«Аьдем капиталы» деген приоритетли проекти

«Дагестаннынъ маданияты эм аьдетлери»

Быйыл 21-нши мартта «РДК» МКУ фасадында «Хош келдинъ, Навруз-байрам!» деп аталган байрам оьткен. Сол куьн мунда авыл хозяйстволык ярмалыгы болып озган, миллет термеси курылган. Терме ишинде бурынгы ногай уьйшилик алатлары, миллет кийимлери, саз алатлары, кийгизден этилген затлар выставкасы уйгынланган. Баьри конакларды да миллет аслары ман сыйлаганлар. Аукцион оьткерилген, туьскен акша карыжын «Инсан» деген саваплык фондына бергенлер. Байрамнынъ ызында ети ерге аьдетли отлар ягылды.

11-нши апрельде билимлендируьв учреждениелеринде «Дагестан – тавлар эли» деген республикалык конкурсынынъ муниципаллык кезеги оьткерилген. Конкурстынъ республикалык кезегининъ «Ийги сочинение» деген номинациясында 2 окувшыдынъ куллыклары ортакшылык эткен. Сырагысында Терекли-Мектеб авылдынъ Кадрия атындагы орта школасынынъ окувшысы Ю.Абдулсаметова 2-нши орынды, Бораншы авыл орта школасынынъ окувшысы Н.Шоматова 3-нши орынды алганлар

Май айында Тав йылына багысланган шаралар эсабында дагестан композиторлары эм суьвретшилери акында лекциялар эм хабарласувлар юритилген. Ногай районнынъ орталык китапханасы негизинде дагестан поэти Юсуп Хаппалаевтинъ оьнерине багысланган «Яркын, оьркенли оьнер» деп аталган адабиат шарасы оьткерилген. Куьнбатар авылдынъ маданият уьйинде эм китапханасында М.Магомедовка багысланган «Дагестаннынъ бирлик куьни» деген китаплер выставкасы эм «Бизим куьшимиз –халклар тыпаклыгында» деген ашык дерис болып озган. Кара-Сув авылдынъ китапханасында Дагестан халк поэти Расул Гамзатовка багысланган «Халклар дослыгы акында йырымды мен йырлайман» деп аталган китаплер выставкасы уйгынланган.

15-нши майда Балалар яратувшылык уьйинде «Оьнерлер юлдызлары» деп аталган эсап беруьв концерти болып озган.

Маданият – Дагестан балаларына

Апрельдинъ 4-инде район маданият уьйинде суьвретши, фольклоршы, хореограф, ДР ат казанган саниятлар аьрекетшиси С.Батыровтынъ эстелигине багысланган кешлик озды. Сол куьнлерде С.Батыров атындагы саниятлар школасында онынъ суьвретлер выставкасы, баьри де авыл маданият уьйлеринде эм китапханаларында авыл школалары ман бирге эстелик кешликлери, лекциялар, китап выставкалары болып оьткен.

12-нши апрельде Махачкаладагы Г.Гасанов атындагы музыкалык училищесининъ меканында республикадынъ музыкалык училищелерининъ, саниятлар школаларынынъ окувшылары арасында халк эм фортепиано

боьликлерининъ конкурсы болып озган. «С.Батыров атындагы ДШИ» ДО МКУ тербияланувшылары баргылы орынларды казанганлар

27-нши апрельде район маданият уьйинде ногай аьлими, язувшы, фольклоршы Д.Шихмурзаевтинъ 80 йыллыгына багысланган илми-практикалык конференциясы уйгынланып озгарылган.

29-ншы апрельде район маданият уьйинде йыл сайынлык авыл маданият уьйлерининъ балалар биюв коллективлерининъ Савдуныялык биюв куьнине багысланган конкурсы оьткерилген. Конкурста 70 бала катнаскан.

26-ншы майда «Карлыгаш» балалар вокал-хореографиялык ансамблининъ эсап беруьв концерти болып озган.

27-нши майда С.Батыров атындагы саниятлар школасынынъ тербияланувшыларынынъ эсап беруьв концерти оьткен.

28-нши майда йыл сайынлык «Шоьл тавыслары» деп аталган район балалар йыр конкурсы оьткерилген.

«Дагестан яслары» подпроекти. Патриотлык тербиялав тармагын ийгилендируьв

Терекли-Мектеб авыл А.Джанибеков атындагы орта школасында «Баьтирдинъ аты мутылмаган» деп аталган Россия Баьтири Р.Кадырбулатовтынъ эстелигине багысланган митинг оьткен.

Быйыл 14-нши февральде совет аьскерлерин Афганистаннан шыгарып баслав куьнине багысланган волейбол турнири болып озган.

22-нши февральде район маданият уьйинде яслар арасында Аталыкты саклавшы куьнине багысланып, «Кая, кеделер!» деген аьскер-патриот ойыны оьткерилген.

29-ншы мартта Кизилюрт каласында Ногай район командасы «Парахатлы Дагестан» деген билимлендируьв проекти эсабында «Меним Дагестаным эм меним Россия» деген республикалык интеллектуальлик ойынында ортакшылык эткен.

