Быйылдынъ 15-нши февралинде халкымыздынъ абырайлы билимли зейинли увылларынынъ бириси Ахмат Биймурза увылы Кульниязов яшав оьмирининъ 71-нши йылында аталарымыздынъ ахырет дуныясына йол алды.

Ахмат Биймурза увылы 1946-ншы йылда районымыздынъ бурынгысы Арсланбек авылында тувган, балалыгы Янъы авылда оьткен. 1966-ншы йылда А.-Х. Джанибеков атындагы Терекли-Мектеб орта школасын окып битирип, 1969-ншы йылга дейим Совет Аьскер сырасында эр борышын толтырган. Ол яслай атасына коьмекши болып Ленин атындагы колхозында, сонъ совхозында куллык эткен. 1972-74-нши йылларда Ахмат Биймурза увылы Ставропольде совет-партия школасын кутарган. 1974-75-нши йылларда КПСС Ногай РК боьлик инструкторы болып ислеген, 1975-нши йылдан алып 1998-нши йылга дейим Арсланбек авыл Советин басшылаган.

Йогары билимли, коьп затка оьнерли Ахмат Биймурза увылы 2001-нши йылдынъ 1-нши апрелиннен Патшалык ногай драма театры курылган куьннен алып оьзининъ юрек согувы токтаган куьнге дейим сонынъ энъ айтувлы эм сулыплы актерларынынъ бириси эди. Ол сол шаклы заман ишинде театр сценасында 30-га ювык спектакльлерде, концертлерде эм янъыйыллык коьрсетуьвлерде белсенли катнаскан. А.Кульниязов кайсы сцена куллыгында ойнаса да, каравшылар онынъ яратувшылыгына, усталыгына, ол ойнаган геройларынынъ яркын келпетлерине дайым да тийисли белгисин бергенлер. Оннан баскалай, Ахмат Биймурза увылы «Айланай» патшалык фольклор-этнографиялык ансамбли мен бирге айтувлы ногай йырлавларынынъ толгавларын, бурынгы халк эпос йырларын усташа йырлавы ман тек Ногай районында тувыл, халкымыз яшайтаган баска регионларда, Турцияда, Казахстанда белгиленген. Оьзининъ коьп йыллык етимисли маданият аьрекети уьшин ол Дагестан Республикасынынъ ат казанган маданият куллыкшысы деген сыйлы ат пан савгаланган.

Ахмат Биймурза увылы оьзининъ яшавда туткан белсенли орыны, бийик аьдемшилиги, аьдиллиги, табиат танълыгы эм оьнери мен сав коллективимизге янган ярык уьлги эди. Ол кайсы ерде де яслардынъ насихатшысы эм коьримли ямагатшы болып, оьз коьнъил ашыклыгы, билими, туврашыллыгы ман тек актерлар арасында тувыл, оны билген эм таныган аьр аьдемде уьйкен сый казанган ясуьйкенимиз болган. А.Кульниязов оьзи коьримли аьел басшысы эди. Онынъ акында эндиги йок деп айтув бек кыйынлы. Ахмат Биймурза увылынынъ коьрнекли келпети, онынъ акында мутылмас эскеруьвлер бизим аьр биримиздинъ эсимизде оьмирлерге сакланар эм миллет маданиятына соьйтип куллык этуьвдинъ энъ таза уьлгиси болып турар.

Патшалык ногай драма театрынынъ коллективи.

Дагестан Республикасы бойынша «Яс кеспи усталары» (Worldskills Russia) деген экинши регионаллык чемпионаты басланды. Бу чемпионат уьш куьн узагында Каспийск каласыныдагы А.Алиев атындагы яслар, маданият эм спорт уьйинде болып озаяк. Мунда юзге ювык волонтерлар чемпионаттынъ уйгынлы, уьстинликли озувына куьш саладылар.

Солай ок, чемпионат бойынша республикадынъ 40 орта окув ошакларыннан 110 студент катнасаяк. Олардынъ ислерине 140 билимли кеспи усталары белги берееклер.

