Янъыларда «Ногайский район» МО администрациясында «Ногайская ЦРБ» ГБУ коллективининъ оьткен 2017-нши йыл ишинде эткен куллыгы акында бас врач Фаризат Межитовадынъ эсап беруьви тынъланган. Соны ман байланыста «Ногайский район» МО администрациясынынъ аькимбасы Мухтарбий Аджековтынъ «Ногайская ЦРБ» ГБУ-нынъ 2017-нши йылга эткен куллыгынынъ сырагылары эм 2018-нши йылга борышлары акында» деген токтасы кабыл этилинген.
Сол токтаста «Ногайская ЦРБ» ГБУ коллективи оьткен 2017-нши йыл узагында яшавшыларга медицина ярдамынынъ сапатын эм оьлшемин арттырув, яшавшыларды медициналык канагатлав яктан етискен оьлшемди саклав эм ийгилендируьв, эмлев-профилактикалык ис аьрекетин иркуьвсиз аьлде юритуьв бойынша айырым куллык эткени белгиленген.