4-нши мартта Нариман авыл орта школасынынъ спорт залында «Яслар наркотиклерге карсы» деп аталган акция эсабында волейбол турнири уйгынланып озган.

28-нши апрельде Ногай районында «Георгиев лентасы» деген патриот акциясы болып оьткен.

Май айында район школаларында тыл куллыкшылары, согыс балалары, Афганистан ветеранлары эм баска согыс катнасувшылары ман йолыгыслар озгарылган.

5-нши майда Ногай район орталыгында Енъуьв асабаларынынъ «Оьлимсиз полк» парады болды. Сонда 600 аьдем катнасты.

«Ногайский район» МО еринде 1-нши июнь – Халклар ара балаларды коршалав куьнинде велосипед айдав ярысы уйгынлы озды.

Ногай районынынъ баьри де билимлендируьв ошакларында 9-11-нши класс окувшылары арасында «Наркотиклерге йок деп айт», «Патшалыкка куллык

этсем – ямагатка куллык этемен» деген темалар бойынша класстан тыскы дерислер болып оьттилер.

Район еринде «Енъуьв» деген аьскер-спорт ойыннынъ школа, район (140 катнасувшы), зоналык (190 катнасувшы) эм республикалык кезеги (10 катнасувшы) озгарылган.

9-ншы май Енъуьв куьнинде Ногай районнынъ делегациясы «Енъуьв асабалары» деген республикалык балалар эм яслар биригуьвлерининъ парадында ортакшылык эткенлер.

«Спортивли Дагестан» деген подпроекти

Сочи калада тайский бокс бойынша 23-нши апрель-2-нши май куьнлеринде оьткерилген Россия чемпионатында Ногай районнан 7 аьдем катнаскан, сонынъ тамамында бир аьдем экинши орынды, бес аьдем уьшинши орынларды бийлегенлер.

Районнынъ яс спортсменлери Пятигорскте 28-нши апрель-1-нши май куьнлеринде болып озган Сырт-Кавказ Федераллык округынынъ согыс самбосы бойынша чемпионатында ортакшылык эткенлер.

21-нши февральде окытувшылар – согыс ветеранларынынъ эстелигине багысланган волейбол бойынша кубок уьшин ярыслар болып оздылар.

Март айында район билимлендируьв ошакларынынъ окувшылары арасында футбол, волейбол ойынлары бойынша «Язлык кубогы-2016» деген сынасувларда 300 окувшы ортакшылык эткен. Уьйкенлер арасында бокс бойынша район чемпионатында 50 аьдем катнаскан. Район яслары эм окувшылары тагы да коьп маьнели республикалык эм район спорт турнирлеринде катнасып, белсенлик коьрсеткенлер.

Р.Шангереев,

«Ногайский район» МО администрациясынынъ

аькимбасынынъ куллыгын юритуьвши.

Неше йыллардан бери саният дуныямыздынъ ярасыклыгын баьри кешликлерде эм байрамларда «Айланай» ансамбили коьрсетип келеятыр. Йылдын-йылга репертуатын байытып, халктынъ коьнъилине аьр бир биюви, йыры ман етпеге шалысатаган ансамбилимиз янъыларда Бабаюртта болып келдилер. Сол концерт акында сондагы танысларымнынъ авызыннан эситкенде, юрегиме бек йылы болды эм оьктемлигим мукаят та оьсти.

«Калай аьруьв концерт болды, аьр бир биювге ыспайы кийимлер коьзлерди суьйинттилер. Яс йыравшылардынъ тавыслары аьдемнинъ дуьмле муьшесин козгады! Биз кайткымыз келмей хыйлы каты харс кагып турдык. Баьри куллыгымызды таслап барганымызга бир туьйир де кыйналмадык, кайтарасына экинши куьн концертти коьрмей оькинип калганларга онынъ хабарын айттык. Калай ярады бизге концертти юриткен Гуля Кокоева да, яслар да!»-деп Зульмира Алыпкачева эм сондай баска танысларым бир тавыс пан коьнъилленип хабарладылар. Бабаюрттынъ сыппа-сык залы «Айланай» ансамбилининъ оьнери мен уьйлерине байып кайттылар, кырдагы сувык авады да сезбей, юреклери исси саьвлелерге толды.

