Кизляр районында авыл ерлерин санитар-тазалык йорыкларына келтируьв бойынша шаралар оьткериледилер. Бу субботниклер Кизляр районынынъ аькимбасы Аким Микировтынъ баславы ман юритиледилер.
Новость на родном
Ерлерин тазалап баслаганлар
Янъыларда Ногай районына Дагестан Республикасы бойынша «Россельхознадзор» управлениесининъ комиссиясы Сылув-Тоьбе авыл яшавшыларынынъ район эгин кырларында целлофан пленкалары йыйналмайтаганы акында язган хаты бойынша келген.
Новость на родном
Коьрим болса, коьрк атар
Ногай районы бойынша Россия МВД боьлигининъ куллыкшылары, аьр юма сонъгы куьнинде шыгып, район орталыгынынъ тоьгерегин йыйнавды ийги аьдет этип алдылар.
Новость на родном
Мараздынъ яйылувы тоьменлеп барады
Дагестанда янъы коронавирус юкпалы маразынынъ таралувына карсылык этуьв бойынша республикалык Оперативлик штабынынъ кезекли йыйынында ДР Аькимбасынынъ куллыгын кесек заманга юритуьвши Сергей Меликов 65 ясыннан уьйкен ислейтаган гражданлар уьшин куллыкка шыгувга салынган тыйдажлыклар тайдырылувы акында билдирген.
Новость на родном
Терен билимге йигерли абыт
Календарь бойынша йырма йылдан артык заман элимиз увыт айынынъ 8-нши куьнинде Илмилер куьнин белгилейди. Бу байрам куьни 1999-ншы йылдынъ тамбыз айынынъ 7-нши куьнинде, сол замандагы Россия Президенти Б.Ельциннинъ токтасына кол басувы ман белгиленген. Россия илми куьни биринши кере 1999-ншы йыл Россия илмилер академиясынынъ 275-нши йыллыгы белгиленгенде байрамшыланды. Россия Илмилер куьни увыт айдынъ 8-нши куьнинде белгиленуьви...
Новость на родном
Мырады барлар аз тувыл эдилер
Оьткен уллы юма куьн Ногай район орталык поликлиникасында, оьзлери разы болып, ден савлыкларын саклар ниет пен, бириншилердинъ бириншилери болып, «Ногайский район» МР администрациясынынъ аькимбасынынъ орынбасары Баймагомед Амин увылы Ярлыкапов, Ногай районы бойынша Россия МВД боьлигининъ етекшиси, полиция подполковниги Наиб Тоьлеген увылы Каракаев оьзининъ бир неше куллыкшылары ман, окытувшы Осман Индрали увылы Суюндиков, баьриси он бес...
Новость на родном
Сайланган сокпак
Яздынъ ярык куьни ерди кыздырып, аьдемди шатландырып, куллык этпеге уьйкен коьнъил косады. Орамда балалар бир-бирин кувып, оьз ойынларын кыздырадылар. Биревлер кокысларын ягадылар, баскалар азбарларын усташа сыпырадылар. Соьйтип авылшылар куьнди бос йибермейдилер.
Новость на родном
Йыл окытувшысы
«Дагестаннынъ йыл окытувшысы- 2021» деген ярысынынъ муниципаллык кезегининъ тамамлары бойынша Ногай районынынъ Терекли-Мектеб авылынынъ Кадрия атындагы мектебиннен баслангыш классларыннан окытувшысы Айшат Даирова биринши орынга тийисли болды.
Новость на родном
Талабы оьсип барады
Мине соьйтип айтпага болады шаиримиз Куруптурсын Утеш увылы Мамбетов акында. Онынъ да себеби йок тувыл. Сонъгы йылларда автордынъ язган асарларын окып шыксанъ, соны сезбеге кыйын тувыл. Боьтен де, шаирдинъ язылган кыска ятлавлары сонынъ акында аьруьв шайытлайдылар. Бу затты биз автордынъ 2019-ншы йылда Дагестан китап баспасында шыккан «Юлдызлы кешелер» деген йыйынтыгын окыганлай сеземиз.
Новость на родном
Юреклерге сокпак салган
Окытувшы буьгуьн эм баьри оьмирлер бойынша билимлерди саклавшы, аьлиги замандагы илмилерининъ ягасыз тенъизиндеги керекли билимлерин табувды уьйретип келетаган уста аьрекетшиси болады.
