы, составляющие и содержание нынешнего форума: «какая доля молодежи сегодня участвует в преобразованиях в Дагестане? где молодежные инициативы?». И знаете, это великолепный ресурс для молодых, когда руководитель республики призывает подключать молодежь к тем делам и созидательным процессам, которые проходят сейчас в республике».

Актуальной платформой для взаимодействия с молодежью и детьми, проживающими в муниципальных образованиях республики, по словам Бутаевой, стали открытые по поручению Главы Дагестана в Центрах традиционной культуры народов России молодежные секторы «Наследники». Они проводят тематические беседы, уроки мужества, воинской славы и мира, встречи с ветеранами войны и вооруженных сил, концерты и фестивали народного творчества, спортивные праздники, направленные на формирование и воспитание гражданских, правовых, патриотических качеств личности.

Бутаева подчеркнула, что важность волонтерских движений и проектов не раз подчеркивал в своем Послании Федеральному Собранию Президент РФ Владимир Путин.

Продолжая тему формирования досуга молодежи, Зарема Бутаева отметила, что действенной точкой соприкосновения с интересами молодежи является киноискусство. Руководитель Минкультуры рассказала, что в 2016 году в республике прошли различные кинофестивали и акции: «Фестиваль молодежного короткометражного кино «Маяк», всероссийская акция «Ночь искусств».

Завершая свое выступление, Зарема Бутаева призвала молодых людей еще более активно вовлекаться в культурные процессы, происходящие в республике: «Ищите искусство там, где вы его действительно найдете, – в концертных залах, театрах, музеях, в творческих сообществах и рядом с настоящими творцами, а не там, где его заведомо нет. А ключ? Он всегда в вашем сердце, которое, я верю, сможет распознать истинное от суррогата».

Самолет Министерства обороны России Ту-154 потерпел крушение. Большую часть пассажиров – 64 человека — составлял коллектив Ансамбля песни и пляски Российской армии имени А. В. Александрова вместе с художественным руководителем, главным военным дирижером России Валерием Халиловым.

Эта ужасная трагедия не оставила равнодушным никого. Артисты ансамбля выступали в военных округах, частях и подразделениях Российской Армии. Неоднократно коллектив выезжал с концертами в «горячие» точки, районы боевых действий — Афганистан, Югославию, Приднестровье, Таджикистан, Чеченскую Республику. Краснознаменцы проехали с концертами по всей России, побывали с гастролями более чем в 70-ти странах Европы, Азии, Африки и Америки, и везде их выступления пользовались успехом, поднимали дух, дарили настроение. В этот раз Знаменитый российский ансамбль летел на российскую авиабазу «Хмеймим» в Сирийской Арабской Республике, чтобы представить российским военнослужащим, участвующим в антитеррористической операции, концертную программу, посвященную Новому году.

Страшная авиакатастрофа унесла жизни людей, полных сил и планов. Коллектив министерства культуры Республики Дагестан, министр Зарема Бутаева выражают искренние соболезнования всем, кого затронула эта катастрофа, родным и близким погибших. Мы скорбим вместе с вами.

«Сенинъ занъ согувынъ биревлердинъ яшавын куткарар!» деген шакырув астында оьз исин бардырадылар полиция куллыкшылары. Соьйтип, янъыларда Ногай районы бойынша Россия МВД иш ислер боьлигинде ведомстволар ара наркотикларга карсы Савлайроссиялык «Каерде оьлим сатадылар, билдиринъиз» акциядынъ 2-нши кезеги оьтти. Акциядынъ бас борышы – телефон линиялар бойынша наркотиклерге карсы куьресуьвге ямагатты катнастырувды уйгынлав, керекли билдируьвлерди йыйнав, наркоманиядан эмлев эс реабилитация оьтув соравлары бойынша маслагат беруьв, коьмек этуьв.

Сеним телефоны бойынша район яшавшылары Ногай районында наркотиклер яйылатаганы акында билдирмеге боладылар. Солай ок акция барысында маьнели эс наркотиклердинъ законга карсы айланысына бериледи. Россия МВД Ногай районы бойынша иш ислер боьлигинде сеним телефоны 8- (256) -21-4-78 кеше-куьнди ислейди. Бу телефон номери бойынша билдируьв этпеге боласыз.

Сизинъ тел согувынъыз маьнели, ол коьплеген яшавлар куткармага болады. Ыхтыяр саклав органларга коьмек этинъиз, тек биргелесип биз бу уллы баьледи енъмеге боламыз.

А.Койлубаев,

боьлик етекшисининъ исин юритуьвши.

2016-ншы йылдынъ 11 айы ишинде республикадынъ калалары эм районлары еринде этилинетаган кыянатлыклардынъ саны оьскен. Ямагат ерлерде, солай ок орамларда, кыянатлыклардынъ оьсуьвининъ себеплерининъ бириси деп Россия Федерациясынынъ Уголовлык кодексине киритилген туьрленислери саналады. Сол туьрленислерге коьре, «Административли дембиге йолыктырылган лицодынъ йол-юрис йорыкларды бузув» РФ Уголовлык Кодексининъ 264-нши статьясынынъ биринши кесеги бойынша этилинген правобузув кыянатлык деп саналады.

