Дагестан Аькимбасы Сергей Меликов РФ Оькиметининъ Председателининъ орынбасары Александр Новактынъ Сырт-Кавказ федераллык округынынъ регионларынынъ етекшилери мен оьткерген йыйынында республикадагы уьйкен маьнели проектлерин яшавга шыгарувдынъ статусы акында хабарлаган.
Уьстимиздеги йылдынъ коькек айынынъ 14-нши куьнинде Ногай районынынъ Карагас авылында киши футбол майданы ашылды. Бу майдан авыл япсарларын оьрлендируьв программа ишинде курылган. Майдан, аьлиги заманнынъ баьри янъы технологиялары кулланылып, курылган. Сол туьзлик спорт курылысы (мунда киши футбол эм волейбол майданлары ерлестирилген) авыл яшавшыларына бек ийги савга болады. Сол майданнынъ ашылувы Карагас эм сонынъ тоьгерегиндеги авыл...
Юма сайын Ногай районынынъ администрациясында болатаган кезекли йыйынында, бизим районымызда «Россия халклары: Ногайдынъ асабалары» деген документальли фильмнинъ согылаягы акында соьз коьтерилди.
Ногай район орманлык хозяйствосынынъ куллыкшылары ман, Уллы Аталык согысынынъ ветеранларынынъ, катнасувшыларынынъ эстелигине багыслап, эстелик бавын олтыртув акциясы озгарылды. Акция барысында Ногай районымыздынъ орталыгындагы учреждениелериннен кыркка ювык куллыкшылары ортакшылык эттилер.
Оьткен 2021-нши йылдынъ ис сырагылары бойынша Ногай район ветеринария управлениеси Дагестан Республикасынынъ 60-ка ювык ветеринария управлениелери арасында энъ ийги ис коллективи деп белгиленген. Сондай йогары сыйга управление куллыкты ийги уйгынлавы эм кайратлы иси уьшин тийисли этилинген.
12-нши апрельде Дагестан Аькимбасы Сергей Меликовтынъ етекшилиги астында янъы коронавируслы инфекциядынъ яйылувына карсы турув оперштабынынъ кенъеси озгарылды. Ол пандемиядынъ яйылувы ман байланыслы аьл заьлимдей ийгиленгенин белгиледи. Соны ман, онынъ айтувына коьре, больницага салынмага керексинетаганлар, солай ок амбулатория аьлинде эмленетаган авырувлылар саны кемиген.
Юма басында оьткен кезекли кенъесте Ногай район аькимбасы Мухтарбий Аджеков Ногай район ветуправление етекшиси Кельди-Мурат Шамаровты муниципалитеттинъ Сый грамотасы ман савгалады (алдын организация аьрекет сырагылары бойынша 1-нши орынды бийлегени Дагестан Оькиметининъ Сый грамотасы ман белгиленген).
Терекли-Мектеб авылы. Ол тек Ногай районнынъ тувыл да, коьп йыллар артта халкымыздынъ бир курылтайында белгиленгенлей, дуныя юзине шашырап яшайтаган баьри де ногайлардынъ орталыгы болып саналады. Болса да, бирер аьдемлер, ызгы йылларда сондай ой-токтасты дурыс деп коьрсе де, оьзлерининъ непсикор ниетлерине таянып (оьзгелей кайтип айтаяксынъ), авылдынъ тувра ортасыннан да, парк ериннен де байыр планлар алып, туькенлер,...
Ногай район администрациясынынъ кезекли аппарат йыйынында район яшавынынъ аьлиги замандагы бир неше маьнели соравлары ортага салынып ойласылды.
Дагестан Аькимбасы Сергей Меликов 31-нши мартта Дагестан Республикасынынъ Халк Йыйынынынъ кезекли сессиясында оьткен 2021-нши йыл бойынша Дагестан Республикасынынъ Оькиметининъ ис аьрекетининъ тамамлары акында эсап беруьв доклады ман шыгып соьйлеген.
