29-ншы июнь – Уллы Аталык согысы йылларында фашистлер мен согыскан партизанларды эм подпольщиклерди эскеруьв куьни

Авыр 1941-1945-нши согыс йылларында Совет Союзынынъ коьп миллетли халкы ман бирге Ногай шоьлимиздинъ яшавшылары да явга карсы куьрескенлер. Согыстынъ биринши куьнлериннен алып коьплеген ногай йигитлеримиз немец явды элимизден кувув ниет пен Совет Армиясы сырасына туьскенлер.

Районымызда бу куьнлерде вируслы инфекция бойынша авыр аьллер туьзилген. Инфекциялы маразлар оьшигип, район орталык больницасына туьскен  балалардынъ саны коьбейди. Ата-аналардынъ аьр бириси оьз балаларын кавыфлы мараздан саклавдан тура тынышсызланадылар, район орталык больницасындагы врачлар сав куьн эм кешеси мен ислеп авырыган балаларга оьз коьмегин этедилер. Бу авыр аьллер туьзилген себептен, «Ногайская ЦРБ» ГБУ бас врачы Зармухамед Балигишиев район администрациясында организациялар етекшилери алдына шыгып авырувдан тура райондагы аьллерди эм оннан сакланув амаллар акында айтты.

19-ншы июнь - Медицина куллыкшысынынъ куьни

Врач - яваплы, сыйлы эм керекли кеспилердинъ бириси. Сосы кеспиди аьдем юреги мен сайламага тийисли. Сакинат Казуевна Шураева (суьвретте) оьз яшавынынъ 50 йылын медицина тармагына багыслаган.

Аьлиги заманларда аьр аьдем де паспорт алув, уьйин патшалык регистрация  («зеленка») этуьв, оьз алдына предпринимательлик исин ашув эм сондай баска буйымлары ман керекли кагытлар туьзетуьв уьшин баьленше организациялардынъ босагаларын тоздырмага керек болады. Ол зат аьдемнинъ баалы заманын да коьп аькетеди. Соны эске алып эм бу ягыннан коррупцияды кемитуьв ниет пен Дагестан Республикасынынъ етекшилери «бир терезеден» деген йосык бойынша халкка патшалык эм муниципаллык ярдамларын беруьвши МФЦ-ларды (коьп функционаллы орталык) уйгынлап баслаганлар. 

Календарь памятных дат военной истории России на июнь

25-нши май. Савлай Россия бойынша, сонынъ санында бизим республика да, районымыз да сонъгы занъга багыслаган байрамын озгарды. Бу йылгы сонъгы занъ байрамы куьн бир аьлемет эди. Оннан алдынгы кеше куйып ямгыр явган эди, болса да сонынъ ызы аз-маз коьринип калды. Куьн саьвлеси бир ийги йылувлыгын береди. Ол да, школады кутылаятырган балалардынъ коьнъилиндей болып, бирде ярык, бирде саьвлесин тыгып, мунъайгандай да болады.

Музей мен кыдырган аьдем, кайсы яктан карасак та, оьзин анъ-акыл яктан байытып шыгады. Мунда ол оьткен оьмирлердинъ яшавы ман, тарих пен танысады. Бирерде мага музейде (кайсысында болса да) оьткен оьмирлердинъ янъыравыгы эситилгендей де болады.