Янъыларда бизге аьли де бир ийги хабар келди. Москва каласында аьрекетлеген бизим ердесимиз Бриллиант Абдулмановна Межитова ис борышларын яваплы толтыратаганы уьшин Россия Федерациясынынъ коршалав министри, армия генералы Сергей Шойгудан Разылык алган. Ол Кисловодсктагы медицина колледжин уьстинликли окып тамамлаган. Бу куьнлерде РФ Коршалав министерствосынынъ 52-нши номерли Консультация – диагностикалык орталыгында (КДЦ) аьрекетлейди. Бу орталыкта армия генераллары,...
9-ншы июньде Ногай район администрациясында 7-нши шакырувдынъ Ногай муниципаллык районынынъ Депутатлар йыйынынынъ 50-нши сессиясы болып оьткен.
Быйыл Уллы Аталык согысынынъ тарихинде маьнели орынды бийлеген Сырт Кавказ уьшин дав аьрекетининъ басланувына 80 йыл толады.
Уьстимиздеги 2022-нши йыл Ногай район администрациясы ман уьлке танув эм географиялык козгалысынынъ негизшиси, 90 ясыннан оьткен сыйлы ясуьйкенимиз Бальбек Аджибайрамович Кельдасовтынъ (яткан ери еннетли болсын) йылы деп билдирилген. Ол – ногай халкынынъ яркын ваькили эстелигине сый-оьрмет этилмеге кереклигин белгилейди.
Ногай район орталык больницасынынъ куллыкшылары тийисли тыншаювга шыгув шагына еткен ис йолдаслары – больницадынъ балалар тувув боьлигининъ акушеркасын эм санитаркасын йолга салдылар. Олар – Н.Эспергенова эм Р.Абдулкеримова.
Антон Павлович Чехов айтканлай, «Врач кесписин сайлаган аьдем йигитликке барады. Бу кеспи оьз алдына ян эм ой тазалыкты талаплайды».
Медицина куллыкшысынынъ куьни элимизде йыл сайын июнь айынынъ 3-нши каты куьнинде байрамшыланады. Бу куьн энъ де сыйлы эм маьнели исин бардыратаган – медицина куллыкшыларынынъ ийги иси белгиленеди, оларга савгалар эм баргылар тапшырылады.
Тоьгерек якты саклав Савдуныялык куьни (Эколог куьни) 5-нши июньде коьп эллерде белгиленеди. Бу байрам сол куьн белгиленетаганы да босына тувыл: 1972-нши йылдынъ 5-нши июнинде ООН ман тоьгерек як маьселелери бойынша биринши кере специальлик конференция озгарылган.
Бу куьнлерде оьзининъ сыйлы мерекесин белгилейди Дагестан Республикасынынъ ат казанган маданият куллыкшысы, ДР Халк артисти Оразбийке Кокоева. Ондай хатынларды неше ясында экенин айтув кыйын, олар дайым да яс эм ярасык. Заманнынъ сондай кыскаяклылардынъ ярасыклыгын кемитпеге куьши етпейди, неге десе олар шынты кепте яшавга суьйинип боладылар. Бу хатынлардынъ аьр бир куьни аьлемет, туьрли оьзгерислерге толып озадылар....
Кайратлы, исти суьйген, коьнъили дайым да коьтеринъки болган кыскаяклылар ман аьллескен аьдемлерге олардынъ куьши эм коьнъиллиги коьшетагандай болады, сондай хатынлар аьдемлерди оьзине тартадылар. Феруза Ханмурзаева оьзининъ сондай касиетлери мен коьп йыллардан бери таныйтаганларды сукландырып келеди. Оны болса Ногай район орталыгы Терекли-Мектебте танымаган аьдемди табув кыйын болар деп ойлайман.