«Яс кеспи усталары» (Worldskills Russia) экинши регионаллык чемпионатын «Уьстинлик» республикалык ясларды ис пен канагатлав Орталыгы эм ДР Ис эм социаллык оьрленуьв бойынша министерствосы уйгынлаган.

Чемпионат бойынша сонда катнаскан яслар оьз усталыкларын курылыс, медицина, билимлендируьв, яратувшылык эм дизайн эм сондай баска тармаклар бойынша коьрсетееклер. Сол коьрсеткен билимлерине, кеспи усталыкларына коьре, ясларды келеекте куллык пан канагатлав да каралаяк.

Чемпионаттынъ тамамына коьре, айырымланган яслар келеекте озаяк IV-V чемпионатларда катнасаяклар.

Г.Курганова.

Янъы амаллар ман алдыга

Янъыларда А.Алиев атындагы яслар, маданият эм спорт уьйинде «Яс кеспи усталары» регионаллык чемпионаты ишинде балалар уьшин «Кванториум» технопаркынынъ презентациясы болып озды.

Бу шарада йогары окув ошакларынынъ окытувшылары, школа етекшилери эм сондай баскалар ортакшылык эттилер. Йолыгыстынъ барысында республикалык илми-техникалык яратувшылык орталыгынынъ ишинде «Кванториум» технопаркынынъ ашылувы акында соьйленди.

«Кванториум» балалар уьшин технопарк – балалардынъ билимлерин арттырув уьшин организация. Мунда балалардынъ билимлерин арттырмага мырсатлар уьйкен. Балалар билимли аьлимлер мен бирге оьз проектлерин саладылар, инженерли куллыкларды этедилер. Оьз оьнерин оьрлендирмеге суьйген балалардынъ баьри йоллары да ашык.

Бизим хабаршы.

Янъы технологиялар оьмири. Кайдай суьйсенъиз, сондай азык-туьликлерди де ашамага, ишпеге де мырсатымыз да, амалларымыз да бар. Кайсы элге де самолет пан енъил ушып барып келемиз. Баьри зат та оьрленеди, оьседи, тек не пайда маданият дережемиз куьннен-куьнге тоьменленмесе, йогары коьтерилгени коьринмейди. Ол ясуьйкенди сыйлав ша, ясуьйкен «сен ким болдынъ, аьши» деген ойга калганмыз. Бу тек баска соьз.

Аьли бизим коьтеретаганымыз – уьйкен маьселе. 2017-нши йыл – Россия бойынша экология йылы деп токтастырылган, ама буьгуьнлерде шоьлдинъ коьркин кокыслар бузбаса, ярасыкланганын коьрмеймиз. Аьлиги язлык шагында, куьн саьвлелери ерге йылув бергенде, баьри наслык та, кокыс та коьринеди.

«Таза сол ерде, кайда тазалык тутылады…»,- деп босына айтылмаган. Сонынъ уьшин наслап турып, йыйнаганнан пайда болмайды. Биз Марста да, Айда да яшамаймыз, яшайтаган еримиз – ногай халкынынъ маданият орталыгы. Биз туьрли ерлерде маданият дереже акында соьйлеп, ясларга акыл уьйретип келемиз. А орамлардынъ орталарына элтеп, кокысларды балалар тувыл, акылы басылган, аьел курып, тербия беретаган ата-аналар яде солардынъ да ата-аналары йигерлери батып, таслайдылар. Бизим газета бетлеринде кокыс маьселеси йылда да коьтерилип келеди. Соны окыйтаган авыл яшавшыларына да, авыл етекшилерине де толысынша етпейди. Ызгы йыллар ишинде авыл етекшилери яшайтаган ерлеринде, авыл тоьгереклеринде тазалыкты тутпага (кокыс йыйнайтаган автокоьлик шыгарып) шалысадылар, ама кокыс азаймайды.

Язлык – йылдынъ кайдай ярасык шагы. Шоьлде шыккан туьрли шешекейлерди каплап, полиэтилен пакетлар ярасыкланадылар, ол балалардынъ памперслери ше, кайдай туьрли суьйсенъиз де оьлшеми мен бар.