Ансамбльдинъ яс етекшиси Мурат Ваисов- талаплы йигитимиз кайсы ерге барса да, программасын туьрли эм кызыклы этпеге шалысады. Бу концертте каравшылар «Домбырам» , «Канике» бурынгы йырларды йигитлеримиз Артур Межитов, Джамбулат Караев, Узаир Найманов, Мурат Ваисовтынъ аьлемет тавысларында эситип куьезлендилер. «Меним ногайым» деген 16 оьмирдинъ йыравы Казтувганнынъ , «Тувган ерим» патриотлык эм «Мунъайма» деген лирикалык йырларын, Маймонида атлы классический академиядынъ выпускниги Узаир Найманов табиат пан берилген куьшли, таза тавысы ман йырлаганда йыйылганлар тып-тынык болып калдылар эм оны тавысына сукланып каты харс кагув ман озгардылар. Астрахань консерваториясынынъ выпускниги, Астрахань областининъ губернаторынынъ баргысына тийисли болган талаплы ногай ясымыз Артур Межитов , Тогызыншы толкында йырлайтаган яслардынъ суьйикли йыравы Джамбулат Караев, Астрахань консерваториясынынъ выпускниги, «Айланай» ансамбилининъ етекшиси Мурат Ваисов, Дагыстаннынъ ат казанган артисти Фатима Нурлубаева, ансамльдинъ коммерческий директоры, йыравшы эм юритуьвши Гуля Кокоева Бабаюрт районынынъ яшавшыларынынъ юреклеринде,

эслеринде коьп заманга калаяк! Биз олардынъ аьли де тоймадык. Энди 26 карагыста Махачкалада кумык театрда озаяк концертте катнаспага ниетленимиз»-дедилер бир тавыс пан йыйылганлар. Айырым эс берип айтпага суьемиз «Айланай» ансамбилининъ биюв оьнери акында. Онынъ етекшиси Альмира Тунгатарова кайдай ярасык биювлер салып, юреклерди козгап, коьз алдымызга тарихимизди аькелип болады. «Янбийкеш» биювин коьргенде бурынгы баьтир кызларымыз коьз алдыга келедилер, «Ак шалувды» коьргенде ислибийке кыскаяклыларга сый –оьрмет этемиз. Йигитлер кадалып «Харс» деген тавыс пан шыкканда, сылув кызлар ак кув кимик канатларын яйганда- биюв дуныясы ман куьезленимиз. Сондай ойларын Бабаюрт авылда, Астрахань калада озган концертте де айттылар. «Йылкы сазды» домбарыда Арслан Джуманбетов ойнады. «Биз бек разымыз Бабарт авылдынъ етекшиси Нурутдинов Нурутдин Акай улына, районнынъ Россольхозбанк басы Хаджимурат Боявовка, Геметюбе авыл акимбасы Магомед Салиевке, больница куллыкшыларына эм савлай йыйылган халкка!»-деп хабарлайды Гуля Кокоева.

Бу йыл 16 карагыста районымызда «Айланай» оькимет ансамбилининъ мерекелик концерти озаяк,

ол 30йыллыгын белгилейди. «Бу куьнлерде ансамбилимиздинъ оьнери мукаят та оьскен. Онынъ ишине янъы кан куйылгандай, мукаят та ярасык эм толы маьнели болган!»-дейди Сабират Абубекерова эм баьри район яшавшыларын мерекелик кешликке шакырады.

Буьгуьн биз де радио «Ногай Эл» атыннан «Айланай» ансамбилимизди кутлаймыз эм дуныя айланган сыйы мукаят та оьрге кетеегине шекленмеймиз.

Салимет Майлыбаева.

Республикамызда Президенттинъ проекти бойынша ызгы йылларда тувган тилге уьйкен маьне бериледи. Ногай районымыздынъ билим управлениеси бу проект бойынша коьплеген яратувшылык ислер этилип турадылар. 1 карагыста Эдиге авыл орта мектеби «Тувган тил дерислерде патриотлык сезимлерди тербиялав» деген темага семинар уйгынлады, онда Билим тармагынынъ методисти Оразбаева Секерхан Мезеевна,Ногай районымыздынъ эм Тарумов районынынъ Ново-Дмитриевка авыл орта мектебининъ окытувшылары шакырылган эдилер. Мектеб азбарына киргенлей ок, конакларды окувшылар миллет кийимимиз бен хош коьрип алдылар. Бир исси ногай конак шайдан сонъ окытувшылар туьрли дерислерди коьрмеге класс боьлмелерге боьлиндилер. Умарова Айган Ашим кызы Ф.А.Абдулжадиловтынъ «Атадынъ улы» деген хикаеси бойынша ашык дерисин аьзирлеген эди. Сав дерис бойынша окувшылардынъ эм олтырганлардынъ коьз алдына кавга юзи коьринип турды, адабият баьтири Бектемир Муратовтынъ келпетин балалар ашыклап айттылар, онынъ баьтирлигин Александр Матросовтынъ, Халмырза Кумуковтынъ йигитлиги мен тенълестирдилер. Зоя Космодемьянская атын оьктемлик пен эскердилер, Эдиге авылдан согыс кеткен йигитлер атлары да айтылдылар. Согыс коьпте кутылган, ама тыныш яшавды бузбага шалысатаганлар да аз тувыллар, сондай кырсызлыкка карсы турган баьтирлер атларына мынъ муьсирев этилди, суьвретлери коьрсетилдилер: Рафик Кадырбулатов, Эльдар Аджигельдиев, Ислам Койлубаев, Замир Акмурзаев, Алимхан Машаков, Магомед Нурбагандов- яшавдан замансыз кеткен баьтирлерди коьрдилер. Дериске конак болып шакырылган Карагас авыл Кидирниязов атлы орта мектебининъ китапхана куллыкшысы, краевед эм ногай тил окытувшысы Зарманбетова Нурсият Зиявдин кызы Ислам Койлубаевтинъ акында аьел архивиннен коьплеген суьвретлерди,

онынъ акында язылган макалаларды эм Орден мен савгаланган документлерин аькелген эди.Оны окувшылар кызыксынып карадылар. Деристе окувшылардынъ патриотлык сезимлери беркитидилер, окувшылар баьтирлерден ийги коьрим алдылар.

