Ана тилим, сенсинъ меним Ана суьт пен канга кирген, Янга синъген тувган тилим, – деп оьзининъ ногай тилин оьрметлеп язады халк ярыкландырувшысы оьз ятлавында Муса Курманалиевич Курманалиев. Тилимиз уьстинде каьрлевшилер мен ногай тилдинъ байлыгы акында коьплеген китаплер, методикалык шыгармалар, илми-тергев куллыклар язылып келедилер. Эм сол тилдинъ байлыгын яс несилге коьшируьв ата-аналардынъ, ямагаттынъ бас борышы болады.
Дагестан Республикасынынъ халк артисти, Дагестаннынъ Республикалык баргысынынъ иеси, Ногай драма театрынынъ оьнер етекшиси Байсолтан Атагиши улы Джумакаевке бу йыл ноябрь айында 60 яс толады. Б.Джумакаевтинъ мерекеси алдында бизим газетадынъ куллыкшысы оны ман йолыгып, артисттинъ яшав йолы эм кесписи бойынша бир неше соравларга яваплар алды.
Куьнбатар авыл орта мектебинде ________________ Янъыларда Куьнбатар авылынынъ орта мектебининъ окытувшысы Сабират Алимжановна Агисова биринши класс окувшылары ман алтын куьзге багысланган шара озгарды.
Ис орында — яваплылык пан ________________ Куьздинъ куьни бизге ийги туьрленислер аькелмедилер. Куьтпеген кар явып, кар астында аьли де сондай табиат коьринисине аьзир болмаган тереклер, шешекейлер, баьри оьсимликлер калдылар эм сынганлар да коьп болды. Баьримизге де белгили болганлай, сол тереклер араларыннан, астыларыннан кететаган электропроводларга зыян келтирилди. Коьплеген аьдемлер электроярыксыз калдылар.
Этнографиялык диктант ___________________ Янъыларда Россияда Халклар бирлигининъ куьнине багысланып, «Уьйкен этнографиялык диктант» акциясы оьтти. Белгиленген акциядынъ уйгынлавшылары– Удмуртия Республикасынынъ Миллет политикасынынъ министерствосы эм миллет ислери бойынша Федераллык агентствосы.
Пенсияга шыгув алдындагы гражданлар — хатынлар 50 ястан сонъ эм эрлер 55 ястан сонъ – Почта Банкта аьжетсизленуьвдинъ онъайлы йорыклары ман эм бонуслар ман пайдаланмага боладылар. Алдын сондай онъайлыклар ман тек банктан пенсия алатаган пенсионерлер пайдаланатаган эдилер. Онъайлыкты кулланмага шакырув 9 айдан сонъ куьшин йояды. Эгер сол заманнынъ ишинде клиент банктан пенсиясын алып басласа, тариф...
Аьдем яшавында, оьзининъ уьйиндеги емис тереклерден оьзге, кырда болсын, паркта болсын емис бермейтаган бир терек шашса да, табиаттынъ экологиялык аьлин ийгилендируьвге уьлис косады. Йыл сайын элимизде «Яша, орман» деген акция 2010-ншы йылдан алып оьтеди. Ногай районы белгиленген акцияга казан айдынъ ызында косылды. «Яша, орман» акциясы бойынша «Ногай орманшылык» куллыкшылары 1000 джузгун шаштылар. Оларга А-Х. Джанибеков...
Бу юмадынъ дуьйсемби куьнинде аьдетке кирген аппаратлы йыйын «Ногайский район» МР администрациясында болып озды. Йыйыннынъ барысында куьзги кыр куллыклар акында «Ногайский район» МР-нынъ Авыл хозяйство управлениесининъ куллыкшысы Д.Аманиязов шыгып соьйледи.
Озган айдынъ ишинде мага Махачкала каласына барганда, Дагестан Республикасынынъ Язувшылар союзынынъ правлениесинде болмага туьсти. Ногай язувшылар секциясынынъ етекшиси Анварбек Утей улы Култаев пен хабарласып олтырган мезгилде, белгили шаир Марина Ахмедова кала балалар бавынынъ бирисининъ тербияланувшылары ман Язувшылар союзынынъ аьр бир секциясына кирип, оларды шаирлер мен таныстырып юргенине шайыт болдык. Саьбийлер биз олтырган кабинетке де кирдилер...
Ногай районынынъ орталыгы Терекли-Мектебтеги халк яратувшылык орталыгынынъ кенъ залында «Меним тувган ошагым – Дагестан» деп аталып йыл сайын озгарылатаган фестиваль бек ийги уйгынлы аьлде оьткерилди.
