Элимизде оьз исине алаллык пан караган, оны бажарымлы толтырган инсанлар коьп. Олар дайым да баскаларга коьрим болып келедилер. Суьйинишке ийги куллыкшыларымыздынъ ислери белгиленмей калмайды, оларга туьрли савгалар тапшырылады.
Бу юма «Ногайский район» МО администрациясынынъ аппарат кенъеси ийги оьзгерис пен тамамланды, Ногай «ДЭП-29» ОАО бас инженери Оразманбет Кульчимаевке «Ногайский район» МО администрациясынынъ аькимбасы Рашид Шангереев медаль тапшырды. Сосы медаль мен О.Кульчимаев Россиядынъ йол отраслине 270 йыл толувы ман эм Россия Федерациясында кеспи байрамы беркитилгенли 20 йыл болувы ман байланыста эм ийги иси уьшин савгаланды.
Н.Кожаева.
Суьвретте: медаль тапшырылган мезгилинде.