Россия Президенти Владимир Путин РФ Оькиметине эм «Газпром» ОАО-га газ тармагы бар болган авыл ерлеринде газ еткерилмеген гражданлардынъ уьй участокларынынъ япсарларына дейим газды тегин элтев акында тапшырмалар берген. Соны ман байланыста сол исти бажарув уьшин аьризе беруьвдинъ йорыклары эм заманы акында газетамыздынъ хабаршысы ООО «Газпром газораспределение Дагестан» Ногай районындагы ЭГС етекшиси Шамиль Акбулатовтан явап алган.
Янъыларда мен бу кавыфлы эм юкпалы инфекциялы маразын басымнан оьткердим, эм бу куьнлерде ден савлыгым яман тувыл. Авырув менде аста-аста оьрленди: баслап йоьткирик кыстап баслады, сонъ бир неше куьнлер узагында 37-38 градус оьлшеминде эт кызув сакланып турды, тамакланув дережеси туьсти, ийис сезбей, шаркта аьдемди арытатаган кайдай ды бир авырлык тувды. Эм мине тергелген сонъ, бу...
Буьгуьнде биз янъы коронавируслы инфекция быйыл да оьз орынын беркитетаганынынъ шайытлары боламыз. Эм бу эпидемиядынъ яйылувынынъ себеплерининъ бириси – элимиз бойынша, сонынъ ишинде бизим республикамызда да, вакцинация процедурасын оьткенлер саны тоьмен болып калувы.
Бу куьнлерде кайдай болса да, юкпалы мараз бан куьресуьвдинъ алдында вакцинация турады. Соны ман байланыслы болып, аьли, коронавируслы маразы токтавсыз яйылып баратаган заманларда, Россия Федерациясынынъ медициналык куллыкшылары, сол маразга карсы этилинип шыгарылган вакцинадынъ пайдасы акында коьп анълатув ислер юритедилер. Коронавируслы маразы – айлак тез яйылатаган, аьдемнен-аьдемге коьшетаган эм бир ерлерде айлак авыр оьтетаганы айтылады.
РФ Президенти Владимир Путиннинъ тапшырмасы ман келисли кепте, газ уьлестируьвши тармаклар салынып, токтастырылган йорыкта регистрацияланган уьйлер эм ер участоклар газ бан тегин эсабында канагатланувы толысынша этилмеге керек. Аьлиги заманда «Газпром межрегионгаз» РФ регионлары ман биргелесте сол акта этилмеге тийисли куллыклар кадери акында билдируьвлер йыйган, план-графиклер кепленген, этилинеек куллыклардынъ болжаллары белгиленген.
Ногай район ерине увыт айынынъ 3-нши куьнинде коьк туьс- ли ярыклары болган бир неше янъы УАЗ-лер кирди. Янъы УАЗ эм бир неше спецкоьликлер ДР бойынша Россия МВД-нан Россия ОМВД-нынъ Ногай районы бойынша полиция службасына киристилер. Энъ коьп янъы коьликлер полициядынъ патруль-пост службасынынъ айырым батальонына берилди. Соны ман бу батальон – 5, ГИБДД боьлиги – 3,...
2020-ншы йыл (01.04) – 2022-нши йыл (08.02) болжалында Ногай районында коронавируслы маразы ман 2615 аьдем авырыган. Буьгуьнге стационарда 32 аьдем, амбулаторияда 119 аьдем эмленеди. Район поликлиникада прививка этетаган кабинет ашылган, 10250 вакцина аькелинген. Буьгуьнге 8407 аьдем вакцинацияды, 951 аьдем ревакцинацияды оьткенлер. Баьриси 10472 аьдемге прививка этилинмеге керек. Балалар уьшин 20 вакцина аькелинген, 5 балага прививка...
Оьткен юма ишинде Ногай район администрациясында «Ногайский район» МР Депутатлар Йыйынынынъ кезекли сессиясы озгарылды. Онда Ногай районынынъ аькимбасы Мухтарбий Аджеков, авыл поселениелер аькимбаслары эм бир неше организациялар етекшилери ортакшылык эттилер.
Кизляр районында яшавшылардынъ диспансеризациясын оьтуьви эм авырувдан тергелуьви токтатылган, деп билдиреди Дагестан Республикасынынъ ТФОМС-нынъ Кизляр районындагы боьлигининъ етекшиси Елена Сурикова.
