Келин соьйлемейтаган деген ыспай аьдетти тюрк дуныясында тек ногайлар саклаган деп айтпага болады. Халкымыздынъ коьплеген аьдетлерин саклап, биз оьзимиздинъ миллет юзимизди йоймаска амаллар тувдырамыз!
Новость на родном
«Элим куьрлеп йырлайды»
Соьйтип аталып белгили ногай шаири, язувшы, коьшируьвши Алибек Каплановтынъ янъы йыйынтыгы Махачкаладагы Дагестан китап издательствосында баспадан шыккан.
Новость на родном
Авыл мектебининъ китапханасында
Кайсы мектебте де совет заманларыннан алып, китапханалар ис аьрекетин бардырадылар. Солар кайдай кишкей, бирерде яравсыз боьлмелер ишинде орынласканына да карамастан, окувшы балалар солардан оьзлерининъ биринши китаплерин алып, аьйлекерли эртегилердинъ, коьгилдим кенъ тенъизлердинъ, аспандагы юлдызлардынъ, койы ясыл орманлардынъ аьлемет дуныясы ман танысканлар.
Новость на родном
Балалар бавында
Ногай районынынъ Терекли-Мектеб авылынынъ «Юлдыз» балалар бавындагы «Радуга» деп аталган уьйкен балалар куьбинде ДАССР курылганлы 100 йыллыгына багысланган байрам шарасы болып оьтти.
Новость на родном
Ногай шоьл дайым да юрегинде
Муннан узак 1981-нши йыл Карагас авылында орта школады кутарып, Валентина Рудометкина баьри ногай кызларындай болып, окымага кетеди. Сонда оьзи яраткан яска эрге де шыгады. Бу куьнлерде В.Рудометкина оьз аьели мен Орел каласында яшайды. Яшавы ийги, балалары баьри де оьз бактыларын тавып, ата-анасын суьйиндирип, яшайдылар. В.Рудометкина 12 уныкларына эм йиенлерине куванып яшайды.
Новость на родном
Оьмирлерге данъкланган йигитлик
Йыл сайын 2-нши увыт куьнинде элимизде 1943-нши йылда Сталинградта, совет аьскерлерининъ немец-фашист аьскерлерин бузгышлап, енъген куьни белгиленеди. Соннан бери не шаклы заман оьтсе де, сав Экинши дуныя согысынынъ тарихинде бу урыс энъ де уьйкен эм согысты тамырыннан туьрленткен деп саналады, неге десе Эдил йылгадынъ бойында совет халкы Германиядынъ Савытлы куьшлерининъ куватын сындырган.
Новость на родном
Маьлиек болып уштылар
Янъы 2021-нши йылдынъ басланувы ман Дагестан Республикасынынъ Ногай районынынъ Орта-Тоьбе авылында, уьйкен кара булытка усас болган, каза болды. Бу каза акында эситкен аьр бир аьдемнинъ юреги сызламай, авырымай болмады. Капылыстан бир аьелден уьш бала ман олардынъ атасы яшавдан тайып кеттилер.
Новость на родном
Юкпалы мараздынъ алдын шалув мыратта
Ногай район орталык больницасынынъ бас врачы Фаризат Межитовадынъ белгилевине коьре, увыт айынынъ 1-нши куьнинде Ногай район орталык больницасында коронавирус маразыннан вакцинациялавдынъ биринши кезеги басланды.
Новость на родном
Йойылып баратаган тиллер санында – бизим тил
Янъыларда Турция элинде «Endangered Languages TDD» деп аталып, йойылып баратаган тиллерге багысланган журнал дуныя ярыгын коьрди. Сол журналга бизим ногай тилимизге багысланган заьлимдей макалалар киргенлер. Айтпага, Марием Булгаровадынъ «Речевые формулы в ногайском языке», Мурзият Бирабасовадынъ «Синтаксис ногайского языка», Софият Кукаевадынъ «Традиционная пища ногайцев», Насипхан Суюновадынъ «Ногайская литература рубежа XX-XXI веков; Новая жизнь жанровых традиций», Фатима...
Новость на родном
Оьз эрки мен этилинеди
Янъыларда Ногай районынынъ орталык поликлиникасында коронавируслы юкпалы маразына карсы ийне урдырмага антитела барын тергев уьшин «Ногайский район» МР администрациясынынъ аькимбасынынъ орынбасарлары Б.Ярлыкапов пан Х.Саитов, Коррупция ман куьресуьв соравлары бойынша администрация аькимбасынынъ коьмекшиси М.Мамутов эм район аькимбасынынъ пресс-секретари З.Аджиманбетова анализлер бергенлер.