«Уьйлерининъ тоьгерегине кокыс аькелип тоьгедилер деген ойларын айтып,

Оьткен киши юма куьн «Ногайский район» МО администрациясында «Ногайский район» МО Депутатлар йыйынынынъ кезекли сессиясы болып озды. Сессиядынъ куллыгында «Ногайский район» МО Депутатлар йыйынынынъ председатели, район аькимбасы Казмагомед Янбулатов, онынъ орынбасары Адильхан Янмурзаев, Дагестан Республикасынынъ Халк Йыйынынынъ депутаты, республика парламентининъ Курылыс, ЖКХ, коьлик эм байланыс комитетининъ председатели Мурат Мамаев, Дагестан Республикасынынъ Сырт территориаллык округы бойынша Дагестан Аькимбасынынъ толы ыхтыярлы ваькилининъ орынбасарлары Магомед Магомедов эм Константин Воронин, район депутатлары эм активи катнасты.

Сессиядынъ куьн йосыгына ойласувга доьрт сорав шыгарылган эди. Сонынъ бириншиси – 6-ншы февральде Дагестан Республикасынынъ Аькимбасы Рамазан Абдулатиповтынъ Дагестан Республикасынынъ Халк Йыйынына каратылган Язбасы акында ДР Сырт территориаллык округы бойынша РД Аькимбасынынъ толы ыхтыярлы ваькили В.Деревянкодынъ информациясы ман А. Янмурзаев шыгып соьйледи. Онынъ айтувы ман, Язбада республикада туьзилген аьллер эм патшалык политикасынынъ маьнели йоллары акында белгиленген, экономикады оьрлентуьвдинъ ой-ниетлери айтылган, социаллык, политика тармагынынъ соравлары коьтерилген эм республикады келеектеги йылларга оьрлентуьв приоритетлери коьрсетилген. Язба бойынша оьз ойлары ман республика парламентининъ депутаты М.Мамаев эм район аькимбасы К.Янбулатов боьлистилер. М.Мамаевтинъ соьзи мен, Дагестан Аькимбасы республикада оьткен йыллар ишинде уьйкен куллыклар этилингенин билдирип, етиспевликлерди коьрсетип, алдыда турган бас борышларды белгилеген. К.Янбулатовтынъ айтувы ман, биз буьгуьн оьзининъ Язбасында Р.Абдулатипов белгилегенлей, республикада ийги якка хыйлы туьрленислерди коьремиз. Бир заман Дагестан коьп ягыннан кери калган кризисли регионлардынъ бириси болган болса, эндигиси ол элимиздинъ алдышы регионларына тенълесип барады.

Язба акында айтылган ойлардан сонъ, район депутатлары соны хош коьруьви эм Язбады келеектеги йылларга республикады оьрлентуьв бойынша программалык документи эсабында макул коьретаганы акында карар кабыл эттилер.

Йыйылганлар сессиядынъ экинши соравы бойынша «Ногайский район» МО аькимбасы К.Янбулатовтынъ районнынъ 2016-ншы йыл узагында социал-экономикалык оьрленуьви эм 2017-нши йылдагы борышлары акында эсап беруьвин тынъладылар. Онынъ айтувы ман, ол районга етекши болып келген йылларда район ериндеги айлак та ямагат-политикалык аьллер осал оьлшемде болганын айырып белгиледи. «Ойлап каранъыз, бир уьйдеги эри – «аклардыкы», хатыны – «кызыллардыкы» болып, аьллер дурысында да ийгилендируьвди талаплайтаган эди. Эм биз соны ийгилендирдик. Ногай районы уьшин меним командам коьп куллыклар этти», – деди К.Янбулатов.

