Янъыларда Ногай районымыздынъ орталыгы Терекли-Мектеб авылында орынласкан А.Тахо-Годи атындагы миллет музейининъ филиалында, бир куьн ишинде, Кавказ еринде болган урыслардынъ 80 йыллыгына эм Дагестан Республикасынынъ Конституция куьнине багысланган маьнели шаралар болып озды. Сондай салдарлы куьнлерге багысланган шараларда «Ногайский район» МР администрациясынынъ эм Согыс эм Савытлы куьшлер ветеранлар советининъ председатели Акманбет Мусаевич Сангишиев, Хатын-кызлар советининъ председатели Асият...

Франциядынъ бас каласы Париждеги Бранли ягасындагы россия ян-коьнъил-маданият православие орталыгында ногай суьвретши Сраждин Батыровтынъ суьвретлерининъ вернисажы болып оьтти.

Театр оны каравшылар уьшин – аьлемет ер, артист уьшин болса, театр коьп куьшин эм янын берген савлай яшавы болады. Оьзлерин савлайын берип, аьр бир коьрсеткен спектакльде ойнайдылар Ногай патшалык драма театрынынъ артистлери. Ама олардынъ янъыларда уллы сахнада оьнер усталык эм исине оьзлерин савлай багыслап ойнавынынъ акында айырым, уьйкен оьктемлик пен айтпага тийисли.

Белгили ногай шаири, КЧР Халк язувшысы Суюн Имамалиевич Капаев мен бала заманда Караногайга уьйкен язувшылар куьби мен келип, авылларда йолыгыс этип кеткени эсимде.

Ногай район орталык китапхана тармагынынъ куллыкшыларында бир ийги аьдет бар. Олай дегеним, китапхана куллыкшылары аьр йыл басланаяк шагында оьзлерине календарь туьзедилер, бу ерде де анълатып озайым, басланаяк йылда кайсы шаирлер эм язувшылар тувганларын белгилейдилер (мунда орта оьмирлерде яшаган эм язган аьдемлер, уллы классиклер эм аьли бизим янларымызда, араларымызда яшайтаганлар да киредилер).

Махачкалада, Алим-Паша Салаватов атындагы Кумык драма театрында Дагестан Халк поэти, Дагестан Язувшылар союзынынъ Правлениесининъ секретари, ДР ат казанган маданият куллыкшысы Анварбек Култаевтинъ яратувшылык кешлиги болып оьткен.