Быйылдынъ басында КПРФ Ногай район комитетининъ кезекли пленумы оьткерилген. Сонда РК бюросынынъ эм баслангыш партия боьликлерининъ уйгынлав-партиялык эм агитация-пропагандистлик, билимлендируьв куллыкларынынъ сырагылары ойласылган. Ойласувга шыгарылган соравлар бойынша КПРФ Ногай РК биринши секретари, ДР Халк Йыйынынынъ депутаты Мурзадин Авезов доклады ман шыгып соьйлеген.
Янъыларда Терекли-Мектеб авылынынъ Эдиге орамында орынласкан «Газпром Межрегионгаз Махачкала» ООО Ногай район территориаллык участогында табиат газ кулланувшылары кабыл этилинди. Туьрли соравлары болып, мунда келгенлерге «Газпром Межрегионгаз Махачкала» ООО Ногай район территориаллык участогынынъ етекшиси Махмуд Караев явап берди. Гражданларды кабыл этуьвинде «Ногайский район» МР администрациясынынъ муниципаллык муьлки эм ерди тергеви бойынша боьлигининъ алдышы специалисти Зульмира Телекниязова...
Белгили ногай йырлавшымыз, РФ эм ДР Халк артисткасы, «Дагестан патшалык опера эм балет театры» ДР патшалык бюджет учреждениесининъ 1-нши категориялы хор артисткасы Асият Сулейман кызы Кумратовады ДАССР курылганлы 100 йыллыгы ман байланыста, Дагестан Республикасы алдында айырым етимислери, етискен ис уьстинликлери эм белсенли ямагат аьрекети уьшин ДР Аькимбасынынъ куллыгын кесек заманга юритуьвши Сергей Меликовтынъ Указы ман...
Студент йыллар – аьр кимнинъ яшавында янына якын эм мутылмас шак болады. Бу яркын заманында яслар билимлер алув уьстинде арымай-талмай ислемеге де, тенълери мен катнаспага да, дуныяда болган баьри затлар ман кызыксынмага да куьш те, заман да табадылар.
Дагестаннынъ республика кебинде туьзилуьвине 100 йыл толып туры. Ол сав бир уьйкен оьмир, бир неше несиллердинъ яшав эм ис аьрекети, коьп эстеликли оьзгерислерге, кайратлы ислерге, йигитликке, етимислерге толы тарих кесеги. Дагестан Республикасы оьзининъ юзйыллык йолында бир неше оьмирлерге тенъ болган заман вакытын оьткен эм танымастай туьрленген.
Туьнегуьн, республикада Дагестан АССР туьзилгенли 100 йыллыгына багысланган шатлыклы байрам шаралары болып оьткенлер. Соларда ДР Аькимбасынынъ кесек заманга исин юритуьвши Сергей Меликов эм шакырылган сыйлы конаклар катнасканлар.
РФ Ис эм социаллык оьрленуьв ми- нистерствосы янъы 2021-нши йылдагы байрам куьнлерининъ календарин аьзирлеген. Министерствода билдиргенлей, тыншаюв куьнлерининъ янъыртылган графиги организациялардынъ эм гражданлардынъ туьрли туьркимлерининъ кызыксынувларын эсапка алув негизинде туьзилген.
Россия Федерациясы бойынша йолда болатаган кавыфлыклардынъ статистикасына караганда уьйкен аьдемлердей болып, балалар да йол-юрис йорыклары бузылувда куьнали болып шыгадылар. Боьтен де, балалар кыйынлы аьллерге окувдан тыншаюв куьнлерде каладылар, неге десе олар сол шакларда оьз-оьзлерининъ каьрлерин шегип, ата-аналары куллыкта болган заманларда, юредилер.
Бу куьнлерде Истамали Умар увылы эм Кошбике Аким кызы Эльязовлар бирге яшаганлы 60 йыллык мерекесин белгилейдилер. Бирге 60 йыл яшав деген зат – суьйинишли эм ийги оьзгерис. Бу йыллар эки аьдемнинъ бирге савлай яшавын оьткергени акында хабарлайды. Олар аьдемлерге эм аьелге айлак та маьнели, неге десе бу аьелде тек балалар тувыл, уныклар да, немерелер де...
Бу макаламды язбага коьптен мырадым бар эди. Сога оьткен йылда «Шоьл тавысы» газетасынынъ тамбыз айында шыккан бир номериндеги «Шалысувы ман сукландырды» деген Ризван Рамазановтынъ акында баспаланган макала себеп болды.
