9-ншы Май – ол тек байрам тувыл, ол – сыйлы эм оьрметли уллы куьнлердинъ бириси. Енъуьв куьни элимиздеги аьр бир аьел эм аьр бир аьдем уьшин маьнели байрам. Бизим элимизде согыс йылларда ювыгын йоймаган яде аьзизин фронтка йолга салмаган аьдем йок болар.
Уьстимиздеги апрель айынынъ 27-де ДР Аькимбасы Сергей Меликовтынъ кабыл этилинип алынган 90-ншы номерли Указы ман Дагестан Республикасынынъ Конституциясынынъ 78-нши статьясынынъ 2-нши пункты ман келисте Мухтарбий Кошманбетович Аджеков Дагестан Республикасынынъ Авылхозяйство эм азык-туьлик министри этилинип беркитилген.
Эр киси аьр заманда да Аталыкты коршалавшы болган. Неше йигитлеримиз де дав майданларда бизим тынышлыгымызды саклав ниет пен янларын бергенлер. Олардынъ кайбирисининъ аты бизге белгили. Донбассты эм Украина ерин националистлерден босатув бойынша оьтип турган спецоперациясында аьскершилеримиз баьтирлик коьрсетедилер, оькинишке, ян бергенлер де бар.
Уллы Аталык согысынынъ топларынынъ атувлары токтаганлы эндиги 80 йылга ювык заман оьтип барса да, бизим элимиз сонынъ акында мутпайды. Мутпайды, неге десе дав – ол халкымыздынъ тарихининъ салдарлы уьйкен кесеги, бизим оьмирлик ян дертимиз, юрек сызлавымыз эм данъклы оьктемлигимиз.
Буьгуьн эндигиси биревге де сыр тувылдыр, Уллы Аталык согысы йылларында герман аьскерлери кесек заман басып алган Совет Украина ерлеринде тыныш яшайтаган гражданларга эм совет аьскерлерине карсы бир неше украин националист козгалыслары аьрекетин бардырганлары. Сондай нацистлердинъ айырым отрядлары Карпат тавлары эм орманлары арасында ясырынып, тап 50-нши йылларга дейим де оьз террор ислерин бардырганлар эм ызында НКВД...
Аьр окув йылдынъ ызына ювыклап келуьви мен биз оьз аьрекетимиздинъ тамамларын келтиремиз. Оьткен йыллар ман тенълестируьвлер де боладылар. Сав окув йыл ишинде выпускной класслардынъ окувшылары ман куллык юритиледи, олар йыл узагында алдыларындагы Патшалык тамамлав аттестациясына эм Ортак патшалык сынавларга аьзирлик коьредилер. Соны ман байланыслы болып, 2021-нши йылдынъ тамамларына коьре, 2022-нши йылда Патшалык тамамлав аттестациясын уйгынлав...
Йигитлик – эр кисидинъ иси деп айтар эдим, ама яшав бойынша хатын-кызлардынъ эткен йигитликлери акында да айтылып келеди. Йигитликке кайсы заманда да орын табылады: тынышлы яшавда да, согысларда да.
«Коьз – аьдем янынынъ бияласы». Соьйтип айткан язувшы, адабиат классиги Лев Николаевич Толстой. Неге коьзлер? Неге десе аьдем оьзининъ ишки сезимлерин ысламага да, янына оьткен соьзлерди эситсе де, эситпегендей болып коймага да болар, ама онынъ коьзлеринде ишки дуныясынынъ коьнъили, хабарлап турган аьдем мен катнасы, соьйленетаган соьздинъ ога яраганы яде ярамаганы суьлдерленеди.
Сессиядынъ баслапкы соравы бойынша район депутатлар алдында Ногай районынынъ 2021-нши йыл уьшин социал-экономикалык оьрленуьви акында эсап беруьв доклады ман Мухтарбий Аджеков шыгып соьйледи (онынъ докладын газетамыздынъ сайтында эм бу номерде окымага боласыз).
Дагестанлы Джавад Мамутов (суьвретте) Украина еринде озгарылатаган спецоперациясында йигитлик коьрсеткени акында уьстимиздеги йылдынъ 27-нши куьнинде телевидениединъ Биринши орталык каналында айттылар. Тамада лейтенант Джавад Мамутов оьзининъ ракеталы эсабы ман караклардынъ ети оперативли-тактикалык куьплерин, бир аьскерши аэродромды эм уьш ПВО тармакларын бузгышлаган.
