29-ншы августта дагестан шаири Фазу Алиевага багысланган «Сыйлы апостолы Андрей Первозванный атындагы орденининъ кавалерлери» деген сериясы бойынша почта маркасы шыгарылаяк.
Маркада шаирдинъ суьвретиинъ артында онынъ язув сыпырасы эм Сыйлы апостолы Андрей Первозванный атындагы орден белгиси коьрсетилгени акында почта бойынша патшалык белгилерининъ таралтувы эм баспалавы бойынша аьрекетлейтаган «Марка» деген кампаниясынынъ билдируьвинде айтылады.
Марка баасы 27 маьнет, тираж оьлшеми 231 мынъ (21 мынъ табак) болаяк. Фазу Алиевага багысланып Москва каласы уьшин штемпель де шыгарылган.
Фазу Гамзатовна Алиева 1932-нши йыл тувган, 2016-ншы йылда ол дуныядан кешеди. Дагестаннынъ халк шаири, Сыйлы апостолы Андрей Первозванный атындагы орденининъ кавалери болады. Онынъ яратувшылык йыллары ишинде 80-нен артык ятлавлар эм кара соьз бен язылган китаплери баспаланганлар, солардынъ ишиннен кайбиревлери дуныяда болган 68 тиллерине коьширилгенлер.