Оьткен юмадынъ ызгы куьнлеринде бизим Ногай районымыздынъ балаларына уьйкен завыклы, пайдалы, ден савлыкты беркитуьвге деп каратылган, «Акварела» деп аталган орталык ис аьрекетин баслады.
Новость на родном
Ойын халк бирлесуьвининъ коьпири болды
2019-ншы йылдынъ караша айынынъ 15-18-нши куьнлеринде Туркия элининъ Анталья каласында V Халклар ара Ногай футбол лигасынынъ командалары арасында дуныялык чемпионаты уйгынланып оьтти. Кызыклы ярыста Россия, Германия, Румыния, Швеция, Нидерланды, Норвегия, Туркия эллериннен ногайлардан туьзилген командалары спорттынъ футбол кеби бойынша дуныя чемпионатында оьз куьшлери мен сынастылар.
Новость на родном
Ясуьйкенлердинъ коьнъиллери табылды
Ямагатлыктынъ эсин ясуьйкенлердинъ маьселелерине каратар ниет пен, Халклар ара эслилердинъ куьни белгиленеди. Аьдетинше, Ногай районында эслилер куьнине багысланган айлык озгарылады, соьйтип шаралар савлай казан ай узагына оьтедилер. Сонынъ уьшин шаралар планы туьзилген эм яваплы аьдемлер беркитилинген. Планга коьре социаллык куллыкшылары боьлик специалистлери мен бирге эсли яшавшылардынъ уьйлерининъ аьллерин карап шыктылар.
Новость на родном
Саният бириктиреди
Янъыларда «Ночь искусств» акциясы ишинде бизим ерли музейде «Бир кеше» деген аьлемет шара болып озды. Шарадынъ бас темасы «Саният бириктиреди» деп уйгынланды. Кешликке Ногай районымызда бир неше йыллар аьрекетин бардыратаган Сраждин Батыров атындагы саниятлар мектебининъ окытувшылары шакыртылган эдилер. Олар оьзлерининъ эскеруьвлери мен йылы хабарласув аьлинде боьлистилер, окувшыларынынъ етимислери мен боьлисип, алдын окытканларынынъ армагандагы бактылары кайтип...
Новость на родном
Халкым уьшин йырларым
Аталыкка суьйим тувган еримизге суьйимнен басланады, биз мунда тувганмыз, мунда бизим яшавымызды талаптынъ куьши мен, янынынъ ярасыклыгы ман ярыкландыратаган инсанлар яшайдылар.
Новость на родном
Шет эллер аьдемлерин ис пен канагатлайтаган болсанъыз
Ногай районындагы Дагестан Республикасы бойынша Россия УФМС-нынъ миграционлык пункты гражданларга сонъгы билдируьвди этеди. Эгер сиз шет эллердинъ гражданларына куллык эттиретаган болсанъыз, олар куллык этип баслаган эм кутарган куьнлерин де билдирмеге керексиз. Шет эллердинъ аьдемлери бизим ерде уьш куьн-нен артык заман аьрекет бардырув келисли тувыл.
Новость на родном
Янъы спорт майданлар
Янъыларда Ногай районынынъ уьш авылында «WorkOut» майданлар салынды. Белгиленген спорт майданлар Терекли-Мектеб, Таьтли-Булак эм Эдиге авылларында курылды. Воркаут-майданлардынъ курылувынынъ мырады – Ногай районынынъ яшавшыларына спорт пан каьр шекпеге заманга келисли аьллер туьзуьв. Ногай районында янъы спорт майданлар салынганы уьшин ДР спорт министри Магомед Юсупович Магомедовка уьйкен разылык.
Новость на родном
Халк эсинде оьмирлер яшар
Юрек дерти ________________ Савлай ногай халкы эм илми ямагаты ногайымыздынъ белгили аьлимлериинъ бириси, тарих илмилерининъ докторы, Россия Язувшылар союзынынъ агзасы, 150-ден артык илми куллыкларынынъ авторы, ногай халкынынъ этнографы, драматургы Рамазан Хусинович Керейтовты дуныядан таювы ман каты кайгырады.
Новость на родном
Баска ис орында ислемегенмен
Кыстынъ аязлы куьнлеринде де, яздынъ шыркыраган шагында да Майра Кунтувган кызы Абдулжалиева (суьвретте) оьзининъ ис борышларын намыслы толтырып келеди. Терекли-Мектеб авылында оны танымайтаган аьдем саны да бек аз болса ярайды. Ол не шаклы орамларды кезгени, не шаклы шакырымларды оьткени тек оьзине белгили.
Новость на родном
Шерик оьмир байланыс боьлигинде
Ногай районымыздынъ почта боьлигинде 25 йылдан артык заман оьз исин бардырып келеди Мукминат Темирхан кызы Максутова (суьвретте). Почта боьлигине келгенше, Мукминат Темирхан кызы Ленин атындагы совхозында бухгалтер-экономист, заготбазада, «Дагпотребсоюз» атындагы райПО-да ис аьрекетин бардырып келген.