Ногай районынынъ Терекли-Мектеб авылында 2016-ншы йылдынъ 9-ншы сентябринде административли дембиге йолыктырылган В.К.Суюнов ДПС куллыкшыларынынъ айтканын этпеген. Солай ок 2016-ншы йылдынъ 26-ншы сентябринде Ю.А.Шемшеев эсириклей автокоьликти айдап ысланган. Ол алдын административли дембиге йолыктырылган болган. Экевине де РФ УК 264-нши статьясынынъ 1-нши кесеги бойынша уголовлык иси ашылган.

Сыйлы йол-юрис катнасувшылары, йолда сезгир болынъыз, йол-юрис йорыкларды бузбанъыз.

К.Аджимуратов,

ООП бойынша полиция начальнигининъ орынбасарынынъ куллыгын юритуьвши.

2016-ншы йылдынъ 2-нши декабринде ДР карарларына туьрленислер киритилгени акында Дагестан Республикасынынъ Оькиметининъ 374-нши номерли карары яшавга шыгарылган.

Дагестан Республикасынынъ Оькиметининъ «Дагестан Республикасында коьп балалы аьллерди социаллык яктан коьтергишлев амаллары акында» (07.09.2005 й., №146) карарынынъ 2-нши пунктына киритилген туьрленислерге коьре, социаллык яктан коьтергишлев коьп балалы аьеллерге бериледи, эгер олардынъ келими Дагестан Республикасында беркитилген энъ де тоьмен яшав-турмыс кыйын акы оьлшеминнен аз болса. Турак уьй эм коммуналлык буйымларды тоьлев бойынша борышлары йок болса яде олар ман сол борышларды тайдырув бойынша келисуьвлер салынган болса, гражданлардынъ айырым категорияларына ай сайын тоьлевлер бериледи. Гражданлар келип тоьлевди сораса, сол куьннен алып оларга льгота язылады.

Солай ок туьрленислер Дагестан Республикасынынъ айырым гражданларына коммуналлык буйымлар эм турак уьй тоьлевлери бойынша айлык акшалай льготалар Йосыгына киритилген. Туьрленислерге коьре, турак уьй эм коммуналлык буйыиларды тоьлев бойынша борышлары йок болса яде олар ман сол борышларды тайдырув бойынша келисуьвлер салынган болса, гражданлардынъ айырым категорияларына ай сайын тоьлевлер бериледи.

Социаллык яктан коьтергишлев амаллары авыл еринде яшайтаган эм ислейтаган гражданларга бериледи, олардынъ кыйын акы 75 проценттен уьйкен болув керек. Эгер билимлендируьв учреждениелерининъ куллыкшыларынынъ кыйын акы коьрсетилген проценттен уьйкен болса, оларга льготалар берилмейди. Гражданлар келип тоьлевди сораса, сол куьннен алып оларга льгота язылады.

Ш.Алыпкашева,

УСЗН специалисти.

2-нши декабрьде Дагестан Республикасынынъ миллет политикасы бойынша министерствосынынъ конференц-залында республикадынъ ямагат организацияларынынъ ваькиллери ДР бойынша МВД ГИБДД Управлениесининъ начальнигининъ куллыгын юритуьвшиси Е.Нечаев пан йолыгыстылар. Бу йолыгыс йол-юрис кавыфсызлыгына багысланган эди.

Келгенлерди Дагестан Республикасынынъ Аькимбасынынъ маслагатшысы Азнаур Аджиев хош алды эм буьгуьн каралып турган темадынъ маьнели экенин айтты. Онынъ айтувына коьре, йыл сайын Россияда йол-юрис аварияларда 40 мынъга ювык аьдем оьледи эм сол правобузувлар ман куьресте маьнели орынды коьлем информационлык амаллар тутады.

Оьз соьйлевинде Евгений Нечаев 2016-ншы йыл Дагестанда болган авариялар санларын келтирди эм балалар катнасувы ман болган аварияларга эс каратты. Полиция подполковниги аьдемлердинъ оьлуьвининъ бас себеплери 12 ясына толмаган балаларды ыслайтаган алатсыз тасув эм тийисли тувыл ерде йолды оьтуьв болады деп белгиледи. Соны ман байланыста Е.Нечаев ямагат организациялардынъ ваькиллерин йол-юрис кавыфсызлыгы бойынша шаралар озгарынъыз деп шакырды.

Йолыгыс барысында ямагат организациялар ваькиллери оьз куллыгы акында, йол-юрис кавыфсызлыгы тутылсын деп кайдай амаллар алмага кереги акында хабарладылар.

Шарада Дагестан Республикасынынъ миллет политикасы бойынша министрининъ биринши орынбасары Гарун Давыдов, ямагат организациялар ваькиллери, миллет политика бойынша министерствосынынъ куллыкшылары катнастылар.