Канлыбаева Сыйлыхан Толубай кызы 7 класста «Йигит оьлсе, аты калар» деген темага С.Капаевтинъ «Суьюви калды халкында» деген поэмасы бойынша ашык дерис озгарды. Дерис аспандагы кырлувлардынъ йырлавыннан эм оларга карап, кызын излеген анадынъ коьринисиннен басланды. «Кавга» эм «Бала» деген эки соьздинъ маьнесин окувшылар тактага язып. Неге олар карсы маьнели экенин айттылар. Сонъ сав 45 такыйка бойынша балалар асар уьстинде яратувшылык ислер этип турдылар. Онынъ аьр бир уьзигин соьйленисли окып, оьз ойлары ман боьлисип. Тил байлыгын тергемеге де уьлгирдилер. «Неге айтар кавга деп?» деген ятлавды да окып эситтирдилер, экраннан кавга юзин документальли фильмлер уьзиклеринде карадылар. Аьр бир партада ак кагыттан ясалган кырлувлар ак яшавга шакырып тургандай тизилген эдилер. Деристе окувшылар: «Яв келсе Элимизге, биз Кырлувдай баьтирлер болмага керекпиз!»-дедилер. Дерис «Солнечный круг» деген йырды ногай тилде йырлав ман тамамланды. Оны коьширген Алибий Узбекович Капланов. Баьриси де коьнъилленип шыктылар бу деристен, 45 такыйка кайтип кеткенин де сезбей калдылар.

Канлыбаева Мадина Алавдин кызы 2 класс окувшылары ман дерис-проект аьзирлеген эди. «Меним авылым» деген проектте олар авыл коьркин, онынъ тарихин эм авылды туьзген аьдемлер акында айттылар. "Тувган ерди саклаганлар» деген проектлеринде баьтирлер мен оьктемсидилер, авылыннан кеткен Уллы Аталык согысына, Афганистанда, Чернобыльде болган эр кисилер суьвретлерин коьрсетип, аьр бирсининъ акында айттылар. «Меним авылымнынъ оьктемлиги» деген проектте биз Абдулла Бариевти,

Круптурсын Бариевти, Б.Кулунчаковады, Алибек Каплановты, Салимет Майлыбаевады коьрдик эм олардынъ аьр бирсининъ акында окувшы «Биз авылымыздынъ шаьйирлери эм язувшылары ман оьктемсиймиз!»- деп такылдап айтканлары суьйиндирмей болмады. 2 кл окувшылары Салимет Майлыбаевадынъ «Ерим меним» деген ятлавы бойынша дерислерин бардырдылар, ятлав иштелигин эм тил байлыгын тергедилер. Шаьйирдинъ яшав йолы акында хабарладылар эм деристе оынъ ятлавы бойынша язылган физкультура такыйкаларын да коьрсетип алдылар. Балалар 2 класстан алып ногай тилимизде парахат соьйлеп болганлары. Яттан коьплеген такпаклар билгенлери бизди бек кувантты.

Темирова Куьшлихан Крымхан кызы «Ногай халкымнынъ байлыгы» деп атап 3-4 класслар ман бирге дерис-КВН озгарды. Онынъ мырады: ногай тил дерислерде алган билимлерин бегитуьв, лексикамызды байытув, окувшылардынъ тез ойлавын, эсин бегитуьв, патриотлык сезимлерин тербиялав, ногай тилимиз бен кызыксынувын оьстируьв эди эм сол салган мырадына окытувшы етти. Катнасувшылар ярасык миллет кийимлер мен эки куьпке боьлиндилер «Куьпелек» эм «Маьметекей». «Тысав кесуьв», «Балады бесикке боьлев» аьдетлерин КВН катнасувшылары коьрсеттилер эм сосы аьлемет ийги аьдетлеримиз акында аьруьв этип хабарладылар. Ойын тамамымын тоьреши болып олтырган Кумлы авыл орта мектебининъ ногай тилден окытувшысы Аджигельдиева Софият Мамбет кызы этти, оьзининъ соьзинде ол окувшылардынъ ана тилимизге суьйимин белгиледи.

