Россия Федерациясынынъ маданият министерствосынынъ, Поленов атындагы Россиядынъ патшалык халк яратувшылык уьйининъ, «Дагестан» патшалык телерадиокомпанияларынынъ колтыклавы ман 2003-нши йылдан алып, Дагестан Республикасынынъ маданият министерствосы ман республикалык халк яратувшылык уьйи «Радуга» атлы яратувшылык шарасын озгарадылар.
Юрек – аьдем шаркынынъ кан ювырысын канагатлайтаган муьше, эм бир куьннинъ ишинде уьйкен куллык этеди. Бир куьн эм кеше ишинде юректен оьтетаган каннынъ оьлшеми 7-10 литр болады. Бир йыл ишинде юрек маразы элимиздинъ 900 мынъ аьдемининъ яшавын аькетеди. Россияда юрек пен байланыслы авырувлар 17 миллион аьдемде бар.
Йылдынъ аьр бир шагында аьдем оьзининъ бетининъ терисининъ акында каьр шегуьвининъ йорыгы туьрли болмага керек. Куьзде тери айырым каравды куьтеди. Неге десе язда исси куьннинъ коьзи беттинъ терисин курытады, сол аркалы тери туьлейди эм онда пигментли татлар боладылар. Солай ок алдыда – сувык елли куьнлер эм аязлар.
Окытувшы. Кайдай янга якын соьз. Ол аьр биревдинъ яшавында уьйкен орынды тутады. Онынъ берген маслагатлары, билими, тербиясы аьр кайсымызга бек баа. Мектебти кутарганнан сонъ коьп йыллар оьтсе де, окытувшыдынъ окувшысынынъ алдында сыйы азаймайды, кене де оьскен сайын аьдем онынъ эткен исининъ баасын боьтен де ийги анълайды.
Дуьйсемби куьн, 5-нши октябрьде, Дагестан Республикасынынъ Аькимбасы Владимир Васильев оьз ыхтыяры ман ис орыныннан тайды. Мен журналист болганнан сонъ ол эткен коьп ийги куллыклар акында айтпага суьемен.
«2020-ншы йылдынъ алтын куьзи» деген XXII Россия бойынша агропромышленный выставкасында Дагестан атыннан 20 предприятиелери ортакшылык этееклер. Выставка бу йылдынъ казан айынынъ 7-нши куьниннен алып 10-ншы куьнине дейим Авыл хозяйство эм асыллав промышленность куллыкшылар куьнине багысланып озгарылаяк. Бу йыл шара онлайн кебинде оьтеек. Каравшылар золотаяосень2020.рф. айырым исленген интернет-платформасында выставка ман танысаяклар.
Ногай район яшавшылары эм оьзимнинъ атымнан Сизге регионымыздынъ социал-экономикалык оьрленуьви уьшин эткен намыслы куллыгынъыз эм ис косымынъыз уьшин ак ниеттен уьйкен разылыгымды билдиремен.
Россия Федерациясынынъ Президенти Владимир Путин 5-нши октябрьде Дагестан Республикасынынъ Аькимбасы Владимир Васильевтинъ ис орыныннан оьз ыхтыяры ман таювын кабыл эткен деп билдиреди Кремльдинъ пресс-службасы.
Сергей Алимович Меликов Дагестан Республикасынынъ Аькимбасынынъ куллыгын юритуьвши этилинип беркитилген. Сонынъ акында РФ Президентининъ официаллык сайтында онынъ Указы баспаланган. Владимир Васильев РФ Президентининъ маслагатшысы этилинип беркитилген.
Сизди таза юректен Эсли аьдемлер куьни мен – каьмбилликтинъ эм яхшылыктынъ байрамы ман кутлайман!
