«Шоьл тавысы» республикалык ногай газетасы быйыл оьзининъ 90 йыллыгын белгилеек. Коьп оьзгерислер болды сол заман ишинде. Олар оьз заманында таптылар орын газета бетлеринде. Баслап ол район газетасы эди, сонъында республикалык дережеде шыгарылып басланды. Оны туьрли йылларда халкымыздынъ сыйлы аьдемлери, ана тилимиздинъ «Шоьл тавысы» (алдынгысы «Шоьллик маягы») газетасынынъ тарихинде атларын калдырган ердеслеримиз Абдулмежид Аджибаев, Бадий Аджигельдиев,...
Аьр бир аьдемнинъ яшавы оьзининъ тувган ериннен басланады. Соьйтип Эльмира Кожаевадынъ яшавы да онынъ тувган ногай шоьли мен, онда орынласкан балдай бала шагы оьткен Кумлы авылы ман тар байланыслы болып келеди. Онда кыска- яклы ерли орта мектебин 1974-нши йыл тамамлап, оннан сонъ Махачкаладагы маданият училищединъ хореографиялык боьлигине туьсип, оны етимисли тамамлаган. Онынъ маданият пан яшавын...
Оьткен айдынъ ызында Дагестан Республикасынынъ Аькимбасынынъ куллыгын кесек заманга юритуьвши Сергей Меликов тувра эфирде республика яшавшыларынынъ соравларына яваплаган. Сол куьн регион етекшисине халктынъ яшав аьллери, экономика, туризм, социаллык маьселелери мен байланыслы хыйлы соравлар берилген эм соларга яваплар алынган. Тоьменде сол тувра эфир акында газетамыздынъ экспертлери оьз ойлары ман боьлиседилер.
Уьстимиздеги йылдынъ коькек айынынъ 29-ншы куьнинде Терекли-Мектебтинъ Кадрия атындагы мектебинде «Согыста янларын курман эткенлердинъ эстелигине сый этип» деген шатлыклы линейка уйгынланып оьтти. Шарады Кадрия атындагы орта мектеб етекшисининъ тербиялав иси бойынша орынбасары Зульфия Отарова ашты.
9-ншы Май куьнинде, совет халкынынъ Уллы Аталык согысында немец-фашист Германиясын Енъуьвининъ 76-ншы йыллыгында, Ногай районында давдан кайтпаган ердеслерди эм согыс ветеранларын эскердилер.
«Ногайский район» МР администрациясынынъ аькимбасынынъ орынбасары, Ногай ра- йонынынъ Наркотиклерге карсы комиссиясынынъ председатели Баймагомед Ярлыкаповтынъ етекшилеви астында кенъес озды. Йыйында Кизляр каласында Дагестан Республикасы бойынша ФСБ управлениесининъ 3-нши боьлигининъ етекшиси Р.Уразакаев, Ногай районынынъ Ямагат палатасынынъ председатели Э.Саитов, Ногай районы бойынша Россия ОМВД етекшисининъ орынбасары И.Янполов, «Яслык» яслар орталыгынынъ етекшиси Н.Арсланов, Билимлендируьв управлениесининъ методисти А.Мурзагишиева, врач-нарколог...
Элимиздинъ бас каласы Москвадынъ уьйкен майданында оьткен Енъуьв парадында Кизляр районынынъ яслары – Азиз Абдулхалыков (Макар авылы), Джалил Ашакаев (Сангиши авылы), Арсен Курбанов (Карл Маркс авылы) катнастылар. Тушиловка авылынынъ ясы Михаил Хренов Ростов-на-Дону каласында Енъуьв парадында ортакшылык эткен. Яслар Россиядынъ аьскерлер боьликлеринде куллык этедилер. Азиз Абдулхалыков эм Джалил Ашакаев – Сырт флотынынъ 1941-нши йыл караша...
Аьр бир аьдемге тынышлы, таза ава астында яшав, оьз ювыклары акында ойлав –анъламлы эм баалы. Ама аьлиги заманларда коьп затларды, сол санда нызамды йоямыз. Коьплеген аьдемлер социаллык яде дин эм йогары идеялар ман буьркенип, ясларды тувра йолдан састырадылар. Олар дин йорыкларын кир ниет пен кулланмага шалысадылар.
Кавга, 1941-нши йылдынъ 22-нши июнь айы Совет Союзынынъ яшавшыларынынъ эслеринде энъ де кайгылы эстеликлер мен сакланган. Эскеруьвшилердинъ соьзлери мен, ол йылы яз куьнлердинъ бириси эди. Тек капылыстан сол куьннинъ тынышлыгын, аьдемлердинъ парахатлыгын «Согыс басланды» деген буз темирдей, кайгылы, авыр хабар бузды.
Ногай районынынъ Калинин авыл С.Капаев атындагы орта мектебининъ краевед-ызлавшылар кружогынынъ етекшиси Гульфира Биякаева эм 8-нши классынынъ окувшысы Айнагуль Куруптурсунова Махачкалада Дагестан Кызыл ызлавшылардынъ телевизионлык отрядынынъ (ТОКС) 50 йыллыгына багысланган краевед-ызлавшылар слетында ортакшылык эткенлер.