Дерислер кутылган сонъ баьри келген конаклар Канлыбаева Сыйлыхан Толубай кызынынъ етекшилеви мен аьзирленген «Болмаса ша халкым меним, язбас эдим алтын уьшин!» деген М.Курманалиевтинъ сыдыралары ман аталган адабият-аваслык композициясын коьрсеттилер. Ол окувшылар аьзирлеген видеокоьрсетуьвлер мен басланды, онда йыйылганлар

Б.Кулунчаковадынъ «Тунъгыш» деген повестинде суьвретленген авыл коьркин, авлакларын коьрдилер, сонъ К.Бариевтинъ, Б.Кулунчаковадынъ, А.Каплановтынъ, С. Майлыбаевадынъ яшаган меканларын, юрген орамларына кирдилер. Сосы шаирлер ятлавларын окувшылардынъ соьйленисли окувларында эситтилер. Йолыгыстынъ сыйлы конаклары болдылар Эдиге авылда тувып оьскен шаирлер: Россия журналистлер союзынынъ агзасы Алибий Узбек улы Капланов эм Россия язувшылар эм журналистлер союзынынъ агзасы Салимет Ахмат кызы Майлыбаева. Окувшылар «Голубь мира» деген ятлавды немец тилде окыдылар, оны коьширген А.Капланов. Солай ок Алибий Узбек улы «Подмосковные вечера» деген йырды оьзининъ коьшируьвинде ногай тилде йырлап эситтирди. С.Майлыбаева болса оьз соьзинде Эдиге авылынынъ талаплы аьдемлери, авылшылардынъ ис суьерлиги, аталардан калган аьдетлерди саклап билгенлери акында уьйкен суьйинишли давазы ман айтты. Окытувшылар болса онынъ «Анама» деген йырын йырладылар.

Эне соьйтип Эдиге авыл орта мектеби ногай тилимизге эм адабиатымызга сый-оьрмет эттилер!

Салимет Майлыбаева, Россия язувшылар эм журналистлер союзынынъ агзасы.

Карагыс айдынъ экинши куьнинде ногайымыздынъ акыны Алибий Романов, «Шоьл тавысы» газетадынъ бас редакторы Эльмира Кожаева ман бирге редакциядынъ коьлиги мен (оны айдайтаган аьруьв ясымыз Акболатов Эмиль мен) бирге Черкесск калага йолландык. Онда оькимет филармония меканында белигили шаьйиримиз, талаплы ногай кызымыз Фарида Сидахметовадынъ 50 йыллык мерекеси оьтеек эди. Йолымыз кызыклы, неге десе Алибий Романовтынъ элгезерлик яшавы акында туьрли хабарларды тынълаймыз, Астанага, Уфага барганы акында, ондагы миллет, маданият акында коьзи мен коьрген аьдемнинъ авызыннан эситилген соьзге тамашамыз келеди. Соьйтип, хабар йол кыскартар деп, Черкесске кайтип еткенимизди де билмей калдык.

Зал аьдемлерге толган, кирген ерде Черкесск каладынъ телеоператорлары Фарида Сидахметова акында хабарласувлар юритедилер, колларына шешекейлер байламларын алган ясы уьйкен аьдемлер аьли де асыгадылар залга.

Мерекелик кешликти юритуьвшилер Радмир Жибанов эм Алимат Матакаева ГТРК куллыкшылары юриттилер.

Биринши кутлав соьз бен сценага шыкты Карашай-Шеркеш республикасынынъ миллет куллыклары эм баспа бойынша биринши спецалисти Людмила Нурдин кызы Айсанова. «Суюмбике» ансамбили ярасык ногай кийимлерин

олтырганларга коьрсетти. Юмсак анъ ман сылув ногай кызлар сценада айландылар. Шаьйирдинъ шаьйирлик дуныясы акында толыша тешкеруьвли ойларын филология илмилерининъ докторы, Россия язувшылар союзынынъ агзасы, Карашай-Шеркеш гуманитарлык излев институтынынъ бас илми куллыкшысы Насипхан Хусин кызы Суюнова айтты. Оьткир тилли, бирерде айындырыктай яркыраган, бирерде терен тенъиздей тынык аккан поэзиясы Сидахметовадынъ аьр бир окыган аьдемнинъ юрегине синъип каладылар эм оларды автор оьзи окыганда, олар олтырганлардынъ баьрисининъ де юреклерин ириткенин яным ман сездим, коьзлерим мен коьрдим. Фарида Сидахметова Россия язувшылар союзынынъ агзасы болып 26 ясында алынган, уьйкен коьшируьв куллыгы уьшин Россия язувшылар союзынынъ правлениесининъ ой токтасы ман ога Антон Павлович Чеховтынъ медали тапшырылган. Эм халклар ара дослыкты беркиткени уьшин уллы карашай шаьйири Исмаил Семенов атлы медальди бергенлер. Онынъ коьплеген ятлавлары канатлы йырлар болып ногай тилде, ногайлар яшайтаган ерлерде ушадылар. Солардынъ бириси «Аямайсынъ, оьзинъди аямайсынъ» деген соьзлери мен аьр бир ана яшавына эпиграф болып калган. Сол йырды Алибий Романов домбыра шалып йырлады. Дагыстаннынъ халк язувшысы, Махачкаладан узын йолды кыскартып келген Б.Кулунчакова Фарида Сидахметова ман кайтип орта оьмирлердинъ шаьйирлерининъ дестанларын орыс тилге коьшируьв уьстинде куллык эткенлерин эскерди. Ногай район администрация басынынъ

