Шатлыклы аьлде ашылды
Новость на родном
Бизим кавыфсызлыгымыз уьшин
Дагестан еринде коронавируслы инфекциясынынъ яйылувынынъ алдын шалув бойынша Оперштабынынъ оьткен кезекли кенъесинде ДР Аькимбасынынъ кесек заманга куллыгын юритуьвши Сергей Меликов ыхтыяр саклав органлар куллыкшыларына COVID-19 авырувыннан вакцинация оьткени акында сертификатлар сатылатаганга эс каратпага керегин айтты.
Новость на родном
Сертификатлар сатып алув – кыянатлык
Вакцинация этпеге борыш салув кампаниясы оьз аьрекетинде, болса да, аьдемлердинъ кайбиревлери яйылма коронавирус маразыннан прививка этпеге суьймей, вакцинация этуьвден бас акашпага суьетаганы биревимизге де ясыртын тувыл. Соны ман байланыста кайбир гражданлар, вакцинады эттирмей, коронавирустан ялган сертификатын байырлав бойынша туьрли йолларын излейдилер. Закон бойынша аьр кимге де вакцинация эттиргенин шайытлайтаган ялган сертификатын сатып алув, байырлав эм...
Новость на родном
Эстен кетпестей эстеликли оьмир
Бу сувык хабар бизге Ватсапп байланыс аркасы ман етти. «Яшавдан уьйкен элип пен язувга тийисли Окытувшы, ямагат аьрекетши, оьз халкынынъ алал патриоты, ашык эм танъ юрекли аьдем – Межитов Сраждин Залимхан увылы тайды…»
Новость на родном
Дурыс сайлав этпеге – баьримизге де борыш
Роспотребнадзордынъ токтасына коьре, ислейтаган гражданлар, эгер оларда медициналык карсылыклар йок болса, коронавируслы инфекциядан вакцинация оьтпеге керек. Республикадынъ ис коллективлери, сонынъ ишинде бизим Ногай район да бар, буьгуьнлерде вакцинация кампаниясында белсен катнасадылар.
Новость на родном
Танълагы куьнимиз авырувсыз болсын деп
Ногай районында социаллык куллыкшыларынынъ 90 проценти вакцинация оьттилер. Сондай билдируьв берди Ногай районында КЦСОН директоры Гульфира Капитуллаева. Онынъ айтувына коьре, 109 КЦСОН куллыкшыларынынъ ишиннен 97 аьдем вакцинация оьттилер. Прививка алув аьли де бардырылады.
Новость на родном
Белсенлик сезиледи
«Ногай районында коронавирус маразыннан коршаланув ман байланыста вакцинация иси уьйкен оьлшемде белсенлик пен юритиледи», – деп билдиреди Ногай районынынъ бас врачы Фаризат Межитова. Онынъ айтувы ман, 8-нши август куьнине район еринде ковид авырувыннан 4050 аьдем вакцина алдылар, больницага 600 «СпутникV» вакцинасы туьскен.
Новость на родном
Мен оьз савлыгым акында ойлайман
«Дагестан Республикасынынъ ат казанган маданият куллыкшысы», «Дагестан Республикасынынъ Халк артисти» деген сыйлы атлардынъ иеси Ногай патшалык театрынынъ талаплы артистлерининъ бириси – Оразбийке Тангатаровна Кокоева бу куьнлерде коронавируслы маразына карсы вакцинадынъ эки кезегин де оьтип, оьз ден савлыгын сакладым деген сезим мен аьрекетин бардырады.
Новость на родном
Яваплылык тутайык
Коммунаркада 40-ншы номерли больницасынынъ бас врачы Денис Проценко оьз хабарласувында коронавирус пан узак заман авырыган аьдемлер эки айга дейим аьдетиндеги яшавга келип болмайдылар деп айтты. Узак заман авырыган аьдем тез арыйды, онда коркув, ашувланув эм сондай баска сезимлери болады.
Новость на родном
Оларга яваплы дин аьрекети тапшырылган
Мухаммад-аьжи Мурат увылы Атангуловты Ногай районынынъ дин ямагаты аьруьв таныйды. Ол бир неше йыллар узагында Терекли-Мектеб авылдынъ имам Янмурза атындагы межигитининъ имамы, сонъында Ногай район имамлар советининъ председатели болып куллык эткен. Дагестан Муфтиятынынъ тапшырувы ман былтыр ол Махачкаладагы орталык юма межигитининъ имамынынъ орынбасары болып беркитилген эди.
