Маьселе__________________ Коьплеген йыллар артта уллы Гоголь айткан: «Соьзге аьдиллик пен карав керек. Ол Кудай ман инсанга берилетаган энъ де йогары савга болады». Биз – шаирлер, язувшылар, Кудай ман берилген зейинлигимизди аьдиллик пен кулланмага шалысып, инсанларга оьз сезимлерин оьткир этип сезбеге амал беремиз.
Ийги аьдемлердинъ акында язбага тыныш эм суьйинишли. Меним хабарым буьгуьн бизим ердесимиз, районымыздынъ социаллык-экономикалык оьрленуьвине уьйкен уьлис коскан хатынлардынъ бириси – Альмира Ялманбет кызы Капашовадынъ акында.
Аьдемди Алла-Таала бир аьлемет этип яратып койыпты. Аьр бирисининъ касиети, турысы эм юриси бир баска. Ер юзинде не шаклы туьрли миллетлер бар болса да, терисининъ туьсине коьре де баскаланатаган болса да, биревси экиншисине усаганын бир ерде де коьрип болмаймыз.
Дуныяда туьрли динлерининъ ваькиллери татымлыкта яшайдылар. Солай болмага керек, неге десе аьр бир диннинъ оьз шакырувлары бар, олар бизди татымлыкта яшамага шакырадылар. Сен кайсы Пайхамбарга ынансанъ да, баска динлер эм конфессиялар ваькиллерине сен сыйлык этпеге керексинъ. Ногай районында коьплеген йыллардан бери орыс миллетли инсанлар яшайдылар. Олар оьзининъ кишкей Аталыгы деп бизим Ногай шоьлимизди санайдылар эм...
Сак болынъыз___________ Ногай районымыздынъ сыйлы яшавшылары! Мине эки юмадан артык заман биз баьримиз де телевизордан — уьйде олтырынъыз, — деген шакырувды эситип турамыз. Янъы технологиялар заманында, гаджетлер аркалы коьп затларды бир-биримизге де еткерип боламыз. Сога коьре, иштелигинде сол шакырув болган коьп билдируьвлер де аламыз, ама коьбиси аьдемлер шакырувга ушкары карап, орамларга шыгадылар.
Давдынъ ялынлы оты биревди де аямады. Савлай халкымыз турды явга карсы, коьплеген бактылар сол согыста куьйди, тул болып калды хатынлар, оьксиз болып калды саьбийлер. Басыр Мажит увылы Аджимуллаев согыс басланган заманда, 40 ясларында болган.
Бизим халкымыз коьп кыйынлыклардан оьтип келген. Сонынъ сырасында неше юкпалы маразлардан да. Революцияга дейим аьдемлерди сондай коьп авырувлар йоьнъкиткенин, солардан мынълаган яшавшылардынъ кырылганын да билемиз.
Дагестан Республикасынынъ Ногай районында уьйде олтыратаган яшавшыларга коьмек этуьв ниет пен «Ногайский район» МР администрациясынынъ аькимбасы М.Аджековтынъ баславы ман фонд ашылган.
Ызгы куьнлерде тек бизим элимизде тувыл, савлай дуныяда аьдемлер кыйынлыкларды басларыннан оьткерип туры. Бизим элимиздинъ, сонынъ ишинде бизим республикамыздынъ, районымыздынъ яшавшылары да тыныш болмаган сынавды оьтедилер. Куьн ярыгынынъ тезлиги мен яйылып баратаган мараз элге кыйынлык аькелип, патшалыкта ис аьрекетин бардырмайтаган гражданларга материаллык етиспевликлерди сездирмей калмады.
НОГАЙ ХАЛКТЫНЪ АЛТЫН ФОНДЫ_________ Аьр аьдемнинъ бактысын алып карасак, бир аьлемет язылган китаптей болады. Эл арасында юрген, эл уьшин куллык эткен аьдемлердинъ бактылары боьтен де кызыклы болады. Сондай аьдемлердинъ бириси – Асият Сулейман кызы Кумратова. Ол 1940-ншы йылдынъ коькек айынынъ 1-нши куьнинде Уьйкен-Халк авылында бу дуныяга энген.