ярдамшысы Амирхан Зейнадин улы Межитов аминистрация атыннан шаьйирдинъ тувган куьнине кутлав соьзлерин айтты. Кыймаслары эм калемдаслары Эльмира Кожаева эм Салимет Майлыбаева суьйикли аьдемине энъ де таза, шынты соьзлерин айтып, коьнъилине еттилер. Туьр Элиннен келген конак Сами Полат ясы уьйкен соьзин, автордынъ ятлавлары бойынша оьзининъ ойларын айтып озды. Фарида Сидахметова коьп йыллар узагында шаьйирлик яратувшылыгын авыр журналисьика аьрекети мен бирге коьтерип барады, ол « Карашай-Шеркеш оькимет телевидениесинде ногай тилде телеберуьвлер юритеди Эм аьр заман да туьрли кеспили аьдемлер мен кызыклы хабарласувлар юритеди. Сол сулыплы иси акында онынъ ис йолдаслары ГТРК директорынынъ ярдамшысы Михаил Накохов, Карашай-Шеркеш республикасынынъ ат казанган журналистлери Светлана Шендрик, Мусали Шаков, Рабиат Кокова эм Россия журналистлер союзынынъ агзасы Галина Алиева шыгып соьйледилер. Олардынъ аьр бирисининъ соьзлеринде биз разылык, оьнерли аьдемди оьрметлев, сондай ис йолдаслары ман оьктемсуьв эситтик. «Ногай давысы» газетадынъ бас редакторы, КЧРдинъ ат казанган журналисти А. Атуова, ногай шаирлеримиз Асан Найманов эм Зухра Булгарова Фарида Сидахметовага исси йоравларын, багыславларын окыдылар. Солай ок коьплеген конаклар. Шаьйирлер, билим тармагынынъ исшилери, ясы уьйкенлер суьйикли шаьйиримизге бир-эки авыз болса да, разылыгын билдирмеге суьйдилер. Йыравшылар Мая Рамазанова, Лиза Кокоева, Татьяна

Китаева яратувшылык йолыгысты оьзлерининъ билбил тавсылары ман ярасыкладылар. Сондай бийик коьнъилде биз де катнасып бу эстеликли йолыгыста, шоьлимизге канатланып кайттык.

Салимет Майлыбаева, Россия язувшылар эм журналистлер союзынынъ агзасы.

8 декабря в Дагестанском государственном педагогическом университете прошел круглый стол «Современные проблемы сохранения и развития рутульского языка», организованный ДГПУ при содействии Общественной палаты РД и администрации Рутульского района.

Приветствовав участников круглого стола, модератор Вагаб Казибеков, член Общественной палаты РД, представил студентов факультета дагестанских языков ДГПУ, которые прочитали стихи на рутульском языке современных авторов.

Ректор ДГПУ Магомед Абдулаев информировал присутствующих о том, что в педуниверситете созданы все условия для подготовки специалистов рутульского языка, функционируют четыре докторских совета, издаются три журнала Всероссийской аттестационной комиссии, где публикуются научные статьи, в том числе и по языкам.

Подчеркнув высокую значимость мероприятия, министр по национальной политике Дагестана Татьяна Гамалей отметила, что Стратегия государственной национальной политики Российской Федерации направлена не только на укрепление российской нации, российского гражданского единства, но и на сохранение этнокультурный самобытности народов России. «Язык – основа этнокультурного кода. Для его сохранения и развития важно и научное исследование, и преподавание, и живая жизнь языка: развитие литературы, оригинальной и переводной, становление полифункциональности языка, интерес к языку его носителей», –сказала она.

По словам Т. Гамалей, вопросы сохранения и развития дагестанских языков находятся в поле постоянного внимания Министерства по национальной политике Дагестана.

Директор Института языка, литературы и искусства им. Г. Цадасы ДНЦ РАН Магомед Ибрагимов ознакомил собравшихся с данными проведенных институтом исследований, согласно которым 92% учащихся махачкалинских школ не владеют родным языком или владеют им на бытовом уровне. По словам М. Ибрагимова, в Дагестане ситуация с родными языками обстоит хуже, чем в других регионах России, что вызывает особую тревогу ученых.

Магомед Магомедов заметил, что в Рутульском районе также много нерешенных вопросов, в частности, не определен статус языка селения Н. Катрух.

Директор Дагестанского научно-исследовательского института педагогики им. А.А. Тахо-Годи Гамидулах Магомедов информировал участников круглого стола, что в 1991 году ДНИИП была создана

письменность на рутульском языке на основе Мхатского диалекта, подготовлена методическая база. Он выразил сожаление, что круг авторов учебников рутульского языка очень узок. По словам ученого, в последние годы в средствах массовой информации стали подвергать сомнению правильность выбранного диалекта в качестве литературного языка, издаются альтернативные учебники. Эти действия не способствуют консолидации усилий по сохранению и развитию младописьменных языков Дагестана.

