Балалар оьнерлерин коьрсетип, етимислерге етиссе, сол зат ата-аналарга уьйкен куьез болады. Сондай бийиклик-лерге Терекли-Мектебте аьрекетлейтаган С.Батыров атындагы саниятлар мектебининъ тербияланувшылары етиседилер.
Новость на родном
Аьр саьбийде ийгиликти тербиялав — борышымыз
Янъыларда Геметюбе авыл орта мектебинде «Ийги ислердинъ куьзги марафоны» деген республика бойынша оьз ыхтыярлык акциясы уйгынланып оьтти. Сол акциясында Геметюбе авыл орта мектебининъ окувшылары эм волонтерлары ортакшылык эттилер. Акция «Ийгиликти этуьв – ийгиликке уьйренуьв!» деген шакырув астында озгарылды.
Новость на родном
Яс несилди туьз йолга салув мырат пан
Янъыларда Ново-Дмитриев-ка авыл орта мектебинде окувшылар арасында наркотиклерге карсы болув акциясы уйгынланып оьтти. Акциядынъ бас мырады – яслар арасында ден савлык маданиятын кеплендируьв эм тербиялав, окувшылар арасында наркоманиядынъ яйылувынынъ алдын шалув. Амалламадынъ оьтуьвинде Ново-Дмитриевка авыл орта мектебининъ окытувшылары эм окувшылары ортакшылык эттилер. Мектеб окувшылары айырым эсти оьспирлердинъ эм балалардынъ арасында психоактивлик амаллары ман пайдаланувынынъ алдын...
Новость на родном
Вайымсызлыктынъ ызы – каза
Ногай районымыздынъ сыйлы яшавшылары, йылдынъ сувык шакларынынъ басланувы ман, уьйлерди йылытув алатлар ягылып басланады, солардынъ бир нешевлери яшав оьмирге кавыфлык тувдырган ерлер де боладылар. Дагестан Республикасы бойынша йылытув алатларды тийисли аьлде кулланмав ман, кавыфсызлыкты тутув шараларга бойсынмав ман байланыслы болып, угарлы газ бан увланган аьдемлер саны коьп болады.
Новость на родном
Ис аьрекети ямагат пан байланыслы
Россия Федерациясы бойынша полициядынъ участковый уполномоченныйынынъ кеспи куьни ноябрь айынынъ 17-нши куьнинде белгиленуьвининъ оьзининъ айырым белгиси бар. 1923-нши йылда бу куьн РСФСР НКВД-сы ман участковый каравшыдынъ инструкциясы кабыл этилинип алынган. Бу тармактынъ куллыкшылары бир неше кере атларын да туьр-лендирдилер: милициядынъ участковый инспекторы, полициядынъ участковый уполномоченныйы… Аты кайдай болса да, ыхтыярлары да, ис борышлары да туьрленмеген.
Новость на родном
Яв ман куьресте яшавын аямаган
Дагестан яшавшылары оьз йигитлиги эм коркынышсызлыгы ман данъклы. Аьвелгиден алып олар оьз элин, ерин явдан коршалайдылар, кыйынлыкка туьскенге кеше демей, куьн демей, ярдамга асыгадылар, керек болса оьзлерининъ яшавын да аямайдылар.
Новость на родном
Соравлар ойласылды
Янъыларда КПРФ Ногай район комитетинде кенъес озды, сонда уйгынлав-практикалык эм идеологиялык соравлар каралды. Соьйтип, соьйлесуьвден сонъ, КПРФ райкомынынъ бюросы КПРФ Ногай РК-нинъ Эстелик китабин беркиткен. Белгиленген китапке Россия Федерациясынынъ Коммунист партиясынынъ Ногай районындагы боьлиги кайтадан курылувы уьшин оьз заманында куьш салган партиядынъ ветеранларынынъ атлары язылаяк.
Новость на родном
Шоьлде «Енъуьвдинъ орманы» оьседи
Савлайроссиялык «Ясыл Россия» экологиялык ямагат барысынынъ баславы ман «Енъуьв орманы» деп аталып, элимиздинъ калаларында, районларында акция озды. Баславшылардынъ ойы ман, савлай элимиз бойынша Уллы Аталык согысында янларын берген аьскершилердинъ эстелигине тереклер шашылмага керек эди. Сол акцияды Дагестан Республикасынынъ иш ислер министерствосы хош алып, баьри МВД боьликлерине де сол шарады озгармага деп тапшырув этти.
Новость на родном
Келеекке ийги сеним этип
Бу йылдынъ караша айынынъ 15-нши куьнинде Дагестаннынъ Авыл хозяйствосы эм азык-туьлик бо- йынша министри Абзагир Гусейнов Ногай районында ис аьрекети бойынша конакта болып кетти. «Ногайский район» МР аькимбасы Мухтарбий Аджеков пан Дагестаннынъ Авыл хозяйствосы эм азык-туьлик бойынша министри куьзги культуралардынъ шашылувын карады, баска болып, куьшли созылган еллерден зыян келтирилген хозяйстволарында да болып кетти.
Новость на родном
Беркленген дослыгымыздынъ шайыты болады
Янъыларда видеобайланыс аркалы Дагестан Республикасынынъ Аькимбасынынъ исин толтырувшы Сергей Меликов, 2021-нши йылда ДАССР туьзилгенли 100 йыллыгын белгилевге багысланган шаралардынъ планынынъ толтырылувы акында соьйленген йыйында ортакшылык этти. Сол йыйында оннан баска болып, Дагестан Республикасынынъ Оькиметининъ Председателининъ исин толтырувшы Абдулпатах Амирханов, Дагестан Республикасынынъ Оькиметининъ эм Аькимбасынынъ администрациясынынъ етекшиси Алексей Гасанов, ДР Халк Йыйынынынъ Председателининъ орынбасары Камил Давдиев,...
