ДР Оькиметининъ телеграм-каналында билдирилгенлей, Дагестан Республикасы «Алтын куьз-2022» савлайроссиялык агропромышленность тармагынынъ выставкасында Гран-при алды.
Новость на родном
Юреклерди коьтерген, баьтирлерге куьш берген
Оьсип келеяткан несилди оьзининъ тувган ерин суьйип, халкынынъ аьдетлерине, маданиятына эс эттирип тербиялав аьлиги заманга келисли борыш болады. Сога коьре, балаларды ата-бабаларымыз асабалыкка калдырганды суьйип эм сыйлап уьйретуьв керек. Бурынгы саз алатларда балаларды ойнап уьйретуьв де сол патриотлык тербиялавга киреди. Саз алатларда ойнап билуьв саьбийлерге оьзин халкынынъ бир кесеги этип сезбеге, аьвелгиди бааламага, келеектегимиз уьшин...
Новость на родном
Енъуьвшилердинъ сырасында
Янъыларда Махачкала каласында «Тынышлы Дагестан» деп аталган республикалык кинофестивальдинъ тамамлары келтирилди. Бу фестиваль Дагестан Республикасында 7-нши кере озгарылып туры. Фестивальдинъ бас темасы – терроризмге эм экстремизмге карсы турув.
Новость на родном
«Ногай Эл» балалар бавындагы байрам
Ногай районынынъ балалар бавларында патриотлык тербиялавга уьйкен маьне бериледи. Районымыздынъ келеектегиси, онынъ аьлиги кишкей яшавшылары – балаларда тувган ерине, республикасына эм Элине суьйим эндирер ниетте туьрли шаралар уйгынланадылар. Дагестан халкларынынъ бирлик куьнине багысланып, янъыларда «Ногай Эл» балалар бавында байрам озгарылды. Шарага деп мунда байрам залы бек ярасык безекленген: Дагестан халкларынынъ туьрли зияпетлери айырым сыпыраларга тизилген,...
Новость на родном
Халкларды бирлестирип
Дагестан аьвелги тарихи эм бай маданияты болган республикалардынъ бириси болады. Дагестан тек тавлардынъ эли болып калмай, бас деп, ол коьп санлы халкларынынъ эм тиллерининъ эли болады. Аьр бир халктынъ оьзининъ оьрметли авыллары бар. Сол авыллар биреви юннен кийгизлер басувы ман, экиншиси йыныслы койларды оьстируьв мен, агаштан, тастан оюв усталары ман белгили, уьшиншисинде калшелер тогыйдылар, ярасык...
Новость на родном
Ногай шоьллиги 1942-нши йылдынъ август-декабрь айларында
(Басы 34-36-ншы номерлерде). Аьскер боьликлердинъ азайган сыралары бас деп Караногай эм Кизляр округынынъ баска районларынынъ призывниклери мен толыстырылып турган. Айтпага, Терекли-Мектеб СССР-да немецлер басып алган энъ де куьнтувар район орталыгы деп саналган. 1942-нши йылдынъ август айында Буденновск эм Ашыкулак авылы ерлерине немец командованиеси айырым маьнелиги болган «Ф» корпусын (сонынъ командири генерал Гельмут Фельми эди) орынластырады....
Новость на родном
Оьмирлер татымлыкта эм бирликте
Дагестан халкларынынъ бирлик куьни республикамызда 11 йылдан бери белгиленип келеди. Бу байрам Дагестанда яшаган халклардынъ оьмирлик татымлыгынынъ белгиси болады. Сол ортакреспубликалык байрамды беркитуьв акында карар Дагестан халкларынынъ III Курылтайында кабыл этилинген. Белгиленген карар официаллык аьлде ДР Президентининъ Указы ман 2011-нши йылдынъ 6-ншы июлинде беркитилген.
Новость на родном
Саьбийлердинъ юреклерине сокпак салган
«Шоьл тавысы» газетамыздынъ бетлеринде, элимиздинь туьрли муьйислеринде баска миллетлер мен бир сырада етимисли аьрекет этип, оьзлерин тек ийги ягыннан коьрсетип келген ясларымыздынъ акында йыйы язып келемиз. Буьгуьнги меним хабарым да – ногай шоьлинде тувып оьскен эм мине коьп йыллар бойы Ханты-Мансийск автоном округы бойынша Сургут каласындагы балалар бавында педагогикалык исин уьстинликли юритип келген Альмира Койлыбаева...
Новость на родном
Сайлавлар законлы йорыгы ман озсынлар
Ногай район администрациясынынъ кезекли кенъесинде эки маьнели сорав ортага салынып ойласылган. Аьдетке коьре, шара савгалавдан басланды. Ра- йон аькимбасы Джамалутдин Эсиргепов регионлар ара эркин куьрес бойынша «Шоьл баьтирлери» турнирин оьткеруьвде белсенли катнасканы уьшин «Карлыгашлар» балалар хореографиялык ансамблининъ оьнер етекшиси Альмира Тунгатаровага, солай ок миллет кийимлерининъ республикалык фестивалинде уьстинликли ортакшылык эткени уьшин район администрациясынынъ бас специалисти...
Новость на родном
Маьнели соравлар ойласылды
Ногай район аькимбасы Джамалутдин Эсиргеповтынъ етекшилиги мен кезекли аппарат кенъеси болып оьткен.
