21-нши тамбыз – Медицина куллыкшысынынъ куьни Ногай районынынъ савлыкты саклав тармагынынъ сыйлы ветеранлары эм куллыкшылары! «Ногайский район» МР администрациясы эм оьзимнинъ атымнан сизди кеспилик байрамы-нъыз бан – Медицина куллыкшысынынъ куьни мен ак юректен кутлайман!
Врачтынъ кесписи тынышлардан тувыл экенин анълаймыз. Сол затты анълаган врач оьз исин яваплылык пан толтырады. Эльмира Алибек кызы Караева йырма йылдан артык Ногай район больницасында акушер-гинеколог болып ислейди. Ол – Россия акушер-гинекологлардынъ ямагатынынъ, гинекологлар-ювениологлар Ассоциациясынынъ, аьдемнинъ репродуктивли тармагында рак маразы бойынша онкологлар-специалистлер Россия ямагатынынъ агзасы. Эльмира Алибек кызы «акушерство-гинекология» эм «бала гинекология» кеспилерин байырлап, инсанлардынъ...
Кайбиримиздинъ байлыгымыз – ден савлык. Дени сав аьдемнинъ коьнъили де коьтеринъки болады, иси де шугыл юреди. Авырыган аьдемге тоьгерек як туьрли туьслерин йойып, бир куьнъирт болып коьринеди, баьри кызыксынувлар бирден йокка эсап болып каладылар. Аьлиги заманларда элимизде, республикамызда, районымызда болып турган аьллер кашан да, бизди тынышсызландырмай, ойландырмай болмайды. Яман мараздынъ атын да айтпага суьймейсинъ, ама...
Аьр аьдемнинъ бактысында кеспи сайлав борышы турады. Биревлер атаанасыннан коьрип, баскалары юрек шакырувы ман келеектеги ис аьрекетин сайлайдылар. Сайлаган кесписине алаллык пан ис аьрекетин бардырган аьдемди коьрсенъ, сога оьзинънинъ сукланувынъ ман яде суьювинъ мен де карамай болмайсынъ. Ис аьрекетин ийги бардырган аьдемге дайым да сый да, сыйлав да болады. Биревлер сол сыйды йыллар ма казанадылар,...
Оьткен юмадынъ ишинде «Ногайский район» МР администрациясынынъ аькимбасы Мухтарбий Аджеков Ногай районымыздынъ учреждениелерининъ етекшилерине, буьгуьнлерде Орталык больницасында зарарлы мараз бан куьрес юритип турган медициналык куллыкшыларына кешки асты аьзирлеп элтевди уйгынламага керек эди деген маслагатын берген эди. Сонынъ акында бизге «Ногайский район» МР администрациясынынъ опека эм попечительство боьлигининъ тамада специалисти Лейла Аджикова билдирди.
Буьгуьнлерде медициналык куллыкшылары – аьлиги заманнынъ баьтирлери, биз олардынъ кыйынлыкларды оьтпеге аьзирлигине сукланамыз эм сейирсинемиз. Коронавируслы инфекциясы ман куьресуьвде олар маразга енъ бермейдилер эм оьз ис орынларында баьтирлик коьрсетедилер. Мен сондай врачлардынъ бириси мен газета окувшыларды таныстырмага суьемен.
Буьгуьнги кыйын аьллерде баьри медицина куллыкшылары оьзлерининъ яшавларын сынавга салып, авырыган аьдемлерге коьмек этедилер. Бу исси куьнлерде врачларга, медсестраларга эм киши медицина куллыкшыларына калын коршалав кийимин кийип сав куьн узагына ислемеге туьседи. Оларды биз баьтирлер мен тенъ этемиз, неге десе халктынъ савлыгы уьшин савлай дуныядынъ медицина куллыкшылары оьз яшавларын аямай, ис аьрекетин бардырадылар.
Оьз саламымды XXI оьмирдинъ 2020-ншы йылыннан XX оьмирдинъ 1941-нши йылына беремен. Коьз алдыма сол йылларды, тарих бетлериннен билгениме, тетейимнинъ хабарларыннан эситкениме коьре, аькелемен, уьйкен атайым Карасай Сатыров пан соьзимди бардыраман, колыма калем алып, ойларымды кагытка саламан.
Согыс балалары. Оларды айырым несил демеге болады, неге десе кавга олардынъ энъ де аьлемет шагын – балалыгын урлаган. Таза аспан астында узак язгы куьнлерде ойнаяктынъ орынына балалар уьйкенлер мен бирге ислегенлер, узын кыстынъ кешелеринде де уйкламай ярдамласканлар, энъ де авыры – саьбийлерге оьксизликтинъ де ашшылыгын татпага туьскен.
Оьлимсиз йигитлик _________________ Буьгуьнлерде совет халкынынъ Уллы Аталык согысында немец-фашист Германиясын Енъуьвине 75 йыл толып турганда, биз сол эстеликли йылларда дав кырларында йигитлерше согысканларды, тылда кайратлы ислегенлерди эскеремиз.
