Язлыктынъ туьсуьви мен эгинши аьдем янъы йылдынъ эгин куллыкларына урынады. Эгиннинъ онъысы, онынъ саны-сапаты тек яздынъ ызгы куьнлеринде яде куьздинъ туьсуьви мен оьлшенеди, ама мектебтинъ, окытувшыдынъ ис сырагылары язлыктынъ келуьви мен, шоьл уьстиндеги яллаган куьннинъ кыздырувы ман баз болгандай, аьрекетте эсапланып баслайды. Окувшылар ман сынав куллыклар юритиледи, уьстинликлер эм кемшиликлер тешкериледилер, келеектеги окув эм тербиялав...
Ногай ясларымыздынъ туьрли дережели ярысларында катнасып, халк маданиятын, атын баска халкларга танытып, туьрли халклар ман дослыкты, байланысты беркитип, оьрлендирип келгени, юреклерде яс аркамыздынъ келеектегиси уьшин уьйкен оьктемлик тувдырады. Янъыларда Ногай районынынъ ясларыннан туьзилген «Ногай Орда» деген командасы капитаны Даниял Исакаевтинъ етекшилиги мен халклар ара тюрк КВН фестивалинде катнасып, биринши орынга тийисли болды деген куваныш хабары...
Янъыларда Россия куьнин белгилевге багысланган Черкесск каласынынъ маданият уьйинде оьткен шатлыклы шарада оьз ис аьрекетинде йогары кеспили, оьз исине яваплы, алал болган маданият, савлыкты саклав, билимлендируьв эм баска тармакларынынъ куллыкшылары патшалык савгаларына эм сыйлы атларына тийисли этилдилер. Карашай-Шеркеш Республикасынынъ аькимбасы Рашид Темрезов шатлыклы аьлде савгалаганлардынъ сырасында ногай йырлавшысы, Карашай-Шеркеш Республикасындагы ногай театрынынъ артисткасы Мая Султанбековна...
Медицина куллыкшылары сыйлы эм керекли аьрекетти бардырадылар. Аьдем дуныяга энген куьннен алып савлай оьмири бойынша олардынъ уста колларынынъ йылувлыгын сезип келеди. Ак халатлы аьдемлер оьзлерининъ заманын да, куьшин де авырувлыга коьмек этер уьшин аямайдылар. Олардынъ йылы соьзлерининъ де эмлев куьши бар. Медицина куллыкшылары янъыларда кеспи байрамын белгиледилер, олардынъ куьнине багысланган шатлыклы шара «Аминка» банкет залында...
Ана тилимиздинъ акында соьйлегенде, баьримиз де патриот. Тилимизди саклайык, ногайша соьйлейик, бизим тилимиз бай эм ярасык деп кышкырамыз. Болса да, районымызда ана тилинде шыгатаган ялгыз газетамызды окымаймыз. Окымаймыз деп айтсам, оьтирик болар, окыймыз, тек язылмага суьймеймиз. Ушынын айтсам, газетага язылув мезгили заманда бирев мен орамда токтап соьйлемеге де ынжынып каламан. «Амансыз ба» деген соьздинъ орынына...
«Кайсы уьйге кирсем де, мен авырувлыга пайда этейим деп киремен», – деген соьзлерди коьп заманлар артта Гиппократ айткан. Буьгуьнлерде коьплеген врачлар сол соьзлерди оьзининъ иси мен аклайдылар. Солардынъ ишинде – Сакинат Казу кызы Шураева. 1966-ншы йыл Сакинат Казу кызы медициналык институтын битирип, Карагас авылына участковый больницага заведующий болып туьседи. 1970-нши йыл Терекли-Мектеб авылында совхозлар ара...
Айтылган ногай язувшымыз, Россия Язувшылар союзынынъ агзасы, Карашай-Шеркеш Республикасынынъ Халк язувшысы, Н.Островский, А.Скоков эм У.Алиев атындагы халклар ара баргылардынъ иеси Иса Суюн увылы Капаевти тувганлы 70 йыллыгы ман кутлаймыз. Оьрметли Иса Суюн увылы! Сизди 70 йыллык ясынъыз бан кутлаймыз. Сизинъ кырк йылдан арткан адабиат яратувшылыгынъыз савлайына да ногай халкынъыздынъ ян булаклары деп саналган бурынгы фольклорин,...
16-ншы июнь – медицина куллыкшысынынъ куьни «Ногайский район» МР администрациясы сизди ак юректен кеспили байрам – Медицина куллыкшысынынъ куьни мен исси кутлайды. Сиз оьз яшавынъызды енъил тувыл, ама бек яваплы эм ямагатта энъ керекли кеспи мен байланыстыргансыз. Кешекуьндиз, тыншаюв эм байрам куьнлерде де сиз дуныяга янъы балалар энуьвге коьмек этесиз, операция столда, авыр авырувлыларды оьлимнен...
Янъыларда Социаллык куллыкшысынынъ куьнине багысланган байрам алдында гражданлардынъ куьндизги мезгилде ял алувы ман каьр шегетаган боьлигинде шатраш бойынша «Алтын ферзь» деп аталган аьдетке кирген турнир озгарылды. Ярысларда КЦСОН ягыннан канагатланатаганлар, пенсионерлер эм баскалай шатраш суьювшилер белсен катнастылар. КЦСОН коьшпели кубогына ие болув уьшин ярыслар кызыклы аьлде оьттилер: онда онавдан артык аьдемлер ортакшылык эттилер. Солай ок...
Оьткен уллы юма куьн, 7-нши тамбызда Терекли-Мектеб авылынынъ маданият уьйининъ алдында Россия Президентининъ мобильли приемныйы видеоконференция байланыс йорыгында район гражданларын кабыл эткен. Сол куьн баьриси 20-дан артык район яшавшылары (списокка 50-ден артык аьдем язылган эди) туьрли регионларга боьлинип яшайтаган халкымыздынъ, районымыздынъ, авыл ерлерининъ маьнели политикалык, социал-экономикалык, табиат, ер эм ерди кулланув маьселелери бойынша эртенъги 10...