Гамидулах Магомедов отметил, что стараниями дагестанского научного сообщества в 2008 году в ст. 5 Закона об образовании были внесены изменения об обязательном, а не факультативном обучении родным языкам.

«Но надо менять отношение к языку, профессионально доказывать необходимость изучения родного языка, который помогает формированию национальной идентичности», – подчеркнул он.

Г. Магомедов сообщил собравшимся, что уже три года не издаются учебники на родных языках из-за необходимости проведения дорогостоящей экспертизы, что является основной причиной дефицита школьных учебников дагестанских языков.

Директор рутульской школы Ямудин Таибов обозначил проблемы, связанные с рутульским языком, в числе которых – недостаточная учебно-методическая обеспеченность школ, отсутствие подготовленных кадров и другие. С целью сохранения и развития рутульского языка директор школы рекомендовал организовать обращение по телевидению авторитетных людей с пропагандой родного языка, ввести преподавание рутульского языка в местах компактного проживания рутульцев, в городских школах с числом учащихся-рутульцев более трех, издавать художественную литературу на рутульском языке; разработать меры по приостановлению миграции рутульского населения в города.

В рамках круглого стола также выступили председатель Ассоциации бизнес-сообщества Махачкалы Абдулла Пахрудинов, историк-краевед Муслим Мухараджев, журналист РИА «Дагестан» Махач Вердиев, общественный деятель Интизар Мамутаева и другие.

В мероприятии приняли участие специалисты-языковеды, представители министерств и ведомств, научного сообщества, преподаватели и учителя родных языков вузов и школ, студенты, представители общественных организаций и СМИ.

Ася Мусакаева

Антитеррористическая комиссия Ногайского района с начала текущего года в образовательных и культурных учреждениях провела  712 профилактических мероприятий в сфере противодействия идеологии терроризма с участием  более 15 тысяч человек. Об этом заявила специалист аппарата АТК администрации района Зарина Уразаева на подведении предварительных итогов работы АТК за текущий год.

«С целью исполнения мероприятий по реализации Комплексного плана противодействия идеологии терроризма в Российской Федерации на 2013-2018 годы в районе и Комплексной программы противодействия идеологии терроризма в районе на 2016 год и по исполнению мероприятий приоритетного проекта развития Республики Дагестан “Безопасный Дагестан” проведено три плановых заседания АТК в МО. Члены Аппарата АТК принимали участие в двух заседаниях антитеррористических комиссий сельских поселений», – пояснила докладчик.

По словам Зарины Уразаевой, в 2016 году организовано и обеспечено исполнение 2 поручений НАК РФ и 12 поручений Антитеррористической комиссии в Республике Дагестан. Подготовка к заседаниям АТК и проведение совещаний, а также оформление делопроизводства осуществляется в соответствии с методическими рекомендациями АТК в РД.   

Согласно утвержденному графику специалистами отдела духовного просвещения ДУМД во всех 16 общеобразовательных организациях района, во внеурочное время, проведено более 40 лекций по основам и нравственным принципам ислама.

Также рассмотрены вопросы вероучения религии, в которых особое внимание уделяется профилактике идей радикального ислама. Для проведения адресной профилактической работы с лицами выделенных категорий активно привлекаются и духовные деятели.       

По инициативе аппарата АТК района проведен муниципальный конкурс сочинений среди учащихся 9-11 классов по теме «Моя гражданская позиция в сфере противодействия идеологии терроризма и экстремизма». Призы для победителей конкурса (два мобильных телефона и планшет) были приобретены за счет привлечения спонсорских средств. Масштабно и с участием министра по делам молодежи РД Арсена Гаджиева проведены в Ногайском районе мероприятия, посвященные Дню солидарности в борьбе с терроризмом (митинги, открытые уроки, конкурс детских рисунков на асфальте, изготовление плакатов, транспарантов, запуск   шаров в небо, символизирующих российский триколор).   

Заместитель главы администрации Ногайского района по общественной безопасности Амирхан Межитов напомнил, что согласно приказу Минобрнауки РД №1446-09/16 от 31 мая 2016 года «Об утверждении и внедрении факультативного учебного курса «Многонациональная Россия – многонациональный Дагестан» во всех образовательных учреждениях Ногайского района с 1 сентября 2016 года введены факультативные занятия.

Амирхан Межитов подчеркнул, что в рамках деятельности АТК в районе созданы рабочие группы специалистов, экспертов и блогеров, специализирующихся по проблематике экстремизма и терроризма, и группа по противодействию идеологии терроризма, в состав которой включены председатель Общественной палаты района и специалист по трудоустройству безработных граждан Центр занятости района.

