Биз газетамыздынъ бетлеринде йыйы етимисли ясларымыздынъ, олардынъ юрек телезиткен суьйинишлери, уьстинликлери мен баалы окувшыларды таныстырып, олардынъ аьр бириси мен куьезленип келемиз. Меним буьгуьнги хабарым да – сондай ногай ясларымыздынъ бириси акында. Каплан Айнуллаевич Курганов – Лабытнанги каласындагы гимназиясынынъ етимисли окувшыларынынъ бириси.
Увыт айынынъ 25-нши куьнинде ийги аьдем, ис йолдасы, баслангыш класс- ларынынъ окытувшысы Насипли Акваевна Карагуловадынъ арамыздан кеткен деген сувык хабарына ынанув бек авыр. Ол зат кардаш-тувганларына уьйкен йойым болады. Насипли Акваевна педагогикалык аьрекетине, мектебке, оьзининъ окувшыларына яшавынынъ 50 йылын багыслап келди.
А-Х.Джанибеков атындагы орта мектебинде Балалар ман йолларда болатаган баьлелердинъ алдын шалар ниетте, туьрли куллыклар юритиледилер. Сол алдын шалув ислердинъ бириси окувшыларды йол-юрисининъ яс инспекторларынынъ (ЮИД) отрядларынынъ сыраларына киргистуьв болады. Белгиленген отрядлар болса, орта мектеблердинъ негизинде туьзилгенлер. ЮИД барысынынъ 48 йыллыгына рас барып, янъыларда А-Х.Джанибеков атындагы мектебинде «Кавыфсыз тегершик-2021» республикалык конкурсынынъ мектебтеги кезеги оьтти.
Янъыларда «Дагестаннынъ йыл окытувшысы-2021» деген ярыстынъ зоналык кезеги Кизляр районындагы Расул Гамзатов атындагы Краснооктябрьский орта мектебинде уйгынланып оьтти. Дагестаннынъ сырт зоналык кезегинде 10 муниципаллык районларыннан катнасувшылары ортакшылык эттилер. Эки куьн узагында кеспили тоьрешилери катнасувшыларды «Методический мир» деген эм «Учебное занятие» деген эки кезеклерининъ эки номинациялары бойынша бааладылар.
А.Джанибеков атындагы Терекли-Мектеб авыл мектебинде Халклар ара тувган тил куьнине рас барып, янъыларда «Тувган тилдинъ яшавда орыны» деген темага соьз айкасув дериси озгарылды. Бу шарады А.Джанибеков атындагы мектебинде коьп йыллар узагына балаларды ногай тилине уьйрететаган, бай сулыплы окытувшы Зухра Мавлимбердиева ман китапхана куллыкшысы Гульнара Агаспарова уйгынладылар.
Ана тил – ол аьр бир халктынъ коьрки, халктынъ оьктеми, яны болады. Тизимнен суьриндирсенъ де, тилимнен суьриндирме, деген аьвелгиде ата-бабаларымыз. Со- нынъ уьшин ана тилди аьр кимге де бала шактан уьйренмеге, сол тилде соьйлемеге, ойламага тийисли. Сол алал эм ваьлий исти буьгуьнлерде билимлендируьв ошакларында балалар арасында яйылдырув ниет пен ана тил эм адабиатыннан окытувшылар белсенли...
Дагестан Республикасындагы Ногай районынынъ район орталык китапханасында ДАССР-дынъ 100 йыллыгына багысланган китап-суьвретлев экспозициясы кепленген эди. Экспозиция «Суьвретлерде районнынъ тарихи» деген библиостендиннен эм «Дагестан мой былинный» деген китаплер выставкасыннан туьзилген эди.
«Дагестаннынъ йыл окытувшысы- 2021» деген ярысынынъ муниципаллык кезегининъ тамамлары бойынша Ногай районынынъ Терекли-Мектеб авылынынъ Кадрия атындагы мектебиннен баслангыш классларыннан окытувшысы Айшат Даирова биринши орынга тийисли болды.
Бу материкте бар айванлар эм куслар баска бир ерде де йок. Австралия баска эллерден оьзининъ аьлеметлиги мен баскаланады. Бу материк орынласкан ер мынълаган йыллар артта туьзилген эм аьли де туьрленмеген. Австралия океанлар ман корсаланса да, сувдынъ астында бир де калмаган. Бир заманда ол Гондвана деген материктинъ кесеги болган, сонъында материк боьлинген эм онынъ орынында 5...
Мектеб деген не зат? Бу соравга туьрлише явапламага болады. Биревлерге мектеб – аьдемнинъ яшавынынъ яркын эскеруьвлери, дослык, суьйим, баскаларга – энъ де ийги, анъламлы, суьйикли окытувшылар. Сондайлардынъ бириси – Куьнбатар авыл орта мектебининъ окытувшысы Рабият Кожахмет кызы Боранова. Быйыл ол, окытувшылык тармагында 45 йыл ислеп, тийисли тыншаювга кетти.
