«Ногайский район» МР аькимбасы Джамалутдин Эсиргепов Дагестан Республикасынынъ Халк Йыйынынынъ депутаты Мурзадин Авезов пан биргелесте Терекли-Мектеб авылынынъ дренажынынъ (ерди сувдан тазалав) мониторингин оьткерген. Аьлиги заманда авыл дренажынынъ экинши кесеги бойынша куллыклар тамамланып туры, бир шакырымнан аз ер тазаланмай калган. Экинши кесектинъ узынлыгы 13 шакырым болады, солардынъ 6 шакырымнан артыгы авылдынъ ишиннен оьтеди. Тазалав ислер караша...
Ногай районынынъ орталыгы – Терекли-Мектеб авылында «Меним Дагестаным – меним йолларым» деген приоритетли проектти яшавга шыгарув ниет пен йолларды ярастырув ислер юритиледи, бу проект 2019-ншы йылдан алып аьрекетлейди. Аьлиги заманда сондай куллыклар ногай шаири Гамзат Аджигельдиевтинъ атындагы орамда юритиледи.
Озган юма Ногай район администрациясында муниципалитет аькимбасынынъ орынбасары Баймагомед Ярлыкаповтынъ етекшилиги мен коллегиядынъ кезекли кенъеси озгарылды. Онынъ исинде Ногай район администрациясынынъ Ямагат палатасынынъ председатели Эльмурза Саитов, солай ок республикалык эм район организациялардынъ етекшилери эм куллыкшылары катнастылар. Йыйында эки сорав каралды. «Ногайский район» МР администрациясынынъ турак -коммуналлык хозяйствосынынъ 2022-2023-нши йыллардагы куьз-кыс мезгиллерине аьзирлиги акында Ногай район...
Уллы Аталык согыс йылларынынъ кайгылы оьзгерислери бизден узакка кете бередилер. Онынъ кайнасында болганлар эм сол каты йыллар азабын шеккенлер азая береди. Эм бизге, аьли яшайтаганларга, Аталыгымыздынъ алдынгы йигитлиги акында, уьйкен баа ман етисилген Уллы Енъуьв эстеликти келеектеги несиллер уьшин саклав деген бек маьнели.
Республикалык инвестиционлык программа эсабында Ногай район орталыгында 47 миллион маьнеттинъ акша карыжына орталык стадионнынъ курылысы юритиледи. Соны Хасавюрт каладан «Агат» ООО юритеди. Аьлиги заманда дренаж салув бойынша ислер бардырылады.
Кыйынлык келгенде, Элимиздинъ, соны ман бирге Ногай шоьлдинъ, алал увыллары Аталыгымызды, кардаш халкты коршаламага турдылар. Олардынъ тамырларында ювырган, эркли ата-бабаларымыздан коьшкен кан йигитликке шакырды. Тувган ериндеги тынышлы, рахатлы, онъайлы яшавды калдырып, йигерли эр кисилер баьтирликке йол алдылар. Аьлиги, элимиз уьшин кыйынлы заманда, ногай ясларымыз тек патшалыктынъ буйырыгын толтырып тувыл, юрек шакырувы ман спецоперациядынъ катнасувшылары болдылар....
Дагестан Республикасынынъ Аькимбасы Сергей Меликов оьз телеграм-каналында билдиргенлей, Элимиздинъ басшысы В.Путиннинъ билдирген толы болмаган мобилизацияга яваплап, Аталыгымыздынъ япсарларын явдан коршалав ниет пен оьз эрки мен спецоперацияда катнаскан аьскершилер аьеллери 100-ер мынъ маьнет акша алаяклар. Ол солай ок баьри муниципалитетлер аькимбасларын эм ерли-еринде военкомларга сол акшады тийислилер заманында алганын уйгынламага тилек салды.
Дагестан Республикасыннан, ОНФ билдиргенлей, 14 аьдем «Путиннинъ командасы» баргысынынъ катнасувшылары болдылар. Ол Федераллык Халк Фронтынынъ баславы ман Элимиздинъ онъайлыгы уьшин, кавыфлыкка карамастан, белсенли ислеген эм ислейтаганлардынъ кыйынын белгилев уьшин токтастырылган.
Кайсы заманларда да элимизде Аталыгын явдан йигитлерше коршалаган эр кисилер болганлар. Бизим аьдемлер оьз ерин душпаннан коршалаятып, артка бир де таймаганлар. Уллы Аталык согысы йылларында бизим атайларымыз нацистлерге элимизди алмага бермегенлер. Буьгуьнлерде, сол кан тоьгисли эм баьтирлик оьзгерислер болганлы 80 йыллар озган сонъ, ветеранлардынъ уныклары эм немерелери нацизмге карсы эм эли – Россияды коршалавга турдылар.
Украина еринде специальли аьскер операциясы юретаганлы ярым йылга да ювыклап бараятыр. Куьн сайын россия аьскершилери Донецк эм Луганск халк республикаларыннан йигитлер мен биргелесип, йигерлик эм баьтирлик коьрсетип, ерли яшавшыларды коршалап, XXI оьмирде кайтадан турган – фашизм эм неонацизм баьлеси мен белсенли куьрес юритедилер.
