Махачкаладынъ ювыгындагы Сулак авылынынъ яшавшылары 5-нши шилле куьнинде сход оьткергенлер. Сход катнасувшылары власть органлары авыл тоьгерегиндеги ерлерди бергеннен сонъ авыл яшавшыларында мал сакламага амал калмаганы акында билдиргенлер. Дагестан Республикасынынъ муьлк эм ер катнасувлары бойынша министерствосынынъ эм Махачкала администрациясынынъ ваькиллери йыйылганлардынъ соравларына явап берип болмаганлар, олар соларга явапларды сонъ берермиз деп соьз бергенлер.
Аьел кайзаманда да бизим ямагатымызда уьйкен орын тутады. Соьйтип, несилден-несилге татымлык, суьйим, алаллык, сый коьшип келеди. Сол касиетлери мен бирге уьйден-уьйге берекет те калады. Патимат Эсперген кызы Узаирова йиен кызлары Алиметке эм Эминага бу яшавдынъ коьп сырларын ашкан, оларга оьз билгенин айткан. Буьгуьнлерде кызлар оьзлери де ана болдылар, аьвлетлерине суьйинип турадылар. Эски суьвретлерди карасанъ, олардынъ...
Аявлы ердеслер, Ногай район яшавшылары! Сизинъ баьринъизди де Савлайроссиялык Аьел, Суьйим эм Алаллык куьни мен кутлайман. Бу байрам бизим аьр биримизге ювык, неге десенъиз аьел ошагында бизим байыр ян-коьнъил эмишлигимиз туьзиледи. Аьел, Суьйим, Алаллык – бу анъламлар негизине сав дуныя таянып яшайды. Аьел туьрли несиллерди оьзлери ара бирлестиреди, ол ян-коьнъил, миллет эм маданият аьдетлерди саклавшы...
Аьелдинъ материаллык келими Дагестан Республикасында яшар уьшин белгиленген акша карыжыннан артпайтаган болса, коьп балалы аьелдинъ биринши класска баратаган баласына бир кере акша тоьленеди.
Тап бир оьмирге янаскан Ногай районымыздынъ тарихи – ол мундагы шоьл халкымыздынъ, бурынгы эм буьгуьнги замандагы ясуьйкен несиллерининъ яшавы. Ясуьйкенлер – ол халкымыздынъ намысы, абырайы эм аьдетлери. Оларсыз бизим аьвелгимиз де, аьлигимиз де йок. Сондай ясуьйкенлеримиздинъ бириси, Терекли-Мектеб авыл яшавшысы Зубаир Зиней увылы Аджибаев – уьйкен яшавды, сол яшавында коьп сынавларды оьткен аьдем. Ол оьзи...
Халкымыздынъ коьрнекли аьдемлерининъ бириси, оьзининъ аьдемшилиги мен, ийги хасиетлери мен, эткен исининъ тазалыгы ман, аркасына арткан куллыгынынъ бай емислери мен авылдасларынынъ коьнъиллерининъ тоьр бетинде орын алган Акманбет Муса увылы Сангишиевти районда танымаган аьдем йок болар. Атагы-даны шыксын деп ол омырап бараяткан уьйден балады шыгарып, аман акалмаган яде Геростраттай болып Артемида храмына от салмаган – ол...
Мен маданият тармагында коьплеген йыллардан бери ислеймен, кайдай талаплы, оьнерли аьдемлер мен ислемеге туьсти мага. Соларды мен аьр заманда да эсимде саклайман, олар ман сукланаман. Биз ислеп баслаган заманларда Интернет, мобильли телефонлар болмаган. Оьз оьнерлерин халк арада яйып, маданият куллыкшылары кайзаманда да халкымыздынъ данъкын, атын оьстиргенлер. Юнус Отеген увылы Кожаев пен мен коьп йыллар бирге...
2019-ншы йылдынъ шилле айынынъ 7-нши куьнинде Дагестан Республикасынынъ Кизилюрт каласында «Янтарное» балык хозяйствосында Кубыла Сабантойы озгарылаяк.
«Село Терекли-Мектеб» СП МО администрациясында янъыларда Кисловодск каласында FCF ММА бойынша оьткен турниринде дуныя чемпионы деген йогары атты казанган Динислам Исмаиловты хош коьрип йолыгув шарасы болып оьтти.
Ногай район орталыгы Терекли-Мектеб авылында йыл сайын янъы уьйлер, байыр коммерция объектлери курылып турувы ман байланыста ерли яшавшылардынъ мал багатаган отлакларынынъ оьлшемлери де кемип барады. Сол ок заманда кайбир авылдаслардынъ сондай танъкы отлаклардынъ оьзлерин де кесеклеп арендага алып, оьз огырына кулланмага ымтылувы ерли яшавшыларда каты айыплав тувдырмай болмайды. Бу маьселеден тура янъыларда район орталыгынынъ Б.Карагулов,...