«Рабочие группы также функционируют во всех 10 сельских поселениях Ногайского района. Принятые меры позволили в текущем году обеспечить сохранение в районе стабильной обстановки, отсутствие преступлений террористической направленности и не допустить распространение радикальной идеологии среди молодежи», – резюмировал руководитель АТК Ногайского района Амирхан Межитов.

Ася Мускаева

Аьлиги Раби-уль-авваль – Мавлид айымыз дуныядагы баьри мусылманлар уьшин энъ сыйлы айларымыздынъ бириси болады. Бу айда Яратувшымыздынъ суьйикли энъ ызгы элшиси Мухаммад пайхамбар (ога тынышлык эм разылык) тувган. Ол дуныя ярыгына тувганда ок, ога юреклеринде бир кишкей акыйкатлыгы бар болган баьриси де суьйинген. Ама тек ялгыз бир Кудайымыз билетаган эди оны алдыда не зат куьтетаганын. Оьзининъ балалыгы, яслыгы оьткен калада ога Кудайымыздан биринши билдируьвлер йиберилип басланган шакта, Алладынъ элшисине (ога тынышлык эм разылык) соны дайымга калдырып кетпеге туьскен. Баска бир кала эм онынъ яшавшылары оны кушакларын кенъ яйып йолыкканлар, колтыклаганлар. Саьвлели Медина онынъ энъ ызгы турак ери болды, сонда буьгуьнлерде Яратувшымыздынъ энъ ийги аьдеми – Мухаммад пайхамбардынъ (ога тынышлык эм разылык) камырына зиярат коьрмеге миллионлаган мусылманлар келедилер.

Аьр бир динге сенетаган аьдемнинъ яшавында ол зат уьйкен орынды бийлейди. Аьли де онынъ атын атаганда бизим юреклеримиз телезийди. Биз бирерде оьз яшавымызга, онынъ кыйынлыкларына шагынамыз. Ога болса тынышлыктынъ эм яхшылыктынъ дини Исламды, энъ ызгы динди, неге десе оннан сонъ баскасы йиберилмеек, таралткан заманда не шаклы коьп авырлык коьрмеге туьскен. Мухаммад – баьри пайхамбарлардынъ оьрметлиси.

Раби-уль-авваль ал деп караганда, баска айлардан бир зат пан да артык болып коьринмегендей болады, неге десе солардынъ аьр бирисинде мусылманлар уьшин кайдай ды бир маьнели ислер болганлар. Дурысында да, бу сыйлы айымыз тагы да бир кере мусылманларды Алла-Тааладынъ суьйикли элшисине суьйимлиги мен бирлестиреди. Бу айда пайхамбарымызды мактайтаган, онынъ данъклы яшавын оьрметлейтаган, Исламнынъ тарихиннен аьдемге акыл беретаган дерислерди эске салатаган мавлидлердинъ аьр бир уьйде оьткени калай ийги! Мавлидлер аьлиги заманларда уьйшилик аьдетиннен шыгып, межигитлерге, орамларга, авыл-калаларга дейим таралган. Соларда Алла-Тааладынъ элшисин (ога тынышлык эм разылык) мактайдылар, оны ийги соьзлери мен эскередилер. Сувык кыс заманына да карамастан, аьдемлер уьйлериннен орамларга шыгадылар, мавлидлерди оьткеруьвде белсенли катнасадылар, куваныш пан оьз авылдасларын, конъсыларын ийги ас зияпетлери мен сыйлайдылар, садака пайлайдылар.

Раби-уль-авваль айы авыл эм кала, республикалык оьлшеми болган туьрли шараларга толы: Мухаммад пайхамбардынъ (ога тынышлык эм разылык)

яшав йолы бойынша, мавлидлер, ийги оьнершилик куллыклар язув эм аьзирлев бойынша конкурслар оьткериледилер.

Мавлид оьткеретаган куьн биз конаклардынъ келуьвине эртеректен аьзирленемиз: уьйимизди таза этип йыйнаймыз, даьмли аслар аьзирлеймиз, юреклеримиз куванышка, ийгиликке толады.

Элбетте, мусылманлар уьшин тагы да бир маьнели Рамадан айы бар, ама Раби-уль-авваль айы биз уьшин соны ман маьнели, неге десе мине бу айда дуныя юзине бизим суьйикли Мухаммад пайхамбарымыз (ога тынышлык эм разылык) тувган. Ол сыйлы Меккада тувган, саьвлели Мединада койылган. Ол Кудайымыздынъ ялгыз эм бир Яратувшы экенине сенетаган аьр бир аьдемнинъ яшавына кирген. Онынъ уьшин бу дуныя эм сонда бар болган баьри затлар да яратылган. Ол аьдемлик тарихинде энъ де яркын ызын калдырган. Оьз халкыннан коьп сынавлар шексе де, ол аьдемлерге Акыйкатлыкты еткерген. Онынъ йолын, ол бизге еткерген динди Ер планетадынъ баьри туьрли муьйислеринде яшайтаган миллионлаган аьдемлер тутадылар.

А.Арсланов,

дин аьрекетшиси.