– Буьгуьнлерде Ногай районы республика субъектлери арасында ийгилердинъ сырасында айтылатаган районлардынъ бириси. Коьп районлар бизге куьнлейдилер! Аьдемлер аьруьв яшайдылар, халк ислейди. Бизде 900 мынънан артык гектар ерлер бар. Айтпага, мен етекши болып келетаган 2000-ншы йылда район бойынша 14 мынъга ювык эгин ерлер кулланылатаган болса, 2016-ншы йылда бизде 27 мынъ 900 гектар ерлер кулланылып, халк уьшин ислеп туры. Дурыс, ол бизим, ерли властьтинъ уьстинлиги тувыл, ама биз аьдемлерге ислемеге амал беремиз. Тагы бир мысал, районда 2000-ншы йылда 11 мынъ тувар мал бар деп саналган болса, буьгуьнлерде сонынъ саны 41 мынъга етискен. 2000-ншы йылда ерли хозяйстволар бузылып, койлар саны бир неше мынъ болып калган болса, аьли бизде 390 мынънан артык койлар бар. Ондай коьп затлар акында айтпага болады. Тагы да бир мысал, 2015-нши йылда районда 90 миллион маьнет акшадынъ налоглары йыйылган болса, 2016-ншы йылда 106 миллион маьнет акшадынъ налоглары йыйылды. Тек бу етимистинъ де бир ери бар: биз не шаклы коьп оькиметке налог йыйнаган сайын, оькимет бизге сол шаклы аз карыж шыгара береди, – деди К.Янбулатов.

Район аькимбасы ол етекшилик эткен йыллардагы етимислердинъ бириси деп бир неше район авылларына табиат газы еткерилгенин белгиледи.

– Биз бу яктан бас деп Ленин, Калинин, Нариман авылларга газ элтедик. Сонъында Батыр-Мурза, Червленные Буруны, Кара-Сув, Кумлы авыллардынъ яшавшылары да табиат газын ягып суьйиндилер. Ызгы йылларда да биз Орта-Тоьбе, Шумлелик, Куьнбатар, Бораншы авылларына дейим де газ тартув уьстинде куллык этемиз, –деди район етекшиси.

К.Янбулатов онынъ етекшилиги заманында бир неше социаллык маьнелиги болган меканлар салынганын атлы-аты ман айтты.

– Биз районда уьйкен меканлы янъы спортзал, администрация, район больница меканларын курдык. Ленин, Нариман авылларында спортзаллары ман бирге янъы школа меканларын салдырдык. Бу затларды ким эткен деп ойлайсыз? Соларды биз, бизим командамыз эткен! Аьлиги заманда меним етекшилигим астында Орта-Тоьбе авылында да янъы школа меканы курылып туры. Оннан алдынгы йылларда районда байланыс осал болган саялы, биз АТС-ты янъыртып, ога янъы ол заманга келисли куватлы алат салдык.Ондай алат коьп ерлердеги АТС-лерде йок та йок эди. Мине арамызда олтырган аьлиги район депутаты Шатемир Мунгишиев соны шайытлар. Оннан сонъ район орталыгында 400 орынлы Россиядынъ кубыла регионларынынъ биревинде де болмаган янъы балалар бавынынъ меканын курдырдык. Сонда аьли де 100 бала алмага, бавды 500 орынлы этпеге де болады. Эндиги ким айтпага болады бу затларды Казмагомед этпеген деп? Бирев де! Каранъыз, буьгуьнлердинъ оьзинде де мен республика бойынша калалар эм районлар ара ремонт этилуьвге беркитилген 10 объектлердинъ 2-вин бизим районга тилеп алдым. Коьресиз, Казмагомед кайдай акыллы аьдем! А оны осал билимсиз, алай-булай деп Интернетке язадылар. Соны ман быйыл Терекли-Мектеб авылындагы алдынгы педучилище меканы эм Червленные Буруны

авылынынъ маданият уьйи заманга келисли кепте ярастырылаяклар. Мен оьзим тамаша этемен кайтип биз сол шаклы куллыкты этпеге уьлгиремиз!

2000-ншы йылларда Червленные Буруны авылдан аргы якка карап асфальт йолы йок эди. Биз сол йолды да тап Ставрополь крайынынъ япсарына дейим еткердик. Тек бу ерде айтув керек, сога тоьселген асфальт-бетон осал сапатлы болганын. Мен онынъ акында коьпте айтканман.

Ызгы заманларда биз Терекли-Мектеб авылында 15 шакырым йолга, Терекли-Мектеб – Нариман авыллары арасындагы 5 шакырым йолга да янъыдан асфальт-бетон тоьседик. Бу ислер баьриси де тек меним уьстинлигим тувыл, ол бизим баьримиздинъ де етимисимиз.

Мени ыршувет алады деп язадылар. Мине бир аян мысал келтирейим. Мен тек янъы район аькимбасы болып туьскенде, мага бир неше авыл аькимбаслары эртеректен оьзлери мен акша да алып, ер тилемеге деп келген эдилер. Мен оларга ер керек болса алынъыз, исленъиз дедим. Кайтип мен олардан акша аламага боламан?!

Мине тагы бир керти мысал. Бизим районымыз билимлендируьв ягыннан республикадагы 42 районлар ишиннен тек 2 каладан кери калып, 3-нши орынды бийлейди. Ол уьстинлик тувылма? Бизим окувшылар, окытувшылар баьри конкурсларда да алды орынларды аладылар. Тек янъыларда Нариман авыл школасы конкурста енъди.

Маданият ягыннан бизди дайым да мактайдылар. Неше кере, айтпага, бизим драма театрымыз Турцияга, Татарстанга, Казахстанга, баска ерлерге барып, оьзлерин ийги ягыннан коьрсетип келедилер. Сондай неше мысаллар да келтирмеге боламыз, – деп белгиледи К.Янбулатов.

Муннан сонъ А.Янмурзаев район аькимбасынынъ эсап беруьвин макул коьрип алув акында район депутатларынынъ сессиясынынъ карарын окыды.

Сессиядынъ куьн йосыгы бойынша онынъ катнасувшылары РФ МВД-нынъ Ногай районы бойынша боьлигининъ начальниги Абдурахман Койлубаевтинъ оьткен 2016-ншы йыл уьшин эсап беруьвин тынъладылар. Район депутатлары онынъ эсап беруьвин де макул коьрдилер. Бу эсап беруьв бойынша «Ногайский район» МО Ямагат палатасынынъ председатели Эльмурза Саитов оьз ойын айтты эм сав район иш ислер боьлигининъ аьрекетине эм онынъ янъы етекшисининъ исине ийги белгисин берди эм соны аян мысаллар ман да беркитти.

Сессиядынъ уьшинши эм доьртинши соравлары ойласылган сонъ, депутатлар тийисли карарлар кабыл эттилер.

Накануне Международного женского дня, в Кизлярском районе прошли праздничные мероприятия, посвященные 8 марта.

Утро 7 марта для сотрудниц администрации Кизлярского района начался с приятного события: в конференц-зале администрации в торжественной обстановке их поздравил с наступающим праздником Глава района Александр Погорелов. Он отметил вклад представительниц прекрасной половины человечества в успехи Кизлярщины, поблагодарил женщин за профессионализм, огромный вклад в укрепление семейных ценностей и активное участие во всех сферах социальных и экономических преобразований района и пожелал им всяческих благ, здоровья, успехов и личного счастья.

«Женщина – олицетворение начала жизни, нежности, любви и красоты. Ваша поддержка и понимание вдохновляют мужчин на подвиги, вселяют мужество и волю. Пусть самые красивые цветы будут окружать вас, пусть самые желанные слова будут произнесены, пусть сбудутся самые заветные мечты. Оставайтесь всегда такими же красивыми, такими же яркими и эффектными и пусть на вашем лице никогда не будет слез, печали и грусти!» — резюмировал глава района.

И какой же женский праздник без цветов? Глава района лично вручил сотрудницам администрации розы и памятные подарки.

Общерайонное праздничное мероприятие состоялось в 15.00 в Центре традиционной культуры народов России, где прошел большой праздничный концерт, посвященный нашим милым дамам. Свои самые лучшие песни им посвятили солисты Дома культуры, которым руководит Евгения Назаренко, Руслан и Эльвира Гаджиевы, Анна Крамаренко, Зарипат Махмудова, Миланья Нагель, Наталья Курбанова, Оксана Байзуркаева, Имран Абдулхалыков, Владимир Чумаченко, Андрей Рогалев, а также эстрадная группа «Метроном», ансамбль народных инструментов «Сполох» и ансамбль русской песни «Яблонька». В адрес женщин со сцены прозвучало много хороших, добрых слов. Не секрет, что Международный женский день – это праздник, которому присущи особая теплота и искренность. В том, что мужчины дарят женщинам цветы, выражают благодарность и уважение, признаются им в любви, именно в этот весенний день, когда повсеместно пробуждается природа, когда сердца мужчин переполнены благородными и добрыми чувствами, есть глубокий смысл.

