Уьстимиздеги йылдынъ карагыс айынынъ оныншы куьнинде Дагестан Республикасынынъ Ямагат палатасынынъ председатели Абдулмуъмин Ибрагимов Ногай районымыздан барган конакларды йолыкты. Бизден барган куьпти Ногай районы бойынша Ямагат палатасынынъ председатели Эльмурза Саитов етекшиледи. Олардынъ барувынынъ бас себеби – Ногай шоьлдинъ экологиялык аьлининъ осалланув соравын коьтеруьв. Биз буьгуьнлерге дейим оьз еримизге айлак ушкары караганмыз, келеекте де соьйтип карасак, еримизди...
15-нши карагыс айында Дагестан Аькимбасынынъ куллыгын юритуьвши Сергей Меликов видеоконференцбайланыс йорыгы ман республика ерине янъы коронавирус юкпалы маразды аькелуьв эм таралтувдынъ алдын шалув бойынша Оперативлик штабынынъ йыйынын оьткерген.
Бу йылдынъ карагыс айынынъ басында Кизляр районынынъ балалар уьшин янъы салынган Александрия ойын майданынынъ касында туьрли тереклери олтыртылдылар. ДАССР курылганлы 100 йыллык мерекесине багысланган акциясы бойынша 47 яс тереклер шашылдылар. Окытувшылар, предпринимательлер, депутатлар, маданият эм ерли администрация куллыкшылары М.Гунашевтынъ етекшилиги мен, онынъ орынбасарлары, ерди аьзирлевде, аллеяды шашувда ортакшылык эттилер. Акция катнасувшылары аьр бир теректи Уллы...
Кизляр районынынъ маданият орталыгынынъ «Метроном» деген эстрада куьбининъ солистлери биринши каналында оьтетаган «Поле чудес» деген белгили шоу-программасында ортакшылык эттилер. Анвар Нурлумбаев эм Имран Абдулхалыков белгили болган «Горянка» деген йырын ортага шыгып йырлавы ман телеберуьвге Кавказдынъ ярасыклыгын киргис-тип эм Дагестан маданиятынынъ кесегин коьрсетип, Кизляр районыннан «Поле чудес» ойын катнасувшысы Абдул Раджабовка тийисли демевлигин эттилер.
Меним атым Медина, мен 3-нши класста окыйман. Быйыл бизим Элимиз Уллы Енъуьвдинъ 75 йыллыгын байрамшылады. Каты кавга коьплеген аьдемлердинъ яшавын кыскартты, бизим ердеслеримиз де, оьз яшавларын курманлык этип, дав майданлардан кайтпай калганлар. Согыс меним аьелиме де оьз яманлыгын тийдирмей болмады. Азизовлардынъ аьелининъ кишкей Аталыгы – Ставрополь крайынынъ Нефтекум районынынъ Кара-Тоьбе авылы.
Чернобыль атомлы электростанциясынынъ атылувы коьплеген аьдемлерге тувыл, аьеллерге де оьз зыянын келтирди. Не шаклы аьдемлер, кайдай туьрли кеспиди алганлар да: аьскерши болсын, инженер болсын, булай яны авырыган аьдем болсын, яшав оьмирлерин, сонда алган радиация аркалы, кыскарттылар.
Мектеб деген не зат? Бу соравга туьрлише явапламага болады. Биревлерге мектеб – аьдемнинъ яшавынынъ яркын эскеруьвлери, дослык, суьйим, баскаларга – энъ де ийги, анъламлы, суьйикли окытувшылар. Сондайлардынъ бириси – Куьнбатар авыл орта мектебининъ окытувшысы Рабият Кожахмет кызы Боранова. Быйыл ол, окытувшылык тармагында 45 йыл ислеп, тийисли тыншаювга кетти.
Оьткен юма Дагестан Аькимбасынынъ куллыгын юритуьвши Сергей Меликов коронавирус юкпалы маразы ман куьрес юритуьв бойынша республикалык Оперативлик штабынынъ йыйынын оьткерген сонъ, солай ок ДР бойынша Роспотребнадзор етекшиси Лариса Пантинадынъ эм ДР савлык саклав министрининъ 1-нши орынбасары Татьяна Беляевадынъ брифингиннен сонъ, Ногай район имамлар советининъ председатели Алиасхаб Танаев район яшавшыларына шакырув эткен.
Аьлиги кыйынлы заманларда яс- уьйкенлеримиз уьйде олтырадылар, тек бар сондай аьдемлер, кимге уьйлеринде олтырмага заман йок. Олар – социаллык куллыкшылары, олар эсли аьдемлерге, сакатларга уьйде олтырув куьнлерди оьткермеге ярдам этедилер.
Элимиз бойынша коронавируслы мараз бан зарарланганлардынъ саны куьн сайын телевидение, газета бетлеринде, медицина учреждениелерининъ эм район, кала администрацияларынынъ байыр сайтларында коьрсетилип турадылар. Карагыс айдынъ баслапкы куьнлеринде Ногай районымыздынъ орталык больницасынынъ байыр сайтында белгили болганлай, бизде 27 авырувлылар аянланганлар.
