Россия Федерациясынынъ Ис кодексининъ 56-ншы номерли статьясына коьре, ис пен канагатлавшы аьрекетке аьзир аьдем мен макулласув туьзеди. Сол макулласув аркалы эки яктынъ да ис бойынша борышлары белгили болады. Ис пен канагатланган аьдем заманы ман кыйын акын алмага керек эм оьзи де ис макулласувга коьре беркитилген борышларды да толтырмага тийисли.
Уьстимиздеги йылдынъ канътар айынынъ баслапкы куьнлериннен алып, орманларда от туьсуьв кавыфсызлыгын тутув шараларына янъы талаплавлар киритилген. Россия Федерациясынынъ Оькиметининъ, 2020-ншы йылдынъ казан айынынъ 7-нши куьнинде кабыл этилинип алынган, «Об утверждении без- опасности в лесах» деген токтасына коьре, аьр бир орманлык хозяйствосында оьзине келисли йорыкты РФ Табиат министерствосы токтастырады.
Ызгы заманларда, биревге де ясыртын тувыл, коьп аьдемлер акшаларын алдырып, оьзлерине зарар келтиртедилер. Сондай аьллерге калувда аьдемлердинъ оьз куьналери де болады.
Бурынгы тюрклерде ата-бабаларына, ясуьйкенлерге сый этуьв халкымыздынъ эдаплыгынынъ тамыры, онынъ аьдетлерининъ негизи деп саналган. Сол аьдет сонъында шоьл халкымыз ислам динине коьшкенде де, динимиздинъ асыл тиревлерининъ бириси болып калган. Аьлиги заманларда уьйшилигимизде ата-аналарымызды, ясуьйкенлеримизди оьрметлев аьдетимиз тоьменлеп барувы ман байланыста сыйлы Куран китабимизден алынган ата-анады сыйлав акында, бир неше язувларды келтирип, ясларымызга хабарламага токтастык.
Чернобыль деген кишкей каладынъ аты савлай дуныяда 35 йылдан бери аьдемликтинъ тарихинде энъ де уллы техногенли баьле-каза ман байланысып келеди. 1986-ншы йылдынъ коькек айынынъ 25-нши кешесиннен 26-ншы куьнине болган Чернобыль АЭС- дагы атылувы миллионлаган аьдемлердинъ бактысын туьрлендирди, тамыры ман юлкып алды демеге де болады. Онынъ зарары айлак куьшли болар эди, эгер Чернобыль АЭС-да болган баьле-казадынъ...
Ногай районынынъ Терекли-Мектеб авылында, маданият уьйининъ меканынынъ алдында, хатын-кызлардынъ байрамына багысланган концерт шатлыклы аьлде оьтти. Бир йылдан бери созылып турган карантин битип, район яшавшыларына биринши шара оьткерилди. Концертти Ногай районынынъ аькимбасы М.Аджеков ашты эм яшавшыларды байрам ман кутлады. Ол оьз соьйлевинде хатын-кызлардынъ орыны маьнели экенин белгилеп, олар дуныяды ийги, ярасыклы этедилер деп айтты.
Ногай районынынъ яс йигитлери элимиздинъ туьрли муьйислеринде Эл алдында эр борышын намыслы толтырадылар. Олардынъ сыраларында Уллы Енъуьвдинъ 75 йыллыгына багысланып, Россиядынъ калаларында оьткен парадларда катнасканлар да бар. Эр балады ийги аьдем этип тербиялав эм аьскерге йолга салув тыныш ислерден тувыл. Увылларын аьскерге йиберген аналар, оьзек те, аьвлети элди коршалав сыйлы исти бардырганына куьезленедилер эм оьктемсийдилер....
Халклар ара хатын-кызлар куьни алдында Ногай районынынъ аькимбасы Мухтарбий Кошманбет увылы Аджеков район Хатын-кызлар советининъ етекшиси Асият Манкаева ман бирге район орталык больницасынынъ бала табув боьлигине бардылар, «Тувган куьнинъ мен, саьбий» деген акцияда катнастылар.
Янъыларда Кизляр районынынъ аькимбасы Аким Микиров 2017-нши йылдынъ кырк кийик айынынъ 29-ншы куьнинде ис орынында караклардынъ колыннан ян берген Кизляр районы бойынша Россия ОМВД-сынынъ тамада лейтенанты Рустам Качмасовтынъ анасын Халклар ара хатын-кызлар куьни мен кутлады.
Хатын-кызлар байрамы белгиленеектен алдын, Ногай район аькимбасы Мухтарбий Аджеков пан район Хатын-кызлар советининъ председатели Асият Манкаева ис ветеранларын, оьзлерининъ ис борышларын толтырувда ян берген полиция куллыкшыларынынъ аналарын, тул хатынларын кутладылар. Биринши болып, байрам савгады эм ийги кутлав соьзлерди Червленные Буруны авыл яшавшысы, йигитликтинъ эм баьтирликтинъ уьлгиси болган полиция куллыкшысы, оьз яшавынынъ баасы ман, онынъ тувган...