Подтверждением тому стало эмоциональное выступление заместителя главы администрации Исы Рамазанова, который подарил всем женщинам очень искренние пожелания. Поздравляя их от имени главы Кизлярского района, И.Рамазанов окрестил 8 марта «самым любимым мужским праздником».

- В каждой женщине живет ведьма, красавица, фея и принцесса. Кого вы разбудили, то и получайте, - подчеркнул он, обращаясь к мужчинам, сидящим в зале. Представительницам прекрасного пола замглавы администрации пожелал здоровья, любви и удачи и в подарок им наизусть прочитал стихи Расула Гамзатова:

Целую, низко голову склоня, Я миллионы женских рук любимых. Их десять добрых пальцев для меня, Как десять перьев крыльев лебединых…

После того, как замечательные слова Расула Гамзатова были встречены на «ура», Иса Рамазанов приступил к наиболее приятной процедуре – награждению наиболее отличившихся жительниц Кизлярского района. Работницам образования, здравоохранения, сельского хозяйства, социальных и финансовых и прочих служб были вручены Почетные грамоты и пышные букеты цветов.

Со словами поздравления к женщинам района обратился и Председатель районного Собрания депутатов Ахмедпаша Амирилаев, который пожелал им счастья, здоровья и благополучия, крепких семейных традиций, «верных и надежных мужей, детям – заботливых родителей, родителям – послушных детей».

Запомнились прекрасные хореографические композиции в исполнении воспитанников Детских школ искусств сел Аверьяновка и Юбилейное, учащиеся замечательно читали стихи на языках народов Дагестана. Завершился праздничный концерт душевной песней «Дарите женщинам цветы», которую проникновенно исполнил Андрей Рогалев.

Дагестан Республикасынынъ Миллет политикасынынъ колтыклавы ман язувшы, журналист, прозаик, коьплеген йолязбалардынъ авторы Владимир Севриновский Дагестан аьдетлерининъ эм байрамларынынъ календарин туьзип, шыгарган.

Сога Кирис соьзинде автор булай деп язган:

«Дагестан – туьрли миллетлер биргелесип яшайтаган ерлердинъ бириси болады. Аьр бирисининъ оьз тили, маданияты, аьр бирисининъ байрамлары эм ата-бабалардан калган аьдетлери бар. Бу ер мынъ йыллар дин эм цивилизация араларында болып келеди. Мунда Йибек йол уьстинде тергевлер тутканлар. Республикада уьш туьрли диннинъ ваькиллери татымлыкта яшайдылар. Сол татымлыкта яшайтаган туьрли миллетлердинъ маданиятлары да карысып, ортак аьдетлер де тувганлар. Солар Дагестан Республикасына да тек оьзине келискен ярасыклыкты берип, дуныя ман байланысты туттырып келеди. Навруз байрамларда янатаган отка карасак, Кызыл бас халкы эске туьседи, лак эм кумык халкларынынъ бал ашувы – орыслардынъ аьдетине усаслы эди. Бир-бирисиннен армаганда яшайтаган халклардынъ аьдет-турмысларын тенълестиргенде де, биз аьр бирисининъ бири-бирине ювыклыгын коьремиз. Сол халклардынъ кардашлыгын эм ортак тамыры барын белгилеймиз».

Календарьдинъ авторынынъ айтувына коьре, XX-ншы оьмирде белгиленген байрамлардынъ биревлери эскирген, белгиленмейдилер, XXI-нши оьмирде белгилевге аьдетке кирген байрамлар да бар.

Дагестан аьдетлерининъ эм байрамларынынъ календаринде бир неше кесек бар. Олай дегенимиз, мунда айырым дин, янъы кирген байрамлар эм сондай баскалар бар.

Мунда туьрли суьвретлер де киргенлер.

В селе Геметюбе Бабаюртовского района 5 марта состоялся концерт заслуженной артистки Республики Дагестан, ногайской певицы Айгуль Джумагуловой, приуроченный Международному женскому дню.

