Вакцинация этпеге борыш салув кампаниясы оьз аьрекетинде, болса да, аьдемлердинъ кайбиревлери яйылма коронавирус маразыннан прививка этпеге суьймей, вакцинация этуьвден бас акашпага суьетаганы биревимизге де ясыртын тувыл. Соны ман байланыста кайбир гражданлар, вакцинады эттирмей, коронавирустан ялган сертификатын байырлав бойынша туьрли йолларын излейдилер. Закон бойынша аьр кимге де вакцинация эттиргенин шайытлайтаган ялган сертификатын сатып алув, байырлав эм...
Бу сувык хабар бизге Ватсапп байланыс аркасы ман етти. «Яшавдан уьйкен элип пен язувга тийисли Окытувшы, ямагат аьрекетши, оьз халкынынъ алал патриоты, ашык эм танъ юрекли аьдем – Межитов Сраждин Залимхан увылы тайды…»
Роспотребнадзордынъ токтасына коьре, ислейтаган гражданлар, эгер оларда медициналык карсылыклар йок болса, коронавируслы инфекциядан вакцинация оьтпеге керек. Республикадынъ ис коллективлери, сонынъ ишинде бизим Ногай район да бар, буьгуьнлерде вакцинация кампаниясында белсен катнасадылар.
Ногай районында социаллык куллыкшыларынынъ 90 проценти вакцинация оьттилер. Сондай билдируьв берди Ногай районында КЦСОН директоры Гульфира Капитуллаева. Онынъ айтувына коьре, 109 КЦСОН куллыкшыларынынъ ишиннен 97 аьдем вакцинация оьттилер. Прививка алув аьли де бардырылады.
«Ногай районында коронавирус маразыннан коршаланув ман байланыста вакцинация иси уьйкен оьлшемде белсенлик пен юритиледи», – деп билдиреди Ногай районынынъ бас врачы Фаризат Межитова. Онынъ айтувы ман, 8-нши август куьнине район еринде ковид авырувыннан 4050 аьдем вакцина алдылар, больницага 600 «СпутникV» вакцинасы туьскен.
«Дагестан Республикасынынъ ат казанган маданият куллыкшысы», «Дагестан Республикасынынъ Халк артисти» деген сыйлы атлардынъ иеси Ногай патшалык театрынынъ талаплы артистлерининъ бириси – Оразбийке Тангатаровна Кокоева бу куьнлерде коронавируслы маразына карсы вакцинадынъ эки кезегин де оьтип, оьз ден савлыгын сакладым деген сезим мен аьрекетин бардырады.
Коммунаркада 40-ншы номерли больницасынынъ бас врачы Денис Проценко оьз хабарласувында коронавирус пан узак заман авырыган аьдемлер эки айга дейим аьдетиндеги яшавга келип болмайдылар деп айтты. Узак заман авырыган аьдем тез арыйды, онда коркув, ашувланув эм сондай баска сезимлери болады.
Мухаммад-аьжи Мурат увылы Атангуловты Ногай районынынъ дин ямагаты аьруьв таныйды. Ол бир неше йыллар узагында Терекли-Мектеб авылдынъ имам Янмурза атындагы межигитининъ имамы, сонъында Ногай район имамлар советининъ председатели болып куллык эткен. Дагестан Муфтиятынынъ тапшырувы ман былтыр ол Махачкаладагы орталык юма межигитининъ имамынынъ орынбасары болып беркитилген эди.
Аьлиги сары тамбыз айдынъ куьнлеринде савлай дуныядынъ эси Токио каласына каратылган. Мунда шынтылай да исси – XXXII Олимпиада ойынларында 200 эллерден 11 мынъга ювык спортсменлер катнасадылар.
Уьйде ясуьйкен аьдем бар болганы – наьсип. Ата-аналары сав-саламат болган инсанлар да бек наьсипли аьдемлер, оларга керекли заманда маслагат бермеге – ата, басыннан сыйпамага ана бар. Сондай ясуьйкенлеримизди орамда коьрсем, аманшылыгын билмеге ымтыламан, мага коьре, оларга ийги соьз де юрегине якын болады, коьнъилин коьтереди.
