Озган юма сонъгы куьн район мектеблеринде ызгы занъ согылды. Коьплеген окувшылар тувган мектеби мен аманластылар. Карагас авылынынъ К.Кидирниязов атындагы орта мектебинде де шатлыклы шара озды. Ярасык кийимлер кийген окувшылар, ата-аналар, конаклар мектебтинъ азбарында йыйылганлар. Окув йылы биткени акында билдирген байракты туьсирмеге ыхтыяр Россия Федерациясынынъ Сыйлы куллыкшысы, окытувшылык тармагынынъ ветераны К.Сатыровага, мектеб активистлери Даниял Кошановка, Аминат...
Оьткен юма сонъгы куьн Ногай районынынъ баьри мектеблеринде ызгы занъ байрамы болып озды. Ол – аьр окув йылынынъ шатлыклы оьзгериси эм выпускниклерге армаганда коьтерилуьвде маьнели орын тутады. Ногай район билимлендируьв боьлигининъ етекшиси Алтын Агаспарова белгилегенлей, быйыл 2022-нши йылда муниципалитетлер мектеблерин 107 выпускниклер окып битирдилер.
Ердесимиз, ногай йигитимиз Мамедья Култаев, Москва каласынынъ Кутафин атындагы патшалык юридический академиясынынъ студенти, аьр йыл сайын озгарылатаган MSALAWARDS – энъ де ийги студентлер премиясынынъ иеси болды.
Бальбек Аджибайрам увылы Кельдасов – тарихши, Орыс географиялык ямагатынынъ Ногай боьлигининъ туьзуьвшиси. Быйыл сыйлы ясуьйкенимизге 90 яс толаяк эди. Оькинишке, оьзи буьгуьнлерде касымызда йок, болса да биз, онынъ исин бардырувшылары, окувшылары, онынъ эсин оьмирлетуьв ниет пен белгили ердесимиздинъ азбарында ез мемориаллык такта илмеге токтастык. Сонда булай язылган: «Дагестан Республикасынынъ Ногай районында краевед эм географиялык барысын...
Дагестан Республикасы, ясылшалар оьстируьв ерлерин кенъейтип, коьп онъыс алувга онъланган. Сонынъ акында айтты оьткен дуьйсемби куьн озгарылган Оперштаб кенъесинде Дагестан Республикасынынъ авыл хозяйство министри Мухтарбий Аджеков.
Дагестан Республикасынынъ Аькимбасы Сергей Меликов Дагестаннынъ калалар эм авыллар аькимбасларына, инвестпроектлерди яшавга шыгарувга артык эс каратып, сол маьнели аьрекетте белсенлик пен ортакшылык этпеге шакырув этти.
Буьгуьнлерде Украина еринде оьтетаган спецоперациясында ортакшылык этетаган ердесимиз – Червленные Буруны авыл яшавшысы Руслан Мусауровтынъ аьелинде 9-ншы Май куьнинде дуныя юзине кишкей саьбий энди. Ата-анады, олардынъ ювыкларын суьйинтип увыл тувды.
Ногай район орталыгында, коьптеги аьдетке коьре, Енъуьв байрамы ногай халкынынъ Баьтирлер аллеясында эстеликлерге, «Данък» орденининъ толы иеси Алимхан Асанов атындагы орамдагы эстеликли белгиге шешекейлер байламларын салувдан басланды.
9-ншы Май – ол тек байрам тувыл, ол – сыйлы эм оьрметли уллы куьнлердинъ бириси. Енъуьв куьни элимиздеги аьр бир аьел эм аьр бир аьдем уьшин маьнели байрам. Бизим элимизде согыс йылларда ювыгын йоймаган яде аьзизин фронтка йолга салмаган аьдем йок болар.
Уьстимиздеги апрель айынынъ 27-де ДР Аькимбасы Сергей Меликовтынъ кабыл этилинип алынган 90-ншы номерли Указы ман Дагестан Республикасынынъ Конституциясынынъ 78-нши статьясынынъ 2-нши пункты ман келисте Мухтарбий Кошманбетович Аджеков Дагестан Республикасынынъ Авылхозяйство эм азык-туьлик министри этилинип беркитилген.
