Дагестаннынъ Аькимбасы Сергей Меликов «Сириус» билимлендируьв орталык модели бойынша балалардынъ эм «Альтаир» ясларынынъ оьнерлерин аянлав, яклав эм оьрлендируьв региональлик Орталыгын курувга регион етекшисининъ Тарки-Тауда 14 гектар майданлы резиденция ери мен пайдаланмага ыхтыяр берди. Орталыкта ай сайын 200 бала окыяклар. Аьли республика Правительствосы 240 орынга эсапланган окув корпусынынъ эм ортак турак уьйлердинъ проектлерин кеплейди. Бу курылыс...
ДР-нынъ Ногай районынынъ делегациясы Челябинск областининъ Нагайбакский районында конакта болды. Делегация сырасында – район аькимбасы Мухтарбий Аджеков, Ногай район Депутатлар Йыйынынынъ председатели Джамалутдин Эсиргепов, онынъ орынбасары Рустам Байманбетов, депутат Мурзадин Карамурзаев эм ер тергев бойынша боьлигининъ етекшиси Алимурза Менглиязов.
Дуныяда туьрли кеспилер аз тувыл. Анълайман, аьр бирисининъ ери де, маьнеси де бар, ама солардынъ ишинде энъ де маьнели деп врач кесписин санайман. Булай алып караганда, аьдемнинъ ден савлыгын саклайтаган кеспилер баьриси де сыйлавга тийисли болады.
Мен – педагогикалык исининъ ветераны. А.Ш.Джанибеков атындагы орта мектебинде мине коьплеген йыллар узагында балаларга тербия эм билимлер беруьв мен каьрлеймен. Куьн сайын бизим коьп санлы мектеб окувшылары ман, олардынъ ата-аналары ман, бирерде атай-тетейлер мен расып, аьллеспеге туьседи. Сонынъ уьшин тоьгеректе бу кавыфлы маразынынъ тамырлары яйылув аьллерде бас деп оьзимнинъ ден савлыгым акында ойладым.
Коронавируслы инфекциядан прививкады мен 2021-нши йылдынъ март айында эттирдим эм эндигиси ревакцинация процедурасын оьтпеге ниетленемен. Мен, соьзсиз де, бизим официаллык медицинага сенемен, сонынъ уьшин менде вакцинацияды оьтпеге керекпе деген сорав тувмаган. Квалификациясыз билдируьв негизинде кепленген ялган шекленуьвлерге эм коркувга берилетаганлар бар экенин анълап, кайгырмай да болмайсынъ.
Мага ис аьрекетиме коьре коьп аьдемлер мен аьллеспеге туьседи. Булай да ата-бабаларымыздан несилден-несилге коьширилип сакланатаган аьдетлеримизге коьре коьлем аьдемлер катнасувы ман оьтетаган туьрли кайгылы( яназы, дуваслар…) эм куванышлы ( тойлар, мерекели яхшылыклар…) оьзгерислерде боламыз. Эм пандемия ман байланыста туьзилген авыр эпидемиялык аьлде аьр аьдем оьзининъ бас байлыгы – ден савлыгын сакламага керек экенин аян анълайсынъ.
Бу куьнлерде элимизде коронавируслы юкпалы маразы бойынша аьллер осалланадылар. Авырув аянланган биринши куьнлерде савлай дуныя аьдемлери адалады. Кыйын аьллер болса да, тез арада коьп госпитальлер курылдылар, врачлар «кызыл зонада» колыннан келгенин этип, келмегенди де этпеге шалыстылар.
Янъыларда, 17-нши ноябрьде, Ногай районынынъ ортакластырылган китапханасынынъ залында «Ногай маданият-тарих континиуумы ортакроссиялык тенълигининъ айырылгысыз кесеги кебинде» деп аталган Халклар ара «тоьгерек столы» оьткерилди. Соны оьткеруьвге оьз ярдамын Ногай район администрациясы эткен. Бу шара ногай халкынынъ тарих эм маданият асабалыгын ортакроссиялык байлыклары эсабында саклавга, Россия халкларынынъ регионлар ара эм этнослар ара байланысларын беркитуьв, аьдетли россия тарих...
Д.Шихмурзаев атындагы Кумлы авыл мектебинде коьплеген несиллерди билимлендируьвде салдарлы куьшин салган сулыплы окытувшылардынъ саны аз тувыл. Солардынъ бириси – орыс тил эм адабиаты дерисиннен окытувшы Хадижат Утеген кызы Бурумбаева. Онынъ колында билим алган коьплеген окувшылар, буьгуьнлерде элимиздинъ туьрли муьйислеринде оьз кеспилери бойынша куллык этип, оьз пайдасын тийдирип келедилер.
Янъыларда Кумлы авыл маданият уьйинде «село Кумли» МО администрация аькимбасы Сакинат Магомедовна Елманбетовадынъ яклавы ман яратувшылык кешлиги озгарылды. Ол халкымыздынъ айтылган зейинли шаири Мурат Алибекович Авезовтынъ 70 йыллык мерекесининъ сыйына багысланып оьтти. Конак эсабында бу яратувшылык кешлигинде шаиримиз касында район маданият тармагынынъ куллыкшылары Н.Халилова, С.Курпаева бар эдилер. Шара коьлем аьдемлер катнасувы ман озгарылды: онда ерли...