На праздник пригласили активных и выдающихся женщин района: общественниц, депутатов, почетных жительниц и ветеранов.

Заместитель главы СП «сельсовет Геметюбинский» Айзат Мусакаева отметила, что данное мероприятие проходит в рамках реализации приоритетных проектов развития РД.

«Наверное, каждый человек ждет весну. Потому что начало весны ознаменуется главным праздником всех женщин - Международным женским днем 8 марта. В эти дни даже природа будто оживает, потому что спешат по улицам мужчины, они несут цветы своим бабушкам и мамам, женам и сестрам, невестам и коллегам. Милые, очаровательные женщины, отложите сегодня все домашние дела и позвольте мужчинам доказать вам, что вы являетесь смыслом их жизни и самым драгоценным подарком судьбы. С наступающим праздником!» - поздравила она и поблагодарила Айгуль Джумагулову за такой замечательный презент, который она подарила жителям района.

Для представительниц прекрасного пола было подготовлено более тридцати номеров с участием школьников села, представителей Дома культуры, администрации и общественности села.

Песни Айгуль Джумагуловой «Я дочь ногайского народа», «Кийгиз», «Посвящение Карагасу», «Мама», «Моим сестрам» и многие другие заставляли зрителей аплодировать стоя и подтанцовывать в такт мотивам.

Свои творческие номера также представили танцевальный коллектив школы, учительница Гульяр Ильясова, вокальные группы старшеклассниц.

Особенно трогательным было чтение стихотворения ученицы 4 «б» класса Зульфии Коркмасовой, которая посвятила своей бабушке Айзат стих в виде признания в любви, огромной благодарности и подарила цветы.

В зале царило тепло и уют, а со сцены в адрес жительниц Бабаюртовского района прозвучали добрые слова поздравлений с наступающим праздником.

На протяжении всего праздничного концерта звучали песни, восхваляющие Женщину и самое прекрасное чувство - любовь, а танцевальные номера только усилили праздничное настроение.

 Ася Мусакаева

Руководство отдела культуры Ногайского района отчиталось о результатах  деятельности за 2016 год.

Начальник отдела культуры Ногайского района Яхья Кудайбердиев отметил, что в рамках реализации приоритетных проектов развития Дагестана, в учреждениях культуры муниципалитета проведено около 100 мероприятий.

По его словам, учреждения культуры района остаются массовым и доступным средством приобщение людей к культуре, развития духовного потенциала, сохранения собственной народной культуры.   

В районе функционируют районный дом культуры, 15 сельских домов культуры, одна библиотека с 14 филиалами в сельских поселениях, школа искусств имени Сраждина Батырова.

В районном центре открыт Центр традиционной культуры народов России.

 Создан детский вокально-хореографический ансамбль «Карлыгаш».

В районе функционируют 3 государственных коллектива: Ногайский государственный оркестр народных инструментов, Ногайский государственный фольклорно-этнографический ансамбль «Айланай», Ногайский государственный драматический театр.

Учреждения культуры района провели концерт, посвященный 27-ой годовщине вывода войск из Афганистана;  мероприятие, посвященное 71-ой годовщине Великой победы и всем праздничным датам РФ и Дагестана;

Ярко прошли сельские концерты именитых артистов Алибия Романова, Джамбулата Караева, Руслана и Лины Яриковых. Всем запомнился праздничный концерт, посвященный Дню работников культуры. Особенно зрителю понравился ежегодный конкурс детских танцевальных коллективов, где приняли участия все сельские дома культуры. На весь район стал популярным ежегодный детский конкурс «Степные голоса». Интерсено проведены концерты-поздравления «С праздником, дорогие женщины!»; день библиотекаря и многое другое.

Всего за 2016 год учреждениями культуры района проведено около 100 мероприятий.

Также Яхья Кудайбердиев подчеркнул показатели библиотечной сети района.  «Охват населения библиотечным обслуживанием составляет 57,7%, детей до 16 лет – 88,8%. Показатели посещаемости в центральной районной библиотеке – 9,4%», - заключил докладчик.

Ася Мусакаева