Дагестан Республикасындагы Ногай районынынъ район орталык китапханасында ДАССР-дынъ 100 йыллыгына багысланган китап-суьвретлев экспозициясы кепленген эди. Экспозиция «Суьвретлерде районнынъ тарихи» деген библиостендиннен эм «Дагестан мой былинный» деген китаплер выставкасыннан туьзилген эди.
«Дагестаннынъ йыл окытувшысы- 2021» деген ярысынынъ муниципаллык кезегининъ тамамлары бойынша Ногай районынынъ Терекли-Мектеб авылынынъ Кадрия атындагы мектебиннен баслангыш классларыннан окытувшысы Айшат Даирова биринши орынга тийисли болды.
Бу материкте бар айванлар эм куслар баска бир ерде де йок. Австралия баска эллерден оьзининъ аьлеметлиги мен баскаланады. Бу материк орынласкан ер мынълаган йыллар артта туьзилген эм аьли де туьрленмеген. Австралия океанлар ман корсаланса да, сувдынъ астында бир де калмаган. Бир заманда ол Гондвана деген материктинъ кесеги болган, сонъында материк боьлинген эм онынъ орынында 5...
Мектеб деген не зат? Бу соравга туьрлише явапламага болады. Биревлерге мектеб – аьдемнинъ яшавынынъ яркын эскеруьвлери, дослык, суьйим, баскаларга – энъ де ийги, анъламлы, суьйикли окытувшылар. Сондайлардынъ бириси – Куьнбатар авыл орта мектебининъ окытувшысы Рабият Кожахмет кызы Боранова. Быйыл ол, окытувшылык тармагында 45 йыл ислеп, тийисли тыншаювга кетти.
Бу йылдынъ караша айынынъ 26-ншы куьнинде Кадрия атындагы мектебининъ 5 «б» классында «Ана деген аты ман маьлиек» деген шарасы уйгынланып оьтти. Шарадынъ бас мырады – аналар эм балалар арасында эдаплык йылувлыкты туьзуьв, аналарга сый эм разылык сезимлерин билдируьв, суьйимди тербиялав эди.
Окытувшы. Кайдай янга якын соьз. Ол аьр биревдинъ яшавында уьйкен орынды тутады. Онынъ берген маслагатлары, билими, тербиясы аьр кайсымызга бек баа. Мектебти кутарганнан сонъ коьп йыллар оьтсе де, окытувшыдынъ окувшысынынъ алдында сыйы азаймайды, кене де оьскен сайын аьдем онынъ эткен исининъ баасын боьтен де ийги анълайды.
Сизге кеспи байрамынъыз – Окытувшы куьни мен байланыста ак ниетли кутлавларымызды каратамыз!
Янъы окув йылынынъ басланув шагы ювыклап келгенде, мектебке биринши кере бараяклар да, эртеректен окув аьрекети мен таныс болганлар да, олардынъ ата-аналары да тынышсызланып, «куьйгелеклеп» баслайдылар. Тек аьр бирисининъ тынышсызланувы бир баска, балалар болса, янъы кийимлер, китаплер, калемлер алмага алгасайдылар, ата-аналар болса, оларды кийиндируьв, кыскаша айтканда, окув йылына аьзирлев акында ойланадылар. Биревге де ясыртын тувыл, араларында...
«Ногайский район» МР администрациясынынъ кезекли аппарат йыйынынынъ катнасувшылары бу юма «Ногайский район» МР администрациясынынъ билимлендируьв боьлиги» МКУ начальниги Алтын Агаспаровадынъ район мектеблери бойынша быйылгы ЕГЭ сырагылары акында эсап беруьвин тынъладылар.
ДР Правительствосында ______________ Дагестаннынъ министрлер кабинетининъ аькимбасы Артем Здунов сары тамбыз айынынъ 1-20-ншы куьнлерине дейим оьтеек WorldSkills Russia «Яс кеспишилери» деген VIII Миллет чемпионатынынъ сайлав финалынынъ катнасувшылары ман йолыгысты. Бу ярысларда республикамыз атыннан 16 компетенциялары бойынша 18 катнасувшылары ортакшылык этееклер.
