Ана – дуныяда энъ де ювык эм аьзиз аьдем. Бала дуныяга энъгеннен алып ана оны аьдуьвлеп, аявлап саклайды. Балаларынынъ аьр бирине ол суьйимин аямай савкатлайды. Онынъ уьйкен сезими балады бесигинде йылытады эм саклайды. Бала оьскен сайын ана онынъ аьр бир кишкей янъы етимисине суьйинеди: биринши абытына, биринши соьзине, ойынына. Аьвлети балалар бавына барганнан алып оьзининъ...
Коронавируслы мараздынъ алдын шалар уьшин медицина куллыкшылары аз куьш салмайдылар, кешеси-куьндизи мен ис орынын тасламайтаганлар да бар. Буьгуьнлерде авырувга карсы прививкалар этилинип басланганлар. Бизим Дагестан Республикамызда коронавируслы маразга карсы биринши прививкады алпыс ясларыннан оьткен, йигерли бес аьдем алган.
Янъыларда Дагестан Республикасынынъ Халк Йыйынынынъ Президиумы 51-нши (ноябрь) сессиясынынъ куьн йосыгын беркитти. Сонынъ бас соравы деп «2021-нши йылга эм 2022-нши эм 2023-нши йыллардынъ план кезегине каратылган Дагестан Республикасынынъ республикалык бюджети акында» деген закон проектин кабыл этуьв саналады.
Ден савлыгында кемшилиги бар аьдемлер куьни белгиленеектен алдынгы куьнлерде Дагестан Республикасынынъ Ногай районынынъ прокуратурасынынъ куллыкшылары сакат балалары бар аьеллерге барганлар эм олардынъ яшав аьллерин тергегенлер.
Дагестан 2017-нши йылдан 2020-ншы йылга дейим социал-экономикалык оьрленуьвдинъ бас коьрсетимлерин заьлимдей оьс-тирген. Етимислердинъ бас булагы – налог йыювдынъ кадерининъ оьсуьви болды. Сол зат Дагестан Республикасынынъ бюджетининъ байыр келимин бир неше кереге арттырмага амал берди. Сонынъ аркасында, республикадынъ келими 2017-нши йылдагы 100 миллиард маьнет акшадан 2020-ншы йылда 174 миллиард маьнет акшага етти.
Дагестан Республикасынынъ Аькимбасынынъ исин толтырувшы Сергей Меликовтынъ Указы ман Дагестан Республикасынынъ Конституциясынынъ 78-нши эм 91-нши статьялары ман келисте Дагестан Республикасынынъ Оькимети ис орыныннан босатылган.
Халклар ара ден савлыгында кемшилиги бар аьдемлердинъ куьнин белгилев ниет пен «Ногайский район» МР аькимбасынынъ ис куьби туьзилгени акында токтасы кабыл этилинип алынган. Сол токтас, Халклар ара ден савлыгында кемшилиги бар аьдемлердинъ куьнин белгилевди, олардынъ ден савлыгына кавыфлык тувдырмага болатаган коронавируслы мараздан саклав шараларды кулланып, озгарувды талаплайды.
Бу йылдынъ караша айынынъ 15-нши куьнинде Дагестаннынъ Авыл хозяйствосы эм азык-туьлик бо- йынша министри Абзагир Гусейнов Ногай районында ис аьрекети бойынша конакта болып кетти. «Ногайский район» МР аькимбасы Мухтарбий Аджеков пан Дагестаннынъ Авыл хозяйствосы эм азык-туьлик бойынша министри куьзги культуралардынъ шашылувын карады, баска болып, куьшли созылган еллерден зыян келтирилген хозяйстволарында да болып кетти.
Янъыларда видеобайланыс аркалы Дагестан Республикасынынъ Аькимбасынынъ исин толтырувшы Сергей Меликов, 2021-нши йылда ДАССР туьзилгенли 100 йыллыгын белгилевге багысланган шаралардынъ планынынъ толтырылувы акында соьйленген йыйында ортакшылык этти. Сол йыйында оннан баска болып, Дагестан Республикасынынъ Оькиметининъ Председателининъ исин толтырувшы Абдулпатах Амирханов, Дагестан Республикасынынъ Оькиметининъ эм Аькимбасынынъ администрациясынынъ етекшиси Алексей Гасанов, ДР Халк Йыйынынынъ Председателининъ орынбасары Камил Давдиев